Maˬkuˆ 1:22 - Akha

²² Aˬ yawꞈ mehˬ nehˬ tsoˆ nehˬ gaˇ kʼaˇ ya gaˬ-euˬ tsawˇ haˬ deuˬ zahˬ leˇ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ-eu tsoˆ-eu kʼoeˇ-aˬ, Zahˇ dawˬ kʼoꞈ dawˬ mehˬ-eu saˬ laˬ deuˬ mehˬ gaˇ maˬ duˇ ni, baoˬ ahˇ-eu laꞈ kʼoeˇ mehˬ-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aqyawfmaf, Yeqsur maeqnaeq tsovnaeq-eu gar zanq duidui ler-euq mae. Aqjeq mirnae aernar-aq, aqyawf-aq, zanr maeq-eu deuq lof-aer maqngeurni, aryaq jav-eu tiq ghaq lof-aer maeqnaeq tsovnaeq-eu mae.

Maˬkuˆ 1:22 ပူးပေါင်းရင်းမြစ်များ

Yeˬlaˬmiˇ 23:29

Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maˬkuˆ 1:23

Kʼoeˇ ngeh, nehꞈ yaw jawꞈ uˇ-eu tsawˇ haˬ tiˬ gʼaˬ uˬ duˬ tahˬ nymˇ kʼoeˇ nymˇ laꞈ kʼoeˇ uˇ laˇ-awˇ,

Luˇkaꞈ 2:47

Aˬ yawꞈ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, aˬ yawꞈ-euˬ zaˬ siˬ tsawˇ gahˇ hawˇ-eu aˬ yawꞈ neh ngehˬ kʼoꞈ tmˇ kʼoꞈ-euˬ dawˬ deuˬ-ahˇ zahˬ dui dui leˇ-eu meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Luˇkaꞈ 4:32

Aˬ yawꞈ mehˬ nehˬ tsoˆ nehˬ gaˇ aˬ yawꞈ maꞈ zahˬ dui dui leˇ-euˬ meh. Aˬ jeˬ miˇ neh ehˇ naˇ, baoˬ ahˇ-eu laꞈ kʼoeˇ aˬ yawꞈ mehˬ nehˬ tsoˆ nehˬ-euˬ meh.

Yoˇhaˬ 7:46

Yehˇ kʼoeˇ deuˬ ehˇ-eu, “Tsawˇ haˬ tiˬ gʼaˬ-iˬ tsawˇ haˬ heu gʼaˬ loꞈ-ehˇ dawˬ ngehˬ-eu maˬ gaˬ haw-aˬ.”

Gʼaˬkʼehˇ 6:10

Ehˇ kʼawꞈ, Yaw sahˇ Miˬyehˇ neh Saˬteˬpaˬ-ahˇ tsawˇ gahˇ biꞈ taˬ-euˬ miˇ neh, aˬ yawꞈ maꞈ maˬ pyehˇ gʼaˬ nya-a.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.