Luˇta 1:5 - Akha

⁵ Kʼoeˇ ngeh, Maˬhaˬloˬ hawˇ-eu Ciˇlahˬ paˇ shiˇ-awˇ, Nawˇmi tiˬ gʼaˬ tehꞈ-ehˇ, kʼaˬ dzeˇ zaˬ maˬ baw, zaˬ maˬ jawˇ ni, dzeˇ yaꞈ-euˬ meh.

Luˇta 1:5 ပူးပေါင်းရင်းမြစ်များ

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Luˇta 1:2

Tsawˇ haˬ kʼoeˇ gʼaˬ-euˬ tsawˇ myahˇ Aˬliˇmaˬlehˇ pyeuꞈ-awˇ, aˬ yawꞈ-euˬ nymˇ dahˬ-aˬ, Nawˇmi meh. Aˬ yawꞈ-euˬ aˬ li nyiˬ gʼaˬ-aˬ, Maˬhaˬloˬ hawˇ-eu, Ciˇlahˬ meh. Aˬ yawꞈ maꞈ-aˬ, Eˇpaˬlaˇ aˇ jeuˬ aˇ ca pyeuꞈ-eu meh. Mawˇbaˆ miˇ kʼahˬ-ahˇ aˬ yawꞈ maꞈ iˇ-awˇ jawˇ-euˬ meh.

Luˇta 1:4

Aˬ li kʼoeˇ nyiˬ li, Awˇpaˬ hawˇ-eu Luˇta lehˇ myahˇ-euˬ Mawˇbaˆ tsawˇ jeuˬ zaˬ miˬ aˬ buˇ nyiˬ gʼaˬ-ahˇ sheuˬ-euˬ meh. Aˬ yawꞈ maꞈ kʼoeˇ gaˇ jawˇ-eu tseˇ kʼoꞈ ehˇ gʼaˬ ni byah laˇ-euˬ meh.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.