Luˇta 2:10 - Akha

¹⁰ Luˇta naˇ kʼawˇ miˇ tsa tuˆni awˆ byaˆ-awˇ ehˇ-eu, “Aˬ jeˬ miˇ neh nawˇ ngaˬ-euˬ gʼaˇ duˬ teu naˆ naˆ-ehˇ shaˇ noeˬ nehˬ laꞈ te. Ngaˇ loꞈ-ehˇ gʼeh-eu boeˇ miˬ shiˬ kʼaˬ tiˬ gʼaˬ-ahˇ, aˬ jeˬ miˇ neh nawˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

Luˇta 2:10 ပူးပေါင်းရင်းမြစ်များ

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

2 Saˬmeuˬlaˆ 19:28

Ngaˬ da-euˬ nymˇ kʼahˬ zaˬ dawˬ tawˆ luꞈ nawˬ-euˬ mehˬ shi ya shiˇ jiˇ paˬ-ehˇ tsaˬ laˇ ngeh, nawˬ-euˬ hawˬ jeh-ahˇ nawˬ nehˬ-ehˇ ya dzaˬ ya dawˇ taꞈ-eu guiˬ lahˬ, nawˇ ngaˬ-ahˇ biꞈ laꞈ-euˬ meh. Kʼoeˇ uˬ taꞈ, nawˬ-ahˇ ngaˇ aˬ geu jeˬ paˇ shaˇ kʼmˬ nmˇ.”

2 Saˬmeuˬlaˆ 7:18

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ sahˬ paˬ Daˬbiˇ uˇ leˇ-awˇ, nuiˇ-awˇ heu loꞈ-ehˇ guiˬ lahˬ shaˇ-euˬ meh. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ za-eu maˬ geuˇ-a.

2 Saˬmeuˬlaˆ 9:8

Meˬpiˇbawˇshehˆ gʼaˬ tiˬ poˆ paˇ awˆ byaˆ-awˇ ehˇ-eu, “Sahˬ paˬ-oˇ, ngaˇ-aˬ shiˇ taˬ-euˬ aˬ kuiˬ tiˬ mawˇ taꞈ-ehˇ maˬ paˇ dzehˬ miˇ-a. Aˬ jeˬ miˇ neh nawˇ ngaˬ-ahˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

Uˬ duˬ 19:34

Iˇsaˬleˬlaˆ tsawˇ haˬ yaw kaˬ cawˬ cawˬ taꞈ-eu loꞈ-ehˇ, aˬ yawꞈ maꞈ-ahˇ cawˬ cawˬ taꞈ-awˬ. Yawˬ haˇ yawˬ ha gaˬ-eu loꞈ-ehˇ, aˬ yawꞈ maꞈ-ahˇ gaˬ-awˬ. Iˇjiˇtuˆ miˇ kʼahˬ laꞈ kʼoeˇ naw maꞈ boeˇ miˬ siˬ kʼaˬ pyeuꞈ haw-euˬ gaˇ taˬ ngehˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Maꞈtehˬ 25:35

Ngaˇ hawˬ mehꞈ ngeh naw maꞈ bi dzaˬ laꞈ-awˇ, ngaˇ iˇ cuꞈ mehꞈ ngeh naw maꞈ bi dawˇ laꞈ-euˬ meh. Ngaˇ daˬ yah pyeuꞈ ngeh naw maꞈ ha nehˬ laꞈ-euˬ meh.

Luˇkaꞈ 1:43

Ngaˬ-euˬ Sahˬpaˬ-euˬ aˬ ma ngaˇ jawˇ gaˇ dawˬ deh gʼa laˇ-euˬ heu, ngaˇ aˇ naˆ ni guiˬ lahˬ huiˬ-eu nga.

Luˇkaꞈ 1:48

Aˬ jeˬ miˇ neh cehˇ te ehˇ naˇ, teˬ-eu nyiˇ-eu tsawˇ haˬ pyeuꞈ-eu, ngaˇ loꞈ-ehˇ gʼeh-eu tsawˇ haˬ-ahˇ, aˬ yawꞈ noeˬ keuˆ nehˬ laꞈ-euˬ meh.

Lormav 12:10

Ka li laꞈ kʼoeˇ aˬ yuiꞈ aˬ nyiˇ loꞈ-ehˇ tiˬ gʼaˬ tiˇ gʼaˬ gaˬ-awˇ, tiˬ gʼaˬ tiˇ gʼaˬ yaw zeu baw-eu nui ma ahˇ-awˬ.

