Maˬkuˆ 10:21 - Akha

²¹ Yeˬsuˇ aˬ yawꞈ-ahˇ gʼawˬ shaˬ haw gaˬ-awˇ ehˇ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ, shaˬ zaˬ zahˬ zaˬ deuˬ-ahˇ biꞈ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ kʼoꞈ laˇ-awˇ, ngaˬ-euˬ meh nah caw teh laˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Yeqsur, aqyawf-anr haw-awr, aqyawf-anr gaq-eu lafkhoer aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae-awr, irshaqzaq-anr birnaeq-awq, mq-euq khoertav nawq-euq pyurshuir myawqganq javlar taef-a. Khoernar-aq, lafyaq baf-awr ngaq-euq maeqnan cantae lar-awq.”

Maˬkuˆ 10:21 ပူးပေါင်းရင်းမြစ်များ

Aˇ dahˬ 34:19

Yaˬkoˆ-euˬ aˬ buˇ-ahˇ Sheˬkmˬ mawꞈ dui dui leˇ-eu miˇ neh, nyi naˬ nyi naˬ-ehˇ maˬ jawˇ ni, aˬ ha mehˇ nmˇ neh kʼaˇ ehˇ-euˬ loꞈ-ehˇ geuꞈ ma lehˇ, tiˬ poˆ tehꞈ-ehˇ ehˇ tsehˆ-euˬ meh. Sheˬkmˬ-aˬ, Hiˇbiˇ tsawˇ jeuˬ laꞈ kʼoeˇ aˬ cawˬ naˆ maˬ tseˇ myaˆ pyawˬ naˇ mehˇ jaˆ-eu gʼaˬ pyeuꞈ-eu meh.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 19:21

Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”

Maˬkuˆ 10:22

Dawˬ kʼoeˇ dawˬ-ahˇ tsawˇ haˬ kʼoeˇ gʼaˬ ya gaˬ ngeh, myaˆ pyawˬ nyoeˬ-iˇ-awˇ, nui ma maˬ saˇ ni gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Maˬkuˆ 8:34

Kʼoeˇ ngeh, Yeˬsuˇ-aˬ, tsawˇ haˬ aˇ maꞈ hawˇ-eu aˬ yawꞈ-euˬ zaˬ lahˇ deuˬ-ahˇ aˬ yawꞈ jawˇ gaˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-awˇ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 16:9

“Ngaˇ naw maꞈ-ahˇ ehˇ nehˬ nyaˇ. Miˇ tsaˬ pyuˇ shuiˇ myawˬ gahˬ-ahˇ gʼoe-awˇ, aˬ cawˬ-ahˇ cawˬ cawˬ taꞈ-awˬ. Kʼoeˇ loꞈ-ehˇ jahˇ naˇ, pyuˇ shuiˇ myawˬ gahˬ kʼoeˇ deuˬ byoˆ-iˇ jiˇ ngeh, mˬ maˬ maˬ byaˆ zaˇ ziˇ ziꞈ-eu jawˇ duˬ laꞈ kʼoeˇ, naw maꞈ-ahˇ ha geuꞈ nehˬ laꞈ tehꞈ-a.

Luˇkaꞈ 18:22

Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 9:23

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kahˇ ya byehˇ dzeh-awˇ, yawˬ nah na luꞈ yawˬ ha-euˬ laꞈ yaꞈ baꞈ-awˇ ngaˬ-euˬ mehˬ nah ya laˇ meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 2:45

Aˬ yawꞈ maꞈ yawˬ ha-euˬ myawˬ gahˬ ahˬ dzeh-awˇ, za-euˬ pyuˇ kʼoeˇ aˬ yawꞈ gʼaˬ yawꞈ kʼaˇ loˬ-eu loꞈ-ehˇ biˇ geuꞈ-euˬ meh.

2 Gawˇliˬtu 12:15

Ngaˇ kʼaˇ jaˆ-eu jeˬ dawˬ tawˆ luꞈ hawˇ-eu ngaˬ-euˬ gʼawˇ mawˇ dawˬ tawˆ luꞈ, naw maꞈ-ahˇ caw ba-eu gʼaˇ duˬ laˬ kʼaˬ tiˬ cehˇ damˬ-eu ma. Ngaˇ naw maꞈ-ahˇ gaˬ dui dui-eu miˇneh naw maꞈ ngaˬ-ahˇ ui cuiˆ tehꞈ-ehˇ gaˬ te loˇ.

2 Tiˆmoˇseˬ 3:12

Yeˬsuˇ Ka li laꞈ kʼoeˇ Miˬyehˇ-ahˇ yaw zeu baw baw-ehˇ kʼaˇ dehꞈ-eu tsawˇ haˬ yawˬ gʼaˬ na luꞈ kʼehˬ-eu kʼaˆ-eu jeˬ-ahˇ ya daˬ tehꞈ-a.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

Yaˬkoˆ 2:10

Tsawˇ haˬ aˬ geuˬ gʼaˬ maˬ kaˬ, zahˇ dawˬ kʼoꞈ dawˬ dawˬ tawˆ luꞈ-ahˇ caw teh luꞈ kʼawꞈ, tiˬ dawˬ-ahˇ mˇ bahˬ naˇ, dawˬ tawˆ luꞈ-ahˇ mˇ bahˬ-euˬ jeˬ pyeuꞈ-eu meh.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Panmaeq 2:20

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.

Panmaeq 2:4

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yaw beh nawˇ ngaˬ-ahˇ gaˬ-euˬ loꞈ-ehˇ, nymˬ-mˇ maˬ gaˬ-a.