Luˇkaꞈ 9:49 - Akha

⁴⁹ Yoˇhaˬ ehˇ-eu, “Saˬlaˬ-oˇ, tsawˇ haˬ tiˬ gʼaˬ nawˬ-euˬ tsawˇ myahˇ uˬ moˆ nehꞈ teh doˆ luꞈ gaˇ nga maꞈ ya mawˇ-awˇ, kʼoeˇ loꞈ-ehˇ maˬ bi jahˇ ni laˆ tsoeˬ nehˬ-euˬ ma. Aˬ jeˬ miˇ neh ehˇ naˇ, aˬ yawꞈ-aˬ, aˬ dui aˇ muˇ mehˬ nah caw teh-eu tsawˇ haˬ maˬ ngeuˇ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Khoerngae, Yorhaq aer-eu, “Sanqpaq-or! Tsawrhaq tiq ghaq, nawq-euq tsawrmyanr-anr ghoeghoe-aer naef-anr taedov luf-eu gar nga’maf ya’mawr-awr, nga’maf, aqyawf-anr lavtsoeq-euq ma. Aqjeq mirnae aernar-aq, aqyawf, nga’maf naeq-aer tiqkawv lof-aer nawq-euq maeqnan maq cantae-a.”

Luˇkaꞈ 9:49 ပူးပေါင်းရင်းမြစ်များ

Maꞈtehˬ 3:14

Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”

Luˇkaꞈ 5:5

Siˇmoˬ ehˇ-eu, “Saˬ laˬ-oˇ, nga maꞈ uˬ ciꞈ miˇ lah-ehˇ dzeh dzeh-ehˇ shaˬ-euˬ kʼawꞈ, tiˬ mawˇ-iˬ maˬ dzeh mi-aˬ. Ehˇ kʼawꞈ, nawˇ kʼehˇ-eu miˇ neh ngaˇ dzeh haw ma.”

Luˇkaꞈ 9:33

Tsawˇ haˬ kʼoeˇ nyiˬ gʼaˬ Yeˬsuˇ-ahˇ gʼawˬ-iˇ ngeh, Beˬtuˆluˆ Yeˬsuˇ-ahˇ ehˇ nehˬ-eu, “Saˬ laˬ-oˇ, aˬ dui maꞈ heu gaˇ jawˇ-eu aˇ naˆ ni muiˬ-eu nga. Nga maꞈ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.” Beˬtuˆluˆ-aˬ, yawˬ ha neh ehˇ-euˬ jeˬ-ahˇ yawˬ ha maˬ siˬ nya-a.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.