Luˇkaꞈ 9:28 - Akha

²⁸ Yeˬsuˇ kʼoeˇ loꞈ-ehˇ ehˇ gʼaˬ-awˇ yehꞈ nah byah laˇ ngeh, Beˬtuˆluˆ, Yoˇhaˬ, Yaˬkoˆ aˬ ha smˇ gʼaˬ-ahˇ tehꞈ-ehˇ sheuˬ-awˇ, gawˬ jawˬ-ahˇ guiˬ lahˬ shaˇ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerlof-aer aerghaq-awr yaef nan aerghaqni byanlar ngae, Yeqsur-aq, Beqtuvluv, Yorhaq hawr-eu Yaqkov sheuq-awr gawqjawq-anr guiqlanq sharler-eu laer le-euq mae.

Luˇkaꞈ 9:28 ပူးပေါင်းရင်းမြစ်များ

Jaceuq 109:4

Ngaˇ aˬ yawꞈ maꞈ-ahˇ gaˬ-awˇ guiˬ lahˬ shaˇ nehˬ luꞈ kʼawꞈ, aˬ yawꞈ maꞈ ngaˬ-ahˇ muiˇ-eu meh.

Maꞈtehˬ 14:23

Tsawˇ haˬ aˇ maꞈ-ahˇ bi gʼoꞈ-iˇ gʼaˬ ngeh, gawˬ duˇ-ahˇ guiˬ lahˬ shaˇ leˇ-eu lehˇ, aˬ yawꞈ tehꞈ-ehˇ daˆ leˇ-euˬ meh. Uˬ ciꞈ ciꞈ le ngeh, Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu meh.

Maꞈtehˬ 5:1

Yeˬsuˇ tsawˇ haˬ aˇ maꞈ maꞈ ma-ahˇ ya mawˇ ngeh, gawˬ jawˬ uˬ du daˆ leˇ-awˇ nuiˇ-awˇ, aˬ yawꞈ-euˬ zaˬ lahˇ deuˬ aˬ yawꞈ-euˬ dawˬ peh uiˬ laˇ-euˬ meh.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Maˬkuˆ 6:46

Aˬ yawꞈ tsawˇ haˬ aˇ maꞈ-ahˇ gʼawˬ-iˇ gʼaˬ-awˇ, gawˬ jawˬ-ahˇ guiˬ lahˬ shaˇ leˇ-eu lehˇ le-euˬ meh.

Luˇkaꞈ 3:21

Tsawˇ haˬ kʼoeˇ deuˬ dawˬ tawˆ luꞈ iˇ cuꞈ shawˇ gʼaˬ ngeh, Yeˬsuˇ iˇ cuꞈ shawˇ-euˬ meh. Aˬ yawꞈ guiˬ lahˬ shaˇ luꞈ ngeh, mˬ pah le-awˇ,

Luˇkaꞈ 5:16

Ehˇ kʼawꞈ, ciˬ cuˇ ni gʼeh-eu bawˇ tsahˬ bawˇ dahˇ-ahˇ Yeˬsuˇ iˇ-awˇ, guiˬ lahˬ shaˇ-iˇ-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 8:51

Nymˇ kʼoeˇ nymˇ-ahˇ aˬ yawꞈ iˇ keuˆ ngeh, nui deuˬ maˬ bi uˇ leˇ ni, Beˬtuˆluˆ, Yoˇhaˬ, Yaˬkoˆ aˬ ha smˇ gʼaˬ hawˇ-eu, aˬ buˇ kʼoeˇ buˇ-euˬ aˬ da aˬ ma-ahˇ tehꞈ-ehˇ sheuˬ-awˇ uˇ leˇ-euˬ meh.

Luˇkaꞈ 9:18

Tiˬ poˆ-aˬ, Yeˬsuˇ tiˬ gʼaˬ tehꞈ-ehˇ guiˬ lahˬ shaˇ luꞈngeh, zaˬ lahˇ deuˬ aˬ yawꞈ jawˇ gaˇ laˇ-euˬ meh. Yeˬsuˇ aˬ yawꞈ maꞈ-ahˇ ehˇ-eu, “Aˬ cawˬ ngaˬ-ahˇ aˬ suˇ gʼaˬ nga lehˇ ehˇ luꞈ ta.”

Yoˇhaˬ 6:3

Yeˬsuˇ gawˬ duˇ tiˬ duˇ-ahˇ daˆ leˇ-awˇ, aˬ yawꞈ-euˬ zaˬ lahˇ deuˬ nehˬ-ehˇ nuiˇ-euˬ meh.

2 Gawˇliˬtu 13:1

Nymˬ-mˇ jawˇ poˆ naw maꞈ jawˇ gaˇ ngaˇ oe-eu lehˇ gʼeh-eu heu-aˬ, smˬ poˆ tiˬ poˆ ma. “Aˬ cawˬ-ahˇ yaˇ kʼaˬ ja ngeh tsawˇ kaˬ nyiˬ gʼaˬ smˇ gʼaˬ ya bi jawˇ meh” lehˇ Jaˇliꞈ laꞈ kʼoeˇ ehˇ taˬ-euˬ jaˆ-eu meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

2 Beˬtuˆluˆ 1:16

Aˬ dui-euˬ Sahˬpaˬ Yeˬsuˇ Ka li baoˬ tiˬ byah ni zaꞈ le tehꞈ-a lehˇ naw maꞈ-ahˇ nga maꞈ bi siˬ-eu heu-aˬ, aˬ cawˬ neh noeˬ doˆ-awˇ ja-euˬ gaˇ kawˆ yuˇ-awˇ bi siˬ-eu maˬ ngeuˇ. Aˬ yawꞈ-euˬ huiˬ dui mahˇ dui dui-eu baoˬ-ahˇ nga maꞈ myaˆ ya mawˇ duˬ-euˬ ma.