Maˬkuˆ 1:13 - Akha

¹³ Bawˇ tsahˬ bawˇ dahˇ laꞈ kʼoeˇ aˬ yawꞈ oeˬ tseˇ nah jawˇ-awˇ, Saˬdaˬ neh muˇ juˇ bi juˇ-euˬ meh. Bawˇ tsahˬ jeˬ zaˬ yaw haiˬ deuˬ kʼawꞈ, kʼoeˇ gaˇ jawˇ-eu meh. Ehˇ kʼawꞈ, mˬ taˆ gʼaˬ kʼehˇ deuˬ aˬ yawꞈ-ahˇ ngehˬ gʼeh nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawf bawrtsanq bawrdanr-anr 40 nan jawr ngae, naef Saqdaq, aqyawf-anr murjur jur-awr, bawrtsanq-euq jeqzaq yawghae deuq naeq-aer jawr-euq mae. Khoernar-aq, mqtav ghaqkhaer, aqyawf-anr ngaeqghae naeqle-euq mae.

Maˬkuˆ 1:13 ပူးပေါင်းရင်းမြစ်များ

Doˆ-iˇ 24:18

Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

Maꞈtehˬ 4:1

Kʼoeˇ naˇ, Nehꞈ sahˬ paˬ neh Yeˬsuˇ-ahˇ muˇ juˇ bi juˇ-eu gʼaˇ duˬ, Yaw sahˇ Miˬyehˇ neh Yeˬsuˇ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Luˇkaꞈ 4:1

Yeˬsuˇ-aˬ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu laꞈ kʼoeˇ Yawˇdaˬ lawˇ baˬ-ahˇ neh gʼoꞈ laˇ-awˇ, Yaw sahˇ Miˬyehˇ neh aˬ yawꞈ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Dawˬmehˬ 9:11

Oeˬ tseˇ nah oeˬ tseˇ miˇ byah laˇ gʼaˬ miˇ tsa, dawˬ ma saˇ jaˇ boꞈ taˬ-euˬ kʼaˬ lo teˇ byaꞈ kʼoeˇ nyiˬ byaꞈ, Sahˬpaˬ Miˬyehˇ ngaˬ-ahˇ biꞈ laꞈ-euˬ meh.

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.

Dawˬmehˬ 9:25

“Kʼoeˇ miˇ neh, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ mehˬ shi moꞈ tsahˬ-ehˇ awˆ byaˆ-awˇ ngaˇ jawˇ-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ-eu gʼaˇ duˬ aˬ yawꞈ noeˬ tsehˆ taˬ-euˬ ngaˇ siˬ duˬ-eu ma.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.