Maˬkuˆ 1:20 - Akha

²⁰ Mawˇ le-euˬ nehˬ-ehˇ tiˬ poˆ tehꞈ-ehˇ, aˬ nyaꞈ nmˇ-ahˇ Yeˬsuˇ kuˇ-euˬ meh. Kʼoeˇ ngeh, aˬ nyaꞈ nmˇ-aˬ, aˬ da Zeˬbeˬdehˇ hawˇ-eu gʼaˬ mahˇ poeˬ biꞈ-awˇ kʼehˇ taˬ-euˬ tsawˇ haˬ deuˬ-ahˇ, lawˬ laꞈ kʼoeˇ bi jawˇ yaꞈ-awˇ, Yeˬsuˇ-euˬ mehˬ nah caw teh gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yeqsur, tiqpov taef-aer aqnyaf nmr-anr kur-euq mae. Khoerngae, aqnyafnmr, aqyawf nyaf-euq aqda Zeqbeqdaer hawr-eu ghaqmanr manrdzaq-eu deuq-anr lawq-euq lafkhoer byaerdzae yaf-awr, Yeqsur-euq maeqnan cantae ghae-euq mae.

Maˬkuˆ 1:20 ပူးပေါင်းရင်းမြစ်များ

1 Sahˬpaˬ 19:20

Kʼoeˇ ngeh, Eˇliˇshehˇ mawˇ neˇ-ahˇ byehˇ dzeh yaꞈ-awˇ, Eˇliˇyaˆ-euˬ mehˬ nah cehˆ gʼeh-awˇ, “Nawˬ-euˬ mehˬ nah ngaˇ maˬ caw teh le mi naˆ-ehˇ, ngaˬ ma ngaˬ da jawˇ gaˇ gʼoꞈ-iˇ-awˇ, mehˬ cuˇ bi cuˇ-iˇ nehˬ laꞈ” lehˇ ehˇ-eu meh. Eˇliˇyaˆ gʼeh, “Muiˬ tehꞈ-a. Gʼoꞈ-iˇ nya tehꞈ-a. Nawˬ-ahˇ ngaˇ maˬ laˆ tsoeˬ” lehˇ ehˇ-eu meh.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Maˬkuˆ 1:19

Mehˬ hu paw paˇ iˇ gʼeh ngeh, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ-ahˇ paˇ mawˇ-euˬ meh. Aˬnyaꞈ nmˇ-aˬ, lawˬ laꞈ kʼoeˇ uˇ-awˇ, za doꞈ luꞈ-eu meh.

Maˬkuˆ 1:21

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬbeˬneˬoˬ meuˬ-ahˇ iˇ-awˇ, Jawˇ nah keuˆ laˇ ngeh, uˬ duˬ tahˬ nymˇ -ahˇ Yeˬsuˇ le-awˇ, mehˬ nehˬ tsoˆ nehˬ-euˬ meh.

Maˬkuˆ 10:29

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni heu loꞈ-ehˇ ehˇ-eu ma. Ngaˬ-euˬ gʼaˇ duˬ hawˇ-eu Laˬ kʼaˬ cehˇ-eu Guiˬ lahˬ dawˬ gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ,

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 5:11

Aˬ yawꞈ maꞈ lawˬ kʼoeˇ nyiˬ laˇ-ahˇ lah lah dzeˇ gʼeu daˆ yaꞈ-awˇ, yawˬ jeˬ na luꞈ byehˇ dzeh yaꞈ jiˇ-awˇ, Yeˬsuˇ mehˬ nah caw teh gʼeh-euˬ meh.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Dawˬmehˬ 33:9

Aˬ da aˬ ma-ahˇ naˆ maˬ tseˇ, nawˬ-ahˇ yawꞈ maꞈ saˇ jaˇ ziꞈ-awˇ, mehˇ nmˇ hawˇ-eu zaˬ-ahˇ maˬ tseˇ, nawˬ-ahˇ nui ma taꞈ dzehˬ-eu meh. Nawˬ-euˬ dawˬ ma saˇ jaˇ laꞈ kʼoeˇ, maˬ poˆ maˬ paˇ ni ziꞈ-eu meh.