Maˬkuˆ 1:32 - Akha

³² Nahˇ ma ga ahˇ-awˇ uˬ ciꞈ ciꞈ le ngeh, naˇ-eu tsawˇ haˬ deuˬ hawˇ-eu nehꞈ uˇ-eu tsawˇ haˬ dawˬ tawˆ luꞈ-ahˇ, Yeˬsuˇ jawˇ gaˇ sheuˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nanrma ga’anr-awr, uqcif cifleluf ngae, aqcawq nar-awr gawr-eu tsawrhaq dawqtawvluf hawr-eu naef ur-eu tsawrhaq, Yeqsur jawr-eu gar sheuqlaf-euq mae.

Maˬkuˆ 1:32 ပူးပေါင်းရင်းမြစ်များ

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 8:16

Kʼoeˇ ngeh nah uˬ ciꞈ ciꞈ le ngeh, nehꞈ uˇ-eu tsawˇ haˬ gʼawˬ mya ni Yeˬsuˇ jawˇ gaˇ sheuˬ laꞈ-euˬ meh. Aˬ yawꞈ dawˬ tehꞈ-ehˇ ngehˬ-awˇ, nehꞈ kʼoeˇ deuˬ-ahˇ teh doˆ nehˬ jiˇ-euˬ meh. Naˇ-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ laˆ taˬ nehˬ-euˬ meh.

Maꞈtehˬ 8:17

Aˬ yawꞈ kʼoeˇ loꞈ-ehˇ mˇ-euˬ-aˬ,“Aˬ dui jawˇ saˇ maˬ doˆ-eu jeˬ-ahˇ aˬ yawꞈ yuˇ dzeh-awˇ, aˬ dui-euˬ naˇ gawˇ-ahˇ aˬ yawꞈ pi dzeh-euˬ meh” lehˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Maˬkuˆ 1:21

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬbeˬneˬoˬ meuˬ-ahˇ iˇ-awˇ, Jawˇ nah keuˆ laˇ ngeh, uˬ duˬ tahˬ nymˇ -ahˇ Yeˬsuˇ le-awˇ, mehˬ nehˬ tsoˆ nehˬ-euˬ meh.

Maˬkuˆ 1:31

Yeˬsuˇ aˬ yawꞈ jawˇ gaˇ iˇ-awˇ, aˬ laꞈ-ahˇ nyehꞈ tehˬ-awˇ gʼeu tuˇ nehˬ-euˬ meh. Kʼoeˇ ngeh, aˬ yawꞈ pyaˬ-eu taˬ leˇ-awˇ, aˬ yawꞈ maꞈ-ahˇ dzaˬ dzaˬ dawˇ dawˇ lehˬ hmˬ laˆ saˆ nehˬ-euˬ meh.

Maˬkuˆ 3:2

Jawˇ nah ngeh nah tsawˇ haˬ kʼoeˇ gʼaˬ-ahˇ Yeˬsuˇ laˆ taˬ nehˬ nga loˇ lehˇ haw duˬ-awˇ, Yeˬsuˇ-euˬ yaw lehˬ poˆ-eu lehˇ noeˬ gahˇ taˬ-euˬ tsawˇ haˬ tiˬ deuˬ kʼawꞈ, kʼoeˇ gaˇ jawˇ-eu meh.

Luˇkaꞈ 4:40

Nahˇ ma ga ahˇ gʼaˬ ngeh, naˇ gawˇ gʼawˬ mya jeˬ naˇ-eu tsawˇ haˬ gʼawˬ mya ni-ahˇ, Yeˬsuˇ jawˇ gaˇ sheuˬ ha laˇ-euˬ meh. Yawˬ gʼaˬ na luꞈ kʼoeˇ taˆ aˬ yawꞈ aˬ laꞈ baꞈ daˆ nehˬ-awˇ, dawˬ tawˆ luꞈ-ahˇ laˆ taˬ nehˬ-euˬ meh.

Luˇkaꞈ 4:41

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ deuˬ kʼawꞈ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ guˇ-ehˇ doˆ-iˇ jiˇ-euˬ meh. Nehꞈ kʼoeˇ deuˬ dawˬ maˬ bi ngehˬ doˆ laˬ ni, Yeˬsuˇ yaw kʼaˆ kʼaˆ-ehˇ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ Ka li pyeuꞈ-eu gaˇ kawˆ aˬ yawꞈ maꞈ siˬ nya-eu meh.