Maˬkuˆ 1:43 - Akha

⁴³ Tsawˇ haˬ kʼoeˇ gʼaˬ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-awˇ bi gʼoꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoernar-aq, Yeqsur, aqyawf-anr dawq yawkhav-aer bif-awr, bighof-ir-euq mae.

Maˬkuˆ 1:43 ပူးပေါင်းရင်းမြစ်များ

Maꞈtehˬ 9:30

Kʼoeˇ ngeh, aˬ yawꞈ nyaꞈ myaˆ nuiˆ mawˇ laˇ-euˬ meh. Aˬ yawꞈ nyaꞈ-ahˇ Yeˬsuˇ ehˇ nehˬ-eu, “Ngaˬ neh naw nyaꞈ-ahˇ myaˆ nuiˆ bi mawˇ laˇ-euˬ gaˇ kawˆ heu, aˬ cawˬ tiˬ gʼaˬ-ahˇ-iˬ maˬ bi siˬ ni yaw kʼaˆ kʼaˆ-ehˇ yahˇ-awˬ.”

Maˬkuˆ 1:42

Coiˬ doi naˇ gawˇ kʼoeˇ ja pyuˬ ni byoˆ-iˇ jiˇ-awˇ, tsawˇ haˬ kʼoeˇ gʼaˬ muiˬ laˇ shawˇ laˇ-euˬ meh.

Maˬkuˆ 1:44

“Naˇ haˬ sheˇ. Gaˇ kawˆ heu tiˬ gʼaˬ-ahˇ-iˬ taˬ ehˇ nehˬ de. Tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ-ahˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ yaꞈ-euˬ lawˇ-eu shehˇ-eu jeˬ lawˇ-iˇ-awˬ.”

Maˬkuˆ 3:12

Aˬ yawꞈ aˬ suˇ gʼaˬ pyeuꞈ-eu gaˇ kawˆ aꞈ cawˬ-ahˇ maˬ ehˇ mehˬ-eu gʼaˇ duˬ, nehꞈ yaw jawꞈ kʼoeˇ deuˬ-ahˇ Yeˬsuˇ yaw kʼaˆ kʼaˆ-ehˇ dawˬ biꞈ-euˬ meh.

Maˬkuˆ 5:43

Gaˇ kawˆ kʼoeˇ aˬ cawˬ maˬ bi siˬ ni yahˇ-eu gʼaˇ duˬ, aˬ yawꞈ maꞈ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-euˬ meh. Kʼoeˇ naˇ, “Aˬ buˇ-ahˇ tiˬ jeˬ paˬ bi dzaˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Maˬkuˆ 7:36

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ ya ja nehˬ-eu gʼaˇ duˬ, tsawˇ haˬ kʼoeˇ deuˬ-ahˇ Yeˬsuˇ dawˬ biꞈ-euˬ meh. Ehˇ kʼawꞈ, aˬ yawꞈ ngehˬ-ehˇ laˆ tsoeˬ naˇ, aˬ yawꞈ maꞈ ngehˬ-ehˇ ja byah gʼeh-euˬ meh.

Luˇkaꞈ 8:56

Aˬ yawꞈ-euˬ aˬ da aˬ ma zahˬ dui dui leˇ-euˬ meh. Ehˇ kʼawꞈ, pyeuꞈ laˇ-euˬ gaˇ kawˆ kʼoeˇ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, aˬ yawꞈ maꞈ-ahˇ Yeˬsuˇ dawˬ biꞈ-euˬ meh.