Luˇkaꞈ 9:56 - Akha

⁵⁶ Kʼoeˇ naˇ, yawˬ pu yawˬ-ahˇ aˬ yawꞈ maꞈ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁶ Aerkhawf, Tsawrhaq-euq Zaqyo-aq, tsawrhaq-euq daefzir-anr lavcawv le-euq maqngeur, tsawrhaq-euq daefzir-anr bibuq-ir-eu gharduq oe-euq ma.” Khoernar-aq, aqyawfmaf yawqpu yawq-anr le-euq mae.

Luˇkaꞈ 9:56 ပူးပေါင်းရင်းမြစ်များ

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Luˇkaꞈ 19:10

Tsawˇhaˬ-euˬ Zaˬmaˇ-aˬ, byoˆ-iˇ-euˬ deuˬ-ahˇ poˆ mawˇ-awˇ ka kʼoꞈ-eu gʼaˇ duˬ oe-euˬ meh.”

Luˇkaꞈ 22:51

Ehˇ kʼawꞈ, “Gʼaˬ-aˇ. Taˬ paˇ jahˇ” lehˇ Yeˬsuˇ ehˇ-awˇ, na paꞈ-ahˇ toeˬ ciˆ-awˇ laˆ taˬ nehˬ-euˬ meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Luˇkaꞈ 9:55

Yeˬsuˇ aˬ yawꞈ nyaꞈ jawˇ paw ciˬ pyawˇ-awˇ dehˬ-euˬ meh.

Luˇkaꞈ 9:57

Aˬ yawꞈ maꞈ gaˇ pehˇ-ahˇ le luꞈ ngeh, tsawˇ haˬ tiˬ gʼaˬ Yeˬsuˇ-ahˇ ehˇ-eu, “Nawˇ kʼaˇ iˇ gaˇ nawˬ-euˬ mehˬ nah ngaˇcaw teh ma.”

Yoˇhaˬ 10:10

Smˇ kʼoeˬ tahˇ joe-aˬ, kʼoeˬ-eu, sehꞈ-eu, laˆ cawˆ-eu gʼaˇ duˬ oe-eu tehꞈ meh. Ngaˇ-aˬ, naw maꞈ dehꞈ-eu saꞈ laˇ za nya ni oe-euˬ ma. Dehꞈ-eu saꞈ laˇ kʼoeˇ-ahˇ naw maꞈ tiˬ byah tiˬ loꞈ za ni oe-euˬ ma.

Yoˇhaˬ 12:47

Ngaˬ-euˬ dawˬ ya gaˬ-awˇ maˬ jah-eu tsawˇ haˬ-ahˇ ngaˇ yaˇ kʼaˬ maˬ daˇ. Miˇ tsaˬ-ahˇ yaˇ kʼaˬ daˇ le-eu lehˇ ngaˇ oe-euˬ maˬ ngeuˇ. Ka kʼoꞈ le-eu lehˇ oe-euˬ ma.

Yoˇhaˬ 3:17

Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ kʼoeˇ-aˬ, miˇ tsaˬ zaˬ deuˬ-ahˇ yaˇ kʼaˬ bi daˇ-eu gʼaˇ duˬ maˬ ngeuˇ-a. Bi ka kʼoꞈ-eu gʼaˇ duˬ meh.

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.