Luˇta 2:11

Bawˇza ehˇ-eu, “Nawˬ-euˬ kʼaˬ dzeˇ zaˬ shiˇ ngeh nah neh, nawˬ-euˬ zahˇ shaˇ aˬ ma-ahˇ nawˇ aˬ joˆ-ehˇ bo saˆ luꞈ-eu gaˇ kawˆ, ngaˇ ya gaˬ jiˇ taˬ-euˬ ma. Nawˬ ma nawˬ da hawˇ-eu nawˬ-euˬ miˇ kʼahˬ-ahˇ nawˇ byehˇ dzeh yaꞈ-awˇ, yawˬ ha maˬ siˬ maˬ suˇ-eu tsawˇ jeuˬ nehˬ-ehˇ jawˇ laˇ ma lehˇ, nawˇ noeˬ tsehˆ-awˇ laˇ-euˬ gaˇ kawˆ kʼawꞈ, ngaˇ ya siˬ gʼaˬ-euˬ ma.

Luˇta 2:13

Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.

Luˇta 2:19

Kʼoeˇ ngeh, aˬ yawꞈ-ahˇ Nawˇmi ehˇ-eu, “Iˬ nah nawˇ cehˇ nmˇ aˬ geu paw gʼoˆ-iˇ teˬ. Aˬ suˇ gʼaˬ-euˬ deh yaˇ-ahˇ gʼoˆ-iˇ teˬ. Nawˬ-ahˇ gʼawˬ shaˬ gaˬ nehˬ-euˬ tsawˇ haˬ kʼoeˇ gʼaˬ-ahˇ Miˬyehˇ guiˬ lahˬ biꞈ luꞈ-uˇ.” Bawˇza lehˇ myahˇ-euˬ tsawˇ haˬ tiˬ gʼaˬ-euˬ deh yaˇ-ahˇ aˬ yawꞈ cehˇ nmˇ gʼoˆ-iˇ-euˬ gaˇ kawˆ, Nawˇmi-ahˇ Luˇta ehˇ nehˬ-euˬ meh.

Luˇta 2:2

Tiˬ nah keuˆ laˇ ngeh, Nawˇmi-ahˇ Luˇta ehˇ nehˬ-eu, “Deh yaˇ doe doe-ehˇ iˇ-awˇ, cehˇ yehˬ-eu deuˬ neh bi ga ka yaꞈ-euˬ cehˇ nmˇ gʼoˆ-iˇ-eu gʼaˇ duˬ, ngaˬ-ahˇ bi iˇ nehˬ laꞈ sheˇ. Yawˬ ha neh cehˇ yehˬ gʼaˬ-euˬ gaˇ, cehˇ nmˇ bi gʼoˆ mawꞈ-euˬ tsawˇ haˬ tiˬ gʼaˬ na ya mawˇ-eu baw le.” Nawˇmi ehˇ-eu, “Iˇ nya tehꞈ-a tsu-oˇ.”

Luˇta 2:9

Aˬ yawꞈ maꞈ aˬ geu tsahˇ-ahˇ cehˇ yehˬ-eu nga lehˇ haw-awˇ, caw teh-awˬ. Nawˬ-ahˇ tiˬ jeˬ-iˬ taˬ ehˇ nehˬ lehˇ, ngaˬ-euˬ tsawˇ haˬ deuˬ-ahˇ ngaˇ ehˇ nehˬ gʼaˬ-euˬ ma. Iˇ cuꞈ kʼaˇ mehꞈ laˇ ngeh, aˬ yawꞈ maꞈ neh iˇ cuꞈ kʼawꞈ ahˇ taˬ-euˬ mui deuˇ oeˬ lahˬ-ahˇ dawˇ-iˇ-awˬ.”

1 Saˬmeuˬlaˆ 25:23

Daˬbiˇ-ahˇ Aˬbiˇgeˬlaˆ ya mawˇ ngeh, mahˬ tahˬ laˆ kʼoeˇ taˆ dziˬ luꞈ-eu tsawˬ ka-awˇ, Daˬbiˇ-euˬ mehˬ shi baˬ ba miˇ tsa tuˆ ni awˆ byaˆ-awˇ yaw zeu baw nehˬ-euˬ meh.