Luˇkaꞈ 9:51 - Akha

⁵¹ Yeˬsuˇ-ahˇ mˬ kʼoeˇ taˆ bi ha kʼoꞈ daˇ leꞈ-eu aˇ yamˬ dawˬ peh peh laˇ ngeh, Yeˬluˇsaˬlehˬ meuˬ-ahˇ le-eu gʼaˇ duˬ aˬ yawꞈ noeˬ tsehˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Khoerngae, heulof-aer pyeuflar-euq mae. Yeqsur-anr mq-euq khoertav bi hadav lef-eu aryamq paelarluf ngae, Yeqlursaqlaeq-anr le ma laer aqyawf noeqtsov taq-euq mae.

Luˇkaꞈ 9:51 ပူးပေါင်းရင်းမြစ်များ

2 Sahˬpaˬ 2:11

Aˬ yawꞈ nyaꞈ dawˬ ja ja caw ja cawˬ-ehˇ le luꞈ ngeh, miˬ dzaˬ mahˬ neh bi gʼeu-euˬ miˬ dzaˬ mahˬ laˆ lawˬ aˬ yawꞈ nyaꞈ yaw kaˬ-ahˇ oe keuˆ-awˇ, jaˬ lehˇ lehˇ zeuˆ laꞈ kʼoeˇ Eˇliˇyaˆ-ahˇ mˬ kʼoeˇ taˆ sheuˬ kʼoꞈ daˆ gʼeh-euˬ meh.

Maˬkuˆ 16:19

Sahˬpaˬ Yeˬsuˇ aˬ yawꞈ maꞈ-ahˇ dawˬ ngehˬ cawˬ gʼaˬ ngeh, aˬ yawꞈ-ahˇ mˬ kʼoeˇ taˆ sheuˬ kʼoꞈ daˆ leꞈ-awˇ, Miˬyehˇ-euˬ aˇ maˇ paw nuiˇ-euˬ meh.

Luˇkaꞈ 12:50

Ngaˬ-ahˇ iˇ cuꞈ-ahˇ bi dehˬ uˇ-awˇ, iˇ cuꞈ ya bi shawˇ-a siˬ. Iˇ cuꞈ maˬ shawˇ gʼaˬ kʼoeˇ keuˆ ni, ngaˬ-euˬ nui ma-ahˇ shaˬ zahˬ ciˬ tehˬ taˬ-euˬ gaˇ duˇ nya.

Luˇkaꞈ 13:22

Yeˬsuˇ-aˬ, Yeˬluˇsaˬlehˬ meuˬ-ahˇ le luꞈ-eu meh. Gaˇ pehˇ kʼaˇ jaˆ-eu meuˬ deuˬ pu deuˬ-ahˇ aˬ yawꞈ uˇ leˇ-awˇ mehˬ nehˬ tsoˆ nehˬ-euˬ meh.

Luˇkaꞈ 17:11

Yeˬsuˇ Yeˬluˇsaˬlehˬ meuˬ-ahˇ le ngeh, Saˬmaˬliˆ miˇ kʼahˬ hawˇ-eu Gaˬliˬlehˇ miˇ kʼahˬ-euˬ miˇ kaˬ caw caw-ehˇ le-euˬ meh.

Luˇkaꞈ 18:31

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ doˆ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Tsawˇhaˬ-euˬ Zaˬmaˇ gaˇ kawˆ Miˬyehˇ gʼaˇ duˬ ngehˬ dah-eu deuˬ neh kʼaˇ boꞈ taˬ-euˬ yawˬ jeˬ na luꞈ, kʼoeˇ gaˇ byah laˇ jiˇ tehꞈ-a.

Luˇkaꞈ 19:11

Yeˬsuˇ kʼoeˇ loꞈ-ehˇ ehˇ gaˇ aˬ yawꞈ maꞈ naˇ haˬ luꞈ ngeh, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Miˬyehˇ Miˇkʼahˬ keuˆ le shaw-iˬ meh lehˇ aˬ yawꞈ maꞈ noeˬ luꞈ-eu meh.

Luˇkaꞈ 19:28

Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ-euˬ mehˬ hu Yeˬluˇsaˬlehˬ meuˬ-ahˇ aˬ yawꞈ le tawˬ-euˬ meh.

Luˇkaꞈ 24:51

Aˬ yawꞈ dawˬ ngehˬ gʼeh nehˬ gʼaˬ ngeh, aˬ yawꞈ maꞈ-ahˇ gʼawˬ-iˇ-awˇ, mˬ kʼoeˇ taˆ bi sheuˬ daˆ kʼoꞈ leꞈ-euˬ meh.

Luˇkaꞈ 9:57

Aˬ yawꞈ maꞈ gaˇ pehˇ-ahˇ le luꞈ ngeh, tsawˇ haˬ tiˬ gʼaˬ Yeˬsuˇ-ahˇ ehˇ-eu, “Nawˇ kʼaˇ iˇ gaˇ nawˬ-euˬ mehˬ nah ngaˇcaw teh ma.”

