Maˬkuˆ 1:27 - Akha

²⁷ Tsawˇ haˬ dawˬ tawˆ luꞈ zahˬ dui dui leˇ-awˇ, tiˬ gʼaˬ tiˇ gʼaˬ heu loꞈ-ehˇ ehˇ-eu meh. “Teu aˬ joˆ-ehˇ gʼeh-eu nga. Mehˬ nehˬ tsoˆ nehˬ-eu yaw shuiꞈ tiˬ jeˬ nga loˇ. Tsawˇ haˬ teu gʼaˬ nehꞈ yaw jawꞈ deuˬ-ahˇ dawˬ biꞈ nya gaˇ keuˆ ni baoˬ ahˇ-awˇ, nehꞈ kʼoeˇ deuˬ aˬ yawꞈ-euˬ dawˬ ya naˇ haˬ-eu nga laˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Tsawrhaq khoerdeuq dawqtawvluf zanqler jir-awr, aqyawf maf-euq yawkaq ja-eu, “Aqjeq aqjox-aer nga heu? Aqgar-euq dawqmaeq dawqtsov yawshuif nga? Aqyawf aryaq jav-eu lafkhoer naef yawjawf deuq-anr dawq bif ngae, naef yawjawf deuq khawf, aqyawf-euq dawq-anr narhaq geuf-eu nga.”

Maˬkuˆ 1:27 ပူးပေါင်းရင်းမြစ်များ

Maꞈtehˬ 15:31

Aˬ dzawˬ deuˬ dawˬ ngehˬ nya laˇ-awˇ, kuiˇ kuˆ laꞈ kuˆ kuˆ-eu deuˬ muiˬ laˇ-awˇ, kuiˇ shiˇ laꞈ shiˇ shiˇ-eu deuˬ cah nya laˇ-awˇ, myaˆ behꞈ deuˬ myaˆ nuiˆ mawˇ laˇ-euˬ gaˇ ya mawˇ ngeh, aˬ yawꞈ maꞈ zahˬ dui dui leˇ-euˬ meh. Kʼoeˇ ngeh, Iˇsaˬleˬlaˆ tsawˇ jeuˬ-euˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

Maꞈtehˬ 8:9

Aˬ jeˬ miˇ neh ehˇ naˇ, ngaˇ kʼawꞈ, ngaˇ naˆ maˬ tseˇ huiˬ-eu yaw huiˬ yaw mahˇ deuˬ-euˬ laꞈ oˆ gaˇ ya mˇ luꞈ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ kʼaˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ kʼaˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ jeˬ ya mˇ meh.”

Maꞈtehˬ 9:33

Ehˇ kʼawꞈ, nehꞈ teh doˆ nehˬ-euˬ nehˬ-ehˇ tiˬ poˆ tehꞈ-ehˇ, tsawˇ haˬ kʼoeˇ gʼaˬ dawˬ ngehˬ nya laˇ-euˬ meh. Kʼoeˇ ngeh, tsawˇ haˬ dawˬ tawˆ luꞈ zahˬ leˇ-awˇ, “Iˇsaˬleˬlaˆ miˇ kʼahˬ laꞈ kʼoeˇ heu loꞈ-ehˇ mˇ-eu jeˬ tiˬ jawˇ-iˬ maˬ mawˇ haw-aˬ” lehˇ ehˇ-eu meh.

Maˬkuˆ 1:26

Nehꞈ yaw jawꞈ kʼoeˇ mawˇ tsawˇ haˬ kʼoeˇ gʼaˬ-ahˇ yaw kʼaˆ-ehˇ bi teuˆ laˇ-awˇ, tiˬ teˇ guˇ kʼaˆ laˇ-awˇ doˆ-iˇ-euˬ meh.

Maˬkuˆ 1:28

Kʼoeˇ ngeh, Yeˬsuˇ-euˬ gaˇ kawˆ kʼoeˇ, tiˬ poꞈ tehꞈ-ehˇ Gaˬliˬlehˇ miˇ kʼahˬ gaˬ doe-iˇ-euˬ meh.

