“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.
Luˇta 3:9 - Akha9 “Aˬ suˇ gʼaˬ te” lehˇ naˇ haˬ-euˬ meh. Luˇta ehˇ-eu, “Ngaˇ-aˬ, iˇ shaˬ zaˬ Luˇta ma. Nawˇ-aˬ, ngaˬ-ahˇ haw piˇ-eu tsaˬ-eu ngaˬ-euˬ aˬ yuiꞈ aˬ nyiˇ meh. Teu miˇ neh, gʼawˬ shaˬ gaˬ-awˇ, ngaˬ-ahˇ sheuˬ nehˬ laꞈ-awˬ.” အခန်းကိုကြည့်ပါ။ |
Luˇta 3:9
10 ပူးပေါင်းရင်းမြစ်များ
Bawˇza ehˇ-eu, “Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˬ-euˬ kʼaˬ dzeˇ zaˬ-euˬ aˇ jeuˬ aˇ ca-ahˇ, nawˇ saˇ jaˇ ziꞈ dui dui-eu gaˇ kawˆ, nymˬ-mˇ nawˇ mˇ-eu heu naˆ maˬ tseˇ, nawˬ-euˬ zahˇ shaˇ aˬ ma-ahˇ nawˬ neh mˇ nehˬ-euˬ gaˇ deuˬ, saˇ kiˇ pyeuꞈ luꞈ meh. Iˬ nah keuˆ ni, smˇ muiˬ muiˬ gaˇ maˬ ehˇ, iˇ shaˬ shaˬ gaˇ maˬ ehˇ, zaˬ guˬ tiˬ gʼaˬ na-ahˇ dahˬ dzaˬ-iˇ ma lehˇ nawˇ maˬ noeˬ-a.
Gaˇ kawˆ heu nawˇ ya siˬ-eu tsaˬ tehꞈ-a lehˇ ngaˇ noeˬ-eu ma. Teu miˇ neh, deh yaˇ kʼoeˇ kawˬ nawˇ zeuˇ mawꞈ naˇ, heu gaˇ nuiˇ luꞈ-eu aˬ yuiꞈ aˬ tsu heu myaˆ ni gʼeh-eu mehˬ shi zeuˇ-awˬ. Maˬ zeuˇ mawꞈ naˇ kʼawꞈ, maˬ zeuˇ mawꞈ nya lehˇ ehˇ-awˬ. Aˬ jeˬ miˇ neh ehˇ naˇ, deh yaˇ kʼoeˇ kawˬ zeuˇ-eu a kawˬ-aˬ jaˆ-eu tsawˇ haˬ yaw beh gʼaˬ-aˬ, nawˇ meh. Nawˇ jiˇ naˇ, ngaˇ ma.”
Kʼoeˇ ngeh, tsawˇ haˬ kʼoeˇ gʼaˬ ehˇ-eu, “Toˆ-ehˇ maˇ diˇ ngeuˇ naˇ kʼawꞈ, ngaˇ ya geuꞈ paˬ-ehˇ tsaˬ-eu deh yaˇ kʼoeˇ kawˬ ngaˇ maˬ paˇ zeuˇ ma. Aˬ jeˬ miˇ neh ehˇ naˇ, deh yaˇ kʼoeˇ kawˬ ngaˇ paˇ zeuˇ law hawˇ kʼawꞈ, ngaˬ-eu zaˬ ngaˬ-euˬ uˆ deuˬ maˬ paˇ ya geuꞈ-eu nga. Teu miˇ neh, nawˇ zeuˇ-awˬ. Ngaˇ maˬ paˇ zeuˇ ma.”
ကြော်ငြာတွေ