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 16:28

Ngaˇ Aˬda jawˇ gaˇ neh oe-awˇ, miˇ tsaˬ kʼoeˇ taˆ oe-euˬ ma. Nymˬ-mˇ ngaˇ miˇ tsaˬ heu-ahˇ byehˇ yaꞈ-awˇ, Aˬda jawˇ gaˇ gʼoꞈ leˇ ma.”

Yoˇhaˬ 16:5

Nymˬ-mˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ ngaˇ gʼoꞈ leˇ-eu lehˇ gʼeh-eu ma. Ehˇ kʼawꞈ, ‘Nawˇ aˬ gaˇ iˇ-eu gʼeh te’ lehˇ, naw maꞈ tiˬ gʼaˬ-iˬ ngaˬ-ahˇ maˬ naˇ haˬ-a.

Yoˇhaˬ 17:11

Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Ngaˇ-aˬ, miˇ tsaˬ kʼoeˇ taˆ maˬ paˇ jawˇ ma. Ehˇ kʼawꞈ, aˬ yawꞈ maꞈ miˇ tsaˬ kʼoeˇ taˆ ya jawˇ-a siˬ. Muiˬ-eu shawˇ-eu Aˬda-oˇ, aˇ nyaꞈ Da zaˬ tiˬ gʼaˬ tehꞈ-ehˇ pyeuꞈ luꞈ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya ni, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ nehˬ-awˬ.

Yoˇhaˬ 6:62

Toˆ-ehˇ maˇ-iˬ, Tsawˇhaˬ-euˬ Zaˬmaˇ aˬ yawꞈ-euˬ jawˇ duˬ-ahˇ paˇ daˆ gʼoꞈ leˇ naˇ, naw maꞈ aˬ joˆ-ehˇ jahˇ nmˇ.

Gʼaˬkʼehˇ 1:2

Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.

Gʼaˬkʼehˇ 1:9

Aˬ yawꞈ kʼoeˇ loꞈ-ehˇ ehˇ gʼaˬ-awˇ, aˬ yawꞈ maꞈ haw haw-ehˇ jawˇ ngeh, mˬ kʼoeˇ taˆ bi ciˬ daˆ kʼoꞈ leꞈ-euˬ meh. Mˬ dmˇ aˬ yawꞈ-ahˇ tsahˇ kaˬ le-awˇ, aˬ yawꞈ maꞈ aˬ yawꞈ-ahˇ maˬ mawˇ nya-a.

Eˇpeˇsu 1:20

Baoˬ kʼoeˇ neh Ka li-ahˇ shiˇ-euˬ gaˇ bi gʼoꞈ dehꞈ laˇ-awˇ, mˬ kʼoeˇ taˆ miˇ kʼahˬ-ahˇ aˬ yawꞈ-euˬ aˇ maˇ paw bi nuiˇ-euˬ meh.

Piˇliˇpiˆ 3:14

Kʼoeˇ miˇ neh, laꞈ sawˬ za nya-eu gʼaˇ duˬ cehˆ keuˆ duˬ-ahˇ dawˇ coe ni cehˆ gʼeh luꞈ-eu ma. Cehˆ keuˆ duˬ kʼoeˇ-aˬ, mˬ kʼoeˇ taˆ ya jawˇ ni Yeˬsuˇ Ka li-ahˇ gʼoe-eu laꞈ kʼoeˇ Miˬyehˇ aˬ dui-ahˇ kuˇ luꞈ-eu kʼoeˇ meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 6:20

Aˬ dui-euˬ mehˬ hu, muiˬ-eu shawˇ-eu jawˇ duˬ kʼoeˇ tsahˇ-ahˇ aˬ dui-euˬ dah zaˇ Yeˬsuˇ le uˇ-awˇ, Maˬlaˬkiˇsaˬdehˇ neh tawˬ dzeuˇ yaꞈ-euˬ gaˇ-ahˇ tawˬ-eu mˬ maˬ maˬ byaˆ zaˇ ziˇ piˇ ma yaw huiˬ gʼaˬ pyeuꞈ laˇ-euˬ meh.

1 Beˬtuˆluˆ 3:22

Gʼoꞈ dehꞈ laˇ-euˬ Ka li-aˬ, mˬ kʼoeˇ taˆ daˆ gʼoꞈ leˇ-awˇ Miˬyehˇ-euˬ aˇ maˇ paw nuiˇ-eu laꞈ kʼoeˇ, mˬ taˆ gʼaˬ kʼehˇ dawˬ tawˆ luꞈ kʼoeˇ taˆ maˬ ehˇ, mˬ taˆ-euˬ sahˬ paˬ sahˬ ma deuˬ hawˇ-eu baoˬ ahˇ-eu deuˬ dawˬ tawˆ luꞈ kʼoeˇ taˆ maˬ ehˇ, uˆ lahˇ luꞈ-eu meh.