Maˬkuˆ 10:24

Dawˬ kʼoeˇ dawˬ-ahˇ ya gaˬ ngeh, zaˬ lahˇ deuˬ tsoˆ leˇ jiˇ-euˬ meh. Ehˇ kʼawꞈ, Yeˬsuˇ paˇ ehˇ-eu, “Ngaˬ-euˬ zaˬ deuˬ-oˇ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Maˬkuˆ 10:32

Yeˬsuˇ hawˇ-eu a yawꞈ-euˬ zaˬ lahˇ deuˬ Yeˬluˇsaˬlehˬ meuˬ-ahˇ le-eu lehˇ, gaˇ pehˇ le luꞈ-eu meh. Yeˬsuˇ mehˬ hu paw cah-awˇ, jeˬ nah paw cah luꞈ-eu zaˬ lahˇ deuˬ-aˬ, kʼahˬ lahˇ lahˇ-ehˇ caw teh luꞈ-eu meh. Naˇ kʼah paw cah luꞈ-eu tsawˇ haˬ deuˬ-aˬ, guˆ-eu meh. Zaˬ lahˇ deuˬ-ahˇ Yeˬsuˇ tiˬ poˆ paˇ sheuˬ ceuˆ gʼeh-awˇ, aˬ yawꞈ-euˬ kʼoeˇ taˆ keuˆ le-eu lehˇ gʼeh-eu jeˬ dzawˇ nehˬ-euˬ meh.

Maˬkuˆ 16:5

Kʼoeˇ naˇ, aˬ yawꞈ maꞈ lmˬ bymˇ laꞈ kʼoeˇ uˇ leˇ ngeh, mehˬ tsoeˬ pyuˇ deuˬ ni dm taˬ-euˬ kʼaˬ dzeˇ zaˬ zaˬ guˬ tiˬ gʼaˬ aˇ maˇ paw pyawˬ-ahˇ nuiˇ luꞈ gaˇ ya mawˇ-awˇ, tsawˬ guˆ-iˇ-euˬ meh.

Maˬkuˆ 16:6

Zaˬ guˬ kʼoeˇ gʼaˬ aˬ yawꞈ maꞈ-ahˇ ehˇ-eu, “Taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Naˬzaˬlehˇ tsawˇ haˬ Yeˬsuˇ-ahˇ naw maꞈ haw le-euˬ meh lehˇ ngaˇ siˬ nya ma. Aˬ yawꞈ heu gaˇ maˬ paˇ jawˇ meh. Miˬyehˇ neh aˬ yawꞈ-ahˇ bi gʼoꞈ dehꞈ laˇ gʼaˬ-euˬ meh. Haw sheˇ. Aˬ yawꞈ-ahˇ heu gaˇ baꞈ taˬ-awˇ bi jaˆ-euˬ meh tawˇ.

Maˬkuˆ 7:37

Kʼoeˇ loꞈ-ehˇ ja gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh. Aˬ yawꞈ maꞈ ehˇ-eu, “A yawꞈ neh kʼaˇ mˇ-euˬ yawˬ jeˬ na luꞈ aˇ naˆ ni muiˬ-eu nga. Naˬ bawˬ deuˬ naˬ bawˇ gaˬ nya laˇ-awˇ, aˬ dzawˬ deuˬ dawˬ ngehˬ nya laˇ gaˇ keuˆ ni aˬ yawꞈ mˇ nya-euˬ nga.”

Luˇkaꞈ 4:36

Tsawˇ haˬ kʼoeˇ deuˬ zahˬ leˇ jiˇ-awˇ, tiˬ gʼaˬ tiˇ gʼaˬ ehˇ-eu, “Dawˬ teu dawˬ aˬ joˆ-ehˇ gʼeh-eu dawˬ nga. Aˬ yawꞈ dawˬ ngehˬ-awˇ nehꞈ yaw jawꞈ-ahˇ dawˬ biꞈ ngeh, nehꞈ doˆ-iˇ-eu nga laˬ.”

Luˇkaꞈ 9:1

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ uiˬ-awˇ, nehꞈ teh doˆ nya-eu baoˬ hawˇ-eu naˇ gawˇ laˆ taˬ nya-eu baoˬ biꞈ nehˬ-euˬ meh.

Gʼaˬkʼehˇ 17:19

Kʼoeˇ miˇ neh, Aˬleˬpaˬguˇ lehˇ kuˇ-eu meuˬ-ahˇ uˆ lahˇ-eu deuˬ-euˬ baꞈ dzah mehˬ shi Pawˇluˆ-ahˇ aˬ yawꞈ maꞈ sheuˬ gʼeh-awˇ heu loꞈ-ehˇ ehˇ nehˬ-euˬ meh. “Nawˇ mehˬ luꞈ-eu gaˇ kawˆ yaw shuiꞈ teu hmˬ nga maꞈ siˬ duˬ mawꞈ miˇ-a.