Luˇta 2:8 - Akha

⁸ Kʼoeˇ naˇ, Luˇta-ahˇ Bawˇza ehˇ nehˬ-eu, “Ngaˇ nawˬ-ahˇ tiˬ jeˬ ehˇ nehˬ nyaˇ. Deh yaˇ heu kawˬ laꞈ kʼoeˇ tehꞈ-ehˇ cehˇ nmˇ gʼoˆ-awˬ. Yawˬ gaˇ yawˬ taˬ paˇ gʼoˆ-iˇ. Zaˬ miˬ zaˬ heu deuˬ-euˬ dawˬ peh gʼoˆ-awˬ.

Luˇta 2:8 ပူးပေါင်းရင်းမြစ်များ

2 Sahˬpaˬ 5:13

Ehˇ kʼawꞈ, aˬ yawꞈ-euˬ zaˬ kʼaˆ tiˬ gʼaˬ aˬ yawꞈ-euˬ dawˬ peh le-awˇ ehˇ-eu, “Yaw huiˬ gʼaˬ-oˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ ui cuiˆ yaw kʼaˆ-ehˇ shaˬ shaˬ-ehˇ ya mˇ-eu jeˬ nawˬ-ahˇ ehˇ nehˬ laꞈ law nmˇ-aˬ, nawˇ naˇ haˬ geuꞈ-eu duˇ. Toˆ-ehˇ ngeuˇ naˇ, nawˬ-euˬ gʼawˇ mawˇ dzuiꞈ shawˇ-eu tehꞈ-ehˇ kʼawꞈ, naˇ gawˇ taˬ leˇ tehꞈ-a lehˇ aˬ yawꞈ ehˇ-eu-aˬ, aˬ jeˬ miˇ neh nawˇ maˬ mˇ-ehˇ byehˇ-eu gʼeh te.”

Uˬ duˬ 19:9

“Naw maꞈ yawˬ ha-euˬ cehˇ yehˬ cehˇ diˬ luiˆ ngeh, deh yaˇ deh dzeˇ paw dehꞈ-eu cehˇ maˬ ya yehˬ-a. Yehˬ tehˬ yaꞈ-euˬ cehˇ nmˇ deuˬ, maˬ ya pyehˆ poˆ-a.

Maꞈtehˬ 9:2

Kʼoeˇ ngeh, maˬ luˆ nya-ehˇ yuꞈ zaˇ kʼoeˇ taˆ bi yuꞈ taˬ-euˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ, aˬ yawꞈ jawˇ gaˇ baꞈ ha le-euˬ meh. Baꞈ ha le-euˬ tsawˇ haˬ kʼoeˇ deuˬ-euˬ jah-eu nui ma-ahˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ, “Aˬ li-oˇ, tiˬjeˬ-iˬ taˬ noeˬ shaˬ. Nawˬ-euˬ iˬ baˇ-ahˇ Miˬyehˇ pyehˬ nehˬ gʼaˬ-euˬ meh lehˇ ngaˇ ehˇ-eu ma” lehˇ ehˇ nehˬ-euˬ meh.

Maꞈtehˬ 9:22

Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

Luˇta 2:7

Cehˇ yehˬ-eu deuˬ mehˬ nah caw caw-ehˇ, cehˇ nmˇ bi gʼoˆ nehˬ laꞈ lehˇ aˬ yawꞈ ngaˬ-ahˇ shaˇ-eu meh. Nymˇ shawˬ yaw naꞈ-ehˇ gʼeh ngeh neh, nymˬ-mˇ keuˆ ni cehˇ nmˇ aˬ yawꞈ gʼoˆ luꞈ-eu meh. Nymˬ-mˇ hawˇ-eu naˇ shmˇ cehˆ awˆ-iˇ-euˬ tehꞈ-a siˬ.”

Luˇta 2:9

Aˬ yawꞈ maꞈ aˬ geu tsahˇ-ahˇ cehˇ yehˬ-eu nga lehˇ haw-awˇ, caw teh-awˬ. Nawˬ-ahˇ tiˬ jeˬ-iˬ taˬ ehˇ nehˬ lehˇ, ngaˬ-euˬ tsawˇ haˬ deuˬ-ahˇ ngaˇ ehˇ nehˬ gʼaˬ-euˬ ma. Iˇ cuꞈ kʼaˇ mehꞈ laˇ ngeh, aˬ yawꞈ maꞈ neh iˇ cuꞈ kʼawꞈ ahˇ taˬ-euˬ mui deuˇ oeˬ lahˬ-ahˇ dawˇ-iˇ-awˬ.”

1 Saˬmeuˬlaˆ 3:16

“Aˬ li Saˬmeuˬlaˆ-oˇ” lehˇ Eˇliˆ aˬ yawꞈ-ahˇ kuˇ laˇ ngeh, aˬ yawꞈ oˬ toˬ kʼoꞈ nehˬ-euˬ meh.

1 Saˬmeuˬlaˆ 3:6

Saˬmeuˬlaˆ-ahˇ Sahˬpaˬ Miˬyehˇ tiˬ poˆ paˇ kuˇ le-euˬ meh. Saˬmeuˬlaˆ paˇ tsawˬ tuˇ laˇ-awˇ, Eˇliˆ jawˇ gaˇ iˇ-awˇ, “Nawˇ ngaˬ-ahˇ kuˇ te loˇ. Ngaˇ heu gaˇ jawˇ ma” lehˇ ehˇ nehˬ-euˬ meh. Eˇliˆ gʼeh, “Ngaˬ li-oˇ. Ngaˇ nawˬ-ahˇ maˬ kuˇ. Gʼoꞈ yuꞈ-iˇ-awˬ” lehˇ ehˇ nehˬ-euˬ meh.