Luˇta 4:10 - Akha

¹⁰ Kʼoeˇ uˬ taꞈ, Maˬhaˬloˬ-euˬ nymˇ dahˬ pyeuꞈ-eu Mawˇbaˆ tsawˇ jeuˬ Luˇta kʼawꞈ, ngaˬ-euˬ miˬ zaˬ pyeuꞈ laˇ gʼaˬ-euˬ meh. Kʼoeˇ miˇ neh, myawˬ heu deuˬ dawˬ tawˆ luꞈ, shiˇ dzeuˇ-euˬ gʼaˬ-euˬ nymˇ jiˇ laꞈ kʼoeˇ jaˆ-awˇ, aˬ yawꞈ-euˬ zaˬ deuˬ uˆ deuˬ kʼawꞈ, aˬ yawꞈ-eu tsawˇ haˬ laꞈ kʼoeˇ hawˇ-eu aˬ yawꞈ-euˬ meuˬ laꞈ kʼoeˇ, tsuiꞈ dahˬ maˬ dahˬ-iˇ ni, paˇ jawˇ laˇ tehꞈ-a. Iˬ nah, naw maꞈ-aˬ, gaˇ kawˆ heu hmˬ-euˬ saˇ kiˇ pyeuꞈ-eu meh.”

Luˇta 4:10 ပူးပေါင်းရင်းမြစ်များ

Aˇ dahˬ 29:27

Oeˇ mˇ baˇ-eu zahˇ jahˇ gʼaˬ jiˇ-awˇ, dzaˬ byawˇ lawˇ-eu aˇ yamˬ heu shiꞈ nah buˬ-iˇ ngeh keuˆ ni dawˬ tawˬ siˬ. Nawˇ ngaˬ-ahˇ dzaiˇ shiꞈ kʼoꞈ gaˇ paˇ mˇ nehˬ laꞈ naˇ, Laˬkeˬlaˇ nawˬ-ahˇ bi mˇ dzaˬ laˇ ma.”

Aˇ dahˬ 38:9

Aˬ yawꞈ-euˬ aˬ tsu nehˬ-ehˇ aˬ yawꞈ yuꞈ taꞈ-awˇ, zaˬ jawˇ le law hawˇ kʼawꞈ, aˬ yawꞈ maˬ ya geuꞈ-eu gaˇ kawˆ Awˇnaˬ siˬ nya-eu miˇ neh, aˬ yawꞈ-euˬ aˇ doˆ gʼaˇ duˬ zaˬ maˬ bi jawˇ le mawꞈ-ehˇ, aˬ yawꞈ-euˬ aˬ tsu nehˬ-ehˇ kʼaˇ yuꞈ taꞈ-eu yawˬ poˆ na luꞈ, aˇ yoeˬ laꞈ nyiˇ paw poeˬ dzeh-euˬ meh.

Jaceuq 109:15

Aˬ yawꞈ maꞈ-euˬ iˬ baˇ-ahˇ Sahˬpaˬ Miˬyehˇ tiˬ jawˇ-iˬ maˬ ngehˇ-ehˇ, aˬ yawꞈ maꞈ-ahˇ ngehˇ tsehˆ tsehˆ nehˬ luꞈ-uˇ.

Jaceuq 34:16

Yaw haiˬmˇ-eu tsawˇhaˬdeuˬ-ahˇ, SahˬpaˬMiˬyehˇmaˬhaw cawˬ-ehˇ, yawꞈmaꞈshiˇngeh miˇtsaˬtahˬkʼawˇ, yawꞈmaꞈ-ahˇngehˇtsehˆtsehˆ-eu meh.

Dawqdaq 18:22

Miˬ zaˬ gʼa mawˇ-euˬ deuˬ muiˬ-eu guiˬ lahˬ za-awˇ, Sahˬpaˬ Miˬyehˇ nui kʼahˇ shiˇ-eu jeˬ za-euˬ meh.

Dawqdaq 19:14

Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

Iˇsaˬyaˇ 48:19

Naw maꞈ-euˬ o neh jeuˬ le o le-euˬ zaˬ deuˬ uˆ deuˬ, kʼaˇ shuiꞈ loꞈ-ehˇ maˬ gui jiˇ coeˇ gaˇ keuˆ ni myaˬ-awˇ, aˬ yawꞈ maꞈ maˬ ya cawˆ-iˇ ni, ngaˇ kamˬ tsehˆ nehˬ-euˬ baw tehꞈ-a.”

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

Hawˇseˬ 3:2

Kʼoeˇ naˇ, pyuˇ maˇ byaˆ tseˇ ngaˬ byaˆ hawˇ-eu, lawˬ loeˇ shiꞈ puˬ baꞈ-awˇ, zaˬ miˬ zaˬ kʼoeˇ gʼaˬ-ahˇ ngaˇ zeuˇ tsehˆ-euˬ ma.

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Maˬlaˬkiˇ 2:14

Aˬ jeˬ miˇ neh lawˇ-eu shehˇ-eu jeˬ-ahˇ aˬ yawꞈ maˬ paˇ ha geuꞈ nehˬ laꞈ ta lehˇ, naw maꞈ ehˇ tehꞈ-a. Naw maꞈ zaˬ guˬ pyeuꞈ ngeh neh sheuˬ taˬ-euˬ miˬ zaˬ-ahˇ, naw maꞈ saˇ jaˇ puiˬ-euˬ gaˇ kawˆ aˬ yawꞈ siˬ nya-eu miˇ neh, maˬ ha geuꞈ-eu jeˬ pyeuꞈ-eu meh. Aˬ yawꞈ-aˬ, naw maꞈ-euˬ dehꞈ cawˬ pyeuꞈ-awˇ, aˬ yawꞈ-ahˇ aˬ myah luꞈ saˇ jaˇ ziꞈ ma lehˇ Miˬyehˇ mehˬ shi naw maꞈ saˇ jaˇ dzaˬ taˬ-euˬ jaˆ kʼawꞈ, saˇ jaˇ puiˬ-euˬ meh.

Eˇpeˇsu 5:25

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

Dawˬmehˬ 25:6

Iˇsaˬleˬlaˆ tsawˇ jeuˬ laꞈ kʼoeˇ, shiˇ-euˬ gʼaˬ-euˬ aˇ jeuˬ aˇ ca maˬ ya byoˆ-iˇ ni, aˬ yawꞈ nyaꞈ sheuˬ dahˬ dzaˬ-awˇ dehꞈ le-euˬ aˬ li aˬ yuiꞈ gʼaˬ-ahˇ, shiˇ-euˬ gʼaˬ-euˬ aˬ li lehˇ ya sawˇ meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

Luˇta 4:9

Kʼoeˇ ngeh, aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ-eu tsawˇ haˬ deuˬ-ahˇ, Bawˇza heu loꞈ-ehˇ ehˇ nehˬ-euˬ meh. “Iˬ nah naw maꞈ-euˬ mehˬ shi, Aˬliˇmaˬlehˇ, Ciˇlahˬ hawˇ-eu Maˬhaˬloˬ-ahˇ kʼaˇ taꞈ-eu jeˬ dawˬ tawˆ luꞈ, Nawˇmi-euˬ laꞈ-ahˇ neh ngaˬ neh zeuˇ tsehˆ gʼaˬ-euˬ gaˇ kawˆ, naw maꞈ saˇ kiˇ pyeuꞈ-eu meh.