Luˇkaꞈ 9:45 - Akha

⁴⁵ Ehˇ kʼawꞈ, dawˬ kʼoeˇ dawˬ-euˬ dawˬ tsuiꞈ-ahˇ zaˬ lahˇ deuˬ maˬ gʼoˆ shaw nya-a. Dawˬ kʼoeˇ dawˬ-aˬ, aˬ yawꞈ maꞈ maˬ gʼoˆ shaw nya ni zaꞈ taˬ-euˬ jeˬ pyeuꞈ-eu meh. Aˬ yawꞈ-ahˇ kʼawꞈ, aˬ yawꞈ maꞈ dawˬ tsuiꞈ maˬ naˇ haˬ peuˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Dawq khoerdawq-euq dawqtsuif, aqyawf maf-anr maqbi ghovshaw nya’ni zaftaq-euq mirnae, aqyawfmaf dawq khoerdawq-anr maq ghovshaw nya-a. Aerkhawf, aqyawfmaf garkawv khoer-anr maq narhaq peuq-a.

Luˇkaꞈ 9:45 ပူးပေါင်းရင်းမြစ်များ

Maꞈtehˬ 16:22

Beˬtuˆluˆ neh Yeˬsuˇ-ahˇ gaˇ dzeˇ paw sheuˬ doˆ gʼeh-awˇ ehˇ-eu, “Sahˬ paˬ-oˇ, Miˬyehˇ nawˬ-euˬ kʼoeˇ taˆ kʼoeˇ loꞈ-ehˇ gʼeh-eu jeˬ maˬ bi keuˆ le kʼmˬ-aˇ.”

Maꞈtehˬ 17:22

Zaˬ lahˇ deuˬ Gaˬliˬlehˇ miˇ kʼahˬ-ahˇ uiˬ laˇ-awˇ jawˇ ngeh,Yeˬsuˇ ehˇ-eu, “Tsawˇhaˬ-euˬ Zaˬmaˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-eu aˇ yamˬ keuˆ laˇ-euˬ meh.

Maˬkuˆ 9:10

Yeˬsuˇ neh dawˬ biꞈ-euˬ loꞈ-ehˇ aˬ yawꞈ maꞈ naˇ haˬ geuꞈ-euˬ meh. Ehˇ kʼawꞈ, aˬ yawꞈ maꞈ yaw kaˬ ja-eu, “Shiˇ-awˇ gʼoꞈ dehꞈ laˇ-eu lehˇ ehˇ-eu teu aˬ jeˬ-ahˇ ehˇ mawꞈ-eu nga.”

Maˬkuˆ 9:32

Ehˇ kʼawꞈ, aˬ yawꞈ kʼoeˇ loꞈ-ehˇ mehˬ-eu aˬ yawꞈ maꞈ maˬ gʼoˆ shaw nya-ehˇ, aˬ yawꞈ-ahˇ maˬ naˇ haˬ peuˬ ni jawˇ-euˬ meh.

Luˇkaꞈ 18:34

Gaˇ kawˆ kʼoeˇ deuˬ-ahˇ zaˬ lahˇ deuˬ tiˬ pawꞈ-iˬ maˬ gʼoˆ shaw nya-a. Dawˬ kʼoeˇ deuˬ-euˬ dawˬ tsuiꞈ aˬ yawꞈ maꞈ gʼaˇ duˬ dehˬ kaˬ taˬ-euˬ gaˇ duˇ-awˇ, Yeˬsuˇ ehˇ mawꞈ-eu jeˬ-ahˇ aˬ yawꞈ maꞈ maˬ siˬ nya-a.

Luˇkaꞈ 2:50

Ehˇ kʼawꞈ, aˬ yawꞈ ehˇ mawꞈ-eu dawˬ tsuiꞈ-ahˇ, aˬ nyaꞈ dzeˇ zaˬ maˬ gʼoˆ shaw nya-a.

Luˇkaꞈ 9:46

Aˬ yawꞈ maꞈ laꞈ kʼoeˇ aˬ geu gʼaˬ aˬ cawˬ naˆ maˬ tseˇ huiˬ dzehˬ-eu gaˇ kawˆ, zaˬ lahˇ deuˬ tsawˇ pyehˇ pyehˇ-eu meh.

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.

Yoˇhaˬ 12:34

Tsawˇ haˬ aˇ maꞈ ehˇ-eu, “Nga maꞈ-euˬ Zahˇ dawˬ kʼoꞈ dawˬ laꞈ kʼoeˇ, Meˬsiˇya mˬ maˬ maˬ byaˆ zaˇ ziˇ dehꞈ meh lehˇ ehˇ taˬ-euˬ meh. Tsawˇ haˬ-euˬ Zaˬmaˇ-ahˇ bi kʼahˬ tuˇ tehꞈ-a lehˇ nawˇ aˬ joˆ-ehˇ ehˇ nya te. Tsawˇ haˬ-euˬ Zaˬmaˇ kʼoeˇ aˬ suˇ gʼaˬ-a.”

Yoˇhaˬ 14:5

Toˇmaˆ ehˇ-eu, “Sahˬpaˬ-oˇ, nawˇ aˬ gaˇ le-eu lehˇ gʼeh-eu nga maꞈ maˬ siˬ nya nya. Nawˇ le-eu jawˇ duˬ kʼoeˇ tsahˇ-ahˇ le-eu gaˇ ma nga maꞈ aˬ joˆ-ehˇ siˬ nya nmˇ.”

Yoˇhaˬ 4:33

Kʼoeˇ ngeh, zaˬ lahˇ deuˬ tiˬ gʼaˬ tiˇ gʼaˬ ehˇ-eu, “Tsawˇ haˬ tiˬ gʼaˬ na aˬ yawꞈ-ahˇ tiˬ jeˬ paˬ yuˇ leꞈ-awˇ bi dzaˬ-euˬ ngeuˇ-eu paˬ.”