Luˇkaꞈ 9:29 - Akha

²⁹ Aˬ yawꞈ guiˬ lahˬ shaˇ luꞈ ngeh, a yawꞈ-euˬ myaˆ pyawˬ paˇ laˇ-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ, naˇ guiˇ guiˇ laˇ-eu meh;

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Guiqlanq sharluf ngae, aqyawf-euq myavpyawq parlar-awr, maeqtsoeq pyurdeuqni ghaelar-awr yawshaef bya duidui-eu mae.

Luˇkaꞈ 9:29 ပူးပေါင်းရင်းမြစ်များ

Iˇsaˬyaˇ 33:17

Huiˬ dui dui-eu miˇ kʼahˬ-ahˇ uˆ lahˇ-eu, kʼahˬ sehˇ jaˆ-eu sahˬ paˬ-ahˇ nawˇ ya mawˇ tehꞈ-a.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maˬkuˆ 16:12

Aˬ yawꞈ maꞈ laꞈ kʼoeˇ nyiˬ gʼaˬ, meuˬ-ahˇ neh pu paw iˇ luꞈ ngeh, Yeˬsuˇ aˬ yawꞈ-euˬ gʼawˇ mawˇ bi beu gaˇ laˇ-euˬ laꞈ kʼoeˇ, aˬ yawꞈ nyaꞈ jawˇ gaˇ doˆ le-euˬ meh.

Luˇkaꞈ 3:21

Tsawˇ haˬ kʼoeˇ deuˬ dawˬ tawˆ luꞈ iˇ cuꞈ shawˇ gʼaˬ ngeh, Yeˬsuˇ iˇ cuꞈ shawˇ-euˬ meh. Aˬ yawꞈ guiˬ lahˬ shaˇ luꞈ ngeh, mˬ pah le-awˇ,

Luˇkaꞈ 5:16

Ehˇ kʼawꞈ, ciˬ cuˇ ni gʼeh-eu bawˇ tsahˬ bawˇ dahˇ-ahˇ Yeˬsuˇ iˇ-awˇ, guiˬ lahˬ shaˇ-iˇ-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 9:18

Tiˬ poˆ-aˬ, Yeˬsuˇ tiˬ gʼaˬ tehꞈ-ehˇ guiˬ lahˬ shaˇ luꞈngeh, zaˬ lahˇ deuˬ aˬ yawꞈ jawˇ gaˇ laˇ-euˬ meh. Yeˬsuˇ aˬ yawꞈ maꞈ-ahˇ ehˇ-eu, “Aˬ cawˬ ngaˬ-ahˇ aˬ suˇ gʼaˬ nga lehˇ ehˇ luꞈ ta.”

Luˇkaꞈ 9:30

Kʼoeˇ ngeh, tsawˇ haˬ nyiˬ gʼaˬ aˬ yawꞈ-ahˇ dawˬ ngehˬ cawˬ luꞈ-eu meh. Moˇseˬ hawˇ-eu Eˇliˇyaˆ aˬ nyaꞈ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.