Maˬkuˆ 1:39 - Akha

³⁹ Kʼoeˇ naˇ, Gaˬliˬlehˇ miˇ kʼahˬ doe ni aˬ yawꞈ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ mehˬ mehˬ-ehˇ cah-awˇ, nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Khoernar-aq, aqyawfmaf Gaqliqlaer mirkhanq doeni ir-awr, aqyawf maf-euq zanrdawq khawqnymr-euq lafkhoer dawqmaeq maeq-awr, naef-anr khawf taedov naeq-euq mae.

Maˬkuˆ 1:39 ပူးပေါင်းရင်းမြစ်များ

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 9:35

Meuˬ doe ni, pu doe ni Yeˬsuˇ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ dawˬ tsoˆ tsoˆ-euˬ meh. Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ-awˇ, naˇ gawˇ yawˬ jeˬ na luꞈ-ahˇ laˆ taˬ nehˬ-euˬ meh.

Maˬkuˆ 1:21

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬbeˬneˬoˬ meuˬ-ahˇ iˇ-awˇ, Jawˇ nah keuˆ laˇ ngeh, uˬ duˬ tahˬ nymˇ -ahˇ Yeˬsuˇ le-awˇ, mehˬ nehˬ tsoˆ nehˬ-euˬ meh.

Maˬkuˆ 1:23

Kʼoeˇ ngeh, nehꞈ yaw jawꞈ uˇ-eu tsawˇ haˬ tiˬ gʼaˬ uˬ duˬ tahˬ nymˇ kʼoeˇ nymˇ laꞈ kʼoeˇ uˇ laˇ-awˇ,

Maˬkuˆ 1:38

Ehˇ kʼawꞈ, Yeˬsuˇ ehˇ-eu, “Aˬ dui maꞈ heu paw jaˆ-eu pu deuˬ-ahˇ ya iˇ meh. Pu kʼoeˇ deuˬ-ahˇ kʼawꞈ, ngaˇ dawˬ mehˬ ya mehˬ-iˇ meh. Aˬ jeˬ miˇ neh ehˇ naˇ, kʼoeˇ gaˇ dawˬ mehˬ mehˬ-iˇ-eu lehˇ ngaˇ oe-euˬ ma.”

Maˬkuˆ 3:1

Kʼoeˇ naˇ, Yeˬsuˇ uˬ duˬ tahˬ nymˇ-ahˇ le-euˬ meh. Aˬ laꞈ tiˬ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh.

Maˬkuˆ 6:6

Tsawˇ ha koeˇ deuˬ jah-eu nui ma maˬ ahˇ gaˇ aˬ yawꞈ zahˬ dui dui leˇ-euˬ meh. Kʼoeˇ naˇ, kʼoeˇ gaˇ jaˆ-eu pu deuˬ-ahˇ Yeˬsuˇ iˇ-awˇ mehˬ nehˬ tsoˆ nehˬ-euˬ meh.

Maˬkuˆ 7:30

Aˬ yawꞈ iˇ kahˇ-ahˇ gʼoꞈ-iˇ ngeh, aˬ yawꞈ-euˬ aˬ buˇ yuꞈ zaˇ kʼoeˇ taˆ yuꞈ luꞈ-awˇ, nehꞈ kʼoeˇ mawˇ aˬ diˇ aˬ maˇ doˆ-iˇ dzeuˇ-euˬ gaˇ ya mawˇ-euˬ meh.

Luˇkaꞈ 4:41

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ deuˬ kʼawꞈ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ guˇ-ehˇ doˆ-iˇ jiˇ-euˬ meh. Nehꞈ kʼoeˇ deuˬ dawˬ maˬ bi ngehˬ doˆ laˬ ni, Yeˬsuˇ yaw kʼaˆ kʼaˆ-ehˇ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ Ka li pyeuꞈ-eu gaˇ kawˆ aˬ yawꞈ maꞈ siˬ nya-eu meh.