Maˬkuˆ 10:3 - Akha

³ Yeˬsuˇ ehˇ-eu, “Moˇseˬ neh naw maꞈ-ahˇ biꞈ taˬ-euˬ zahˇ dawˬ kʼoꞈ dawˬ aˬ joˆ-ehˇ jaˆ ta.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur, aqyawf maf-anr aerkhof naeq-eu lafkhoer aer-eu, “Morseq nae nawmaf-anr dawq aqjox-aer biftaq-euq la?”

Maˬkuˆ 10:3 ပူးပေါင်းရင်းမြစ်များ

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Maˬkuˆ 10:2

Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Tsawˇ haˬ tiˬ gʼaˬ yawˬ ha-euˬ miˬ zaˬ kʼoꞈ naˇ, zahˇ dawˬ kʼoꞈ dawˬ-ahˇ bahˬ ta loˇ.”

Maˬkuˆ 10:4

Aˬ yawꞈ maꞈ ehˇ-eu, “Miˬ zaˬ kʼoꞈ-eu sahˬ boꞈ tiˬ dzeh boꞈ nehˬ gʼaˬ naˇ, yawˬ ha-euˬ miˬ zaˬ-ahˇ kʼoꞈ-awˇ bi gʼoꞈ-iˇ nya meh lehˇ, Moˇseˬ neh ehˇ taˬ-euˬ jaˆ meh.”

Luˇkaꞈ 10:25

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ tuˇ laˇ-awˇ, aˬ yawꞈ-ahˇ lawˬ haw mawꞈ-eu miˇ neh, heu loꞈ-ehˇ ehˬ-eu meh. “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ jeˬ ya mˇ ta.”

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Gaˬlaˬtiˆ 4:21

Naw maꞈ laꞈ kʼoeˇ, Zahˇ dawˬ kʼoꞈ dawˬ uˬ moˆ jawˇ mawꞈ-eu deuˬ-ahˇ ngaˇ heu loꞈ-ehˇ naˇ haˬ mawꞈ-eu ma. Zahˇ dawˬ kʼoꞈ dawˬ naw maꞈ-ahˇ aˬ joˆ-ehˇ ehˇ luꞈ-eu naw maꞈ-ahˇ gaˬ laˇ miˇ-a loˇ.