Maˬkuˆ 1:40 - Akha

⁴⁰ Coiˬ doi naˇ-eu tsawˇ haˬ tiˬ gʼaˬ Yeˬsuˇ jawˇ gaˇ oe-awˇ, pawˬ tsuiꞈ pawˬ dmˬ dmˬ-awˇ, “Nawˇ jahˇ nehˬ laꞈ mawꞈ naˇ, ngaˇ muiˬ laˇ shawˇ laˇ ni jahˇ nya meh” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Khoerngae, coiqdoi nar-eu tiq ghaq, Yeqsur jawr-eu gar lar-awr, pawqtsuif pawqdmq dmq-awr nae tanqshar-eu, “Nawr janrmawf nar-aq, ngar shawrlarni, nawr janrnya mae.”

Maˬkuˆ 1:40 ပူးပေါင်းရင်းမြစ်များ

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

2 Saˬmeuˬlaˆ 3:29

Iˬ baˇ kʼoeˇ baˬ da neh keuˆ le-eu kʼehˬ-eu kʼaˆ-eu jeˬ, Yoˇbaˬ hawˇ-eu aˬ yawꞈ-euˬ nymˇ jiˇ kʼoeˇ taˆ tehꞈ-ehˇ jaˆ luꞈ-uˇ. Tiˬ ziˇ saˇ-iˬ tiˬ ziˇ, aˬ yawꞈ-euˬ aˇ jeuˬ aˇ ca deuˬ laꞈ kʼoeˇ, maˇ uiˇ yoeˇ-eu, coiˬ doi naˇ-eu, daˇ tsuiꞈ kʼoꞈ-eu, miˬ siˬ miˬ kaˆ-euˬ mehˬ kʼehˬ-ahˇ shiˇ-eu, hawˬ mehꞈ shaˬ-eu, heu loꞈ-ehˇ gʼeh-eu tiˬ jeˬ paˬ guˬ leˇ-euˬ tsawˇ haˬ tiˬ gʼaˬ, aˬ myah luꞈ maˬ tsehˆ leˇ ni jawˇ luꞈ-uˇ.”

2 Sahˬpaˬ 15:5

Sahˬpaˬ Miˬyehˇ neh Awˇziˇ-ahˇ maˬ shiˇ tiˬ ziˇ nyawˬ bi naˇ-awˇ, nymˇ tiˬ nymˇ laꞈ kʼoeˇ aˬ yawꞈ tiˬ gʼaˬ tehꞈ-ehˇ jawˇ-euˬ meh. Aˬ yawꞈ-euˬ aˬ li Yoˇdaˬ gʼaˬ neh miˇ kʼahˬ-ahˇ bi uˆ lahˇ-euˬ meh.

2 Sahˬpaˬ 7:3

Nyawˬ naˇ-eu tsawˇ haˬ oeˬ gʼaˬ, Saˬmaˬliˆ meuˬ-euˬ lahˇ kʼehˬ laꞈ nyiˇ paw jawˇ luꞈ-eu meh. Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ dui ya mehꞈ sehꞈ jiˇ ngeh keuˆ ni, aˬ jeˬ miˇ neh heu gaˇ dzuˇ dzuˇ-ehˇ jawˇ nmˇ.

2 Laˬsaˬbaˬ 6:13

(Sawˇlaˬmoˬ-aˬ, guiˬ shuiˇ ja ciˬ tiˬ ciˬ jahˇ-awˇ, Uˬ duˬ tahˬ nymˇ nymˇ ma-euˬ kmˇ cehˇ laꞈ kʼoeˇ jaˆ-eu pu kaˬ gʼahˇ ceh bi jaˆ-euˬ meh. Ja ciˬ kʼoeˇ ciˬ ngaˬ caˆ oeˬ bawˬ byah-awˇ, smˬ caˆ goˆ-eu meh. Ja ciˬ kʼoeˇ-euˬ kʼoeˇ taˆ aˬ yawꞈ daˆ leˇ-awˇ, yawˬ gʼaˬ na luꞈ haw mawˇ gaˇ pawˬ tsuiꞈ pawˬ dmˬ dmˬ-awˇ, mˬ paw aˬ laꞈ baꞈ diˇ-euˬ meh.)

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 17:14

Aˬ yawꞈ maꞈ tsawˇ haˬ aˇ maꞈ jawˇ gaˇ gʼoꞈ keuˆ le ngeh, tsawˇ haˬ tiˬ gʼaˬ Yeˬsuˇ mehˬ shi pawˬ tsuiꞈ pawˬ dmˬ dmˬ le-awˇ, heu loꞈ-ehˇ ehˇ-eu meh.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Maˬkuˆ 10:17

Yeˬsuˇ gaˇ ma doˆ-iˇ-eu lehˇ luˆ-iˇ ngeh, tsawˇ haˬ tiˬ gʼaˬ cehˆ gʼeh laꞈ-awˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ ehˇ-eu, “Muiˬ-eu saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ geu jeˬ ya mˇ ta.”

Luˇkaꞈ 22:41

Kʼoeˇ naˇ, aˬ yawꞈ maꞈ jawˇ gaˇ neh daˇ biˬ tiˬ biˬ kaˬ gaˇ aˬ yawꞈ iˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

Eˇpeˇsu 3:14

Kʼoeˇ baˬ da neh, Aˬda-euˬ mehˬ shi ngaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-eu ma.