Luˇkaꞈ 9:31 - Akha

³¹ Aˬ yawꞈ nyaꞈ mˬ taˆ-euˬ yaw shehꞈ kʼahˬ sehˇ laꞈ kʼoeˇ oe-awˇ, gʼawˬ myahˇ maˬ gʼeh-ehˇ Yeˬsuˇ Yeˬluˇsaˬlehˬ meuˬ-ahˇ ya shiˇ-awˇ, Miˬyehˇ-euˬ nui kʼahˇ byah laˇ ni ya mˇ-eu gaˇ kawˆ, Yeˬsuˇ nehˬ-ehˇ ja cawˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqyawfnyaf yawshaef khanqsaer-euq lafkhoer dovle-awr, ghawqmyanr maqghae-aer Yeqsur, Yeqlursaqlaeq-anr yashir-awr ya mrbyan-eu garkawv, aqyawf naeq-aer jacawq luf-eu mae.

Luˇkaꞈ 9:31 ပူးပေါင်းရင်းမြစ်များ

Luˇkaꞈ 9:22

Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 9:30

Kʼoeˇ ngeh, tsawˇ haˬ nyiˬ gʼaˬ aˬ yawꞈ-ahˇ dawˬ ngehˬ cawˬ luꞈ-eu meh. Moˇseˬ hawˇ-eu Eˇliˇyaˆ aˬ nyaꞈ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Gawˇlawˇsehˇ 3:4

Maˇ maˇ ni gʼeh-eu naw maꞈ-euˬ dehꞈ-eu jeˬ-aˬ, Ka li-euˬ gaˇ mˇ-eu gʼaˇ duˬ pyeuꞈ-awˇ, aˬ yawꞈ miˇ tsaˬ kʼoeˇ taˆ doˆ le ngeh naw maꞈ kʼawꞈ aˬ yawꞈ nehˬ-ehˇ doˆ le-awˇ, aˬ yawꞈ yaw shehꞈ kʼahˬ sehˇ ahˇ-eu loꞈ-ehˇ naw maꞈ kʼawꞈ yaw shehꞈ kʼahˬ sehˇ ahˇ tehꞈ-a.

HeˬByehˇ 11:22

Yoˇsehˆ saꞈ maˬ gʼawˇ li mi naˆ-ehˇ, Iˇsaˬleˬlaˆtsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh ya doˆ-iˇ-eu gaˇ kawˆ ehˇ taˬ yaꞈ-awˇ, aˬ yawꞈ-ahˇ aˬ joˆ-ehˇ ya baꞈ pahˬ-eu gaˇ kawˆ mehˬ taˬ yaꞈ-euˬ kʼoeˇ-aˬ, jah-eu jeˬ baˬ da neh meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

2 Beˬtuˆluˆ 1:15

Ngaˇ shiˇ dzeuˇ ngeh jawˇ, gaˇ kawˆ heu deuˬ-ahˇ naw maꞈ maˬ bi ngehˇ ni aˬ myah luꞈ bi noeˬ keuˆ-eu gʼaˇ duˬ, ngaˇ kʼaˇ gʼeh nya-eu loꞈ-ehˇ leh jeh-awˇ ngehˬ gʼeh nehˬ yaꞈ ma.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.