Luˇta 2:18 - Akha

¹⁸ Cehˇ kʼoeˇ iˇ kahˇ-ahˇ aˬ yawꞈ pi kʼoꞈ gʼeh-awˇ, aˬ yawꞈ cehˇ aˇ myaˆ ni gʼoˆ uiˬ laꞈ-euˬ aˬ yawꞈ-euˬ zahˇ shaˇ aˬ ma -ahˇ mehˬ nehˬ-euˬ meh. Gʼahˇ hawˬ dzaˬ ngeh aˬ yawꞈ neh maˬ dzaˬ jiˇ coeˇ-ehˇ dzeˇ laˇ-euˬ dzaˇ kʼoeˇ deuˬ kʼawꞈ, zahˇ shaˇ aˬ ma gʼaˬ-ahˇ aˬ yawꞈ biꞈ nehˬ-euˬ meh.

Luˇta 2:18 ပူးပေါင်းရင်းမြစ်များ

1 Tiˆmoˇseˬ 5:4

Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

Luˇta 2:14

Gʼahˇ hawˬ dzaˬ yamˬ keuˆ laˇ ngeh, “Kaˬ muˇ yuˇ-awˇ, aˬ gaꞈ dzaˇ uiˇ-ahˇ lehꞈdzaˬ laˇ-awˬ” lehˇ Luˇta-ahˇ Bawˇza ehˇ nehˬ-euˬ meh. Kʼoeˇ ngeh, cehˇ yehˬ-eu deuˬ nehˬ-ehˇ Luˇta nuiˇ leˇ-euˬ meh. Kʼoeˇnaˇ Bawˇza neh Luˇta-ahˇ cehꞈ nyawˬ biꞈ miˇ nehˬ-euˬ meh. Luˇta tiˬ dehˆ dzaˬ-euˬ kʼawꞈ, ui cuiˆ paˇ dzehˬ laˇ-euˬ meh.

Luˇta 2:17

Nahˇ ma ga ahˇ ngeh keuˆ ni, deh yaˇ-ahˇ Luˇta cehˇ nmˇ gʼoˆ-euˬ meh. Aˬ yawꞈ neh gʼoˆ uiˬ-euˬ cehˇ nmˇ kʼoeˇ deuˬ juiꞈ kʼaˇ jiˇ ngeh, cehˇ tiˬ puˬ ehˇ gʼaˬ ni ga le-euˬ meh.