Maˬkuˆ 10:27 - Akha

²⁷ Yeˬsuˇ aˬ yawꞈ maꞈ-ahˇ haw tsoˆ-awˇ ehˇ nehˬ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ jahˇ nya meh. Miˬyehˇ maˬ jahˇ nya-eu tiˬ jeˬ-iˬ maˬ baw-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Yeqsur, aqyawf maf-anr haw-awr aernaeq-eu, “Tsawrhaq maq janrnya-eu khawf, Miqyaer maq janrnya-eu maqngeur-a. Aqjeq mirnae aernar-aq, Miqyaer-aq, yawqjeq navluf janrnya-eu mae.”

Maˬkuˆ 10:27 ပူးပေါင်းရင်းမြစ်များ

2 Sahˬpaˬ 3:18

Eˇliˇshehˇ paˇ ehˇ-eu, “Gaˇ heu-aˬ, Sahˬpaˬ Miˬyehˇ gʼaˇ duˬ awˬ dui dui-eu gaˇ meh. Mawˇbaˆ miˇ kʼahˬ kʼawꞈ, naw maꞈ-euˬ aˬ laꞈ laꞈ kʼoeˇ aˬ yawꞈ a nehˬ laꞈ tehꞈ-a.

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

Yawˇbaˆ 42:2

“Sahˬpaˬ Miˬyehˇ-oˇ, nawˇ baoˬ dawˬ tawˆ luꞈ jaˆ-awˇ, kʼaˇ mˇ mawꞈ-eu jeˬ mˇ nya meh lehˇ ngaˇ siˬ nya ma.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 32:27

“Ngaˇ-aˬ, miˇ tsaˬ zaˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ maˬ mˇ nya-eu tiˬ jeˬ-iˬ maˬ jaˆ.

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Maꞈtehˬ 19:26

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Maˬkuˆ 10:26

Dawˬ kʼoeˇ dawˬ-ahˇ aˬ yawꞈ maꞈ zahˬ dui dui leˇ-awˇ tiˬ gʼaˬ tiˇ gʼaˬ ehˇ-eu, “Toˆ-ehˇ ngeuˇ naˇ, ka kʼoꞈ-eu jeˬ-ahˇ za nya-eu tsawˇ haˬ aˬ suˇ gʼaˬ jawˇ nmˇ.”

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Luˇkaꞈ 18:27

Yeˬsuˇ ehˇ-eu, “Tsawˇ haˬ zaˬ maˬ jahˇ nya-eu jeˬ-ahˇ Miˬyehˇ jahˇ nya meh.”

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

HeˬByehˇ 11:19

Iˇtsaˆ-ahˇ shiˇ-eu jeˬ laꞈ kʼoeˇ Miˬyehˇ bi gʼoꞈ dehꞈ laˇ nya meh lehˇ Aˬbyaˬhaˬnoeˬ-euˬ meh. Dawˬ yehˆ zmˬ-awˇ ya ehˇ naˇ, Iˇtsaˆ shiˇ dzeuˇ-euˬ paˇ za kʼoꞈ-euˬ gaˇ duˇ-eu meh.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.