Maˬkuˆ 10:22 - Akha

²² Dawˬ kʼoeˇ dawˬ-ahˇ tsawˇ haˬ kʼoeˇ gʼaˬ ya gaˬ ngeh, myaˆ pyawˬ nyoeˬ-iˇ-awˇ, nui ma maˬ saˇ ni gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Tsawrhaq khoerghaq dawq khoerdawq-anr yagaq ngae, aqyawf myawqganq ghawqmya’ni jav-eu mirnae, myavpyawq nyoeqkheurni pyeuf-ir-awr, noeqshaq duidui-eu lafkhoer dov-ir-euq mae.

Maˬkuˆ 10:22 ပူးပေါင်းရင်းမြစ်များ

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maꞈtehˬ 19:22

Dawˬ kʼoeˇ dawˬ-ahˇ ya gaˬ ngeh, zaˬ guˬ kʼoeˇ gʼaˬ nui ma cawˆ dui dui-awˇ gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Maꞈtehˬ 27:3

Yeˬsuˇ-ahˇ ahˬ dzaˬ-euˬ Yuˇdaˆ kʼoeˇ gʼaˬ, Yeˬsuˇ-ahˇ sehꞈ-eu gʼaˇ duˬ aˬ cawˬ yaˇ kʼaˬ daˇ tsehˆ gʼaˬ-euˬ gaˇ kawˆ ya siˬ ngeh, yawˬ ha neh mˇ lehˬ-euˬ gaˇ kawˆ noeˬ shaˬ dui dui-awˇ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ jawˇ gaˇ pyuˇ maˇ byaˆ kʼoeˇ smˬ tseˇ byaˆ biꞈ kʼoꞈ ha-iˇ-euˬ meh.

Maˬkuˆ 10:21

Yeˬsuˇ aˬ yawꞈ-ahˇ gʼawˬ shaˬ haw gaˬ-awˇ ehˇ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ, shaˬ zaˬ zahˬ zaˬ deuˬ-ahˇ biꞈ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ kʼoꞈ laˇ-awˇ, ngaˬ-euˬ meh nah caw teh laˇ-awˬ.”

Maˬkuˆ 10:23

Yeˬsuˇ aˬ yawꞈ-euˬ zaˬ lahˇ deuˬ jawˇ paw ciˬ pyawˇ-awˇ ehˇ-eu, “Smˇ muiˬ smˇ baw deuˬ Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.”

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Maˬkuˆ 6:26

Dawˬ kʼoeˇ dawˬ baˬ da neh sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ kamˬ tsehˆ gʼaˬ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ maˬ jahˇ nehˬ-ehˇ maˬ gʼeh nya-a.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Luˇkaꞈ 18:23

Ehˇ kʼawꞈ, dawˬ kʼoeˇ dawˬ-ahˇ tsawˇ haˬ kʼoeˇ gʼaˬ ya gaˬ ngeh, noeˬ shaˬ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

2 Gawˇliˬtu 7:10

Miˬyehˇ nui ma tsaˬ-eu laꞈ kʼoeˇ ya noeˬ shaˬ-eu jeˬ-aˬ, nui ma-ahˇ bi noeˬ paˇ-awˇ, ka kʼoꞈ-eu jeˬ za ni sheuˬ gʼeh-eu jeˬ pyeuꞈ-eu meh. Kʼoeˇ baˬ da neh nui ma maˬ saˇ-ehˇ gʼeh-eu maˬ loˬ-a. Ehˇ kʼawꞈ, tsawˇ haˬ zaˬ-ahˇ taꞈ leˇ-awˇ noeˬ shaˬ-eu jeˬ-aˬ, shiˇ-eu jeˬ-ahˇ uˬ duˬ duˬ leˇ-eu meh.

Eˇpeˇsu 5:5

Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.