Luˇkaꞈ 9:19 - Akha

¹⁹ Aˬ yawꞈ maꞈ aˬ yawꞈ-ahˇ ehˇ-eu, “Tsawˇ haˬ tiˬ paˆ na deuˬ nawˬ-ahˇ Iˇ cuꞈ shawˇ-eu Yoˇ haˬ nga lehˇ ehˇ-eu meh. Tiˬ paˆ na deuˬ-aˬ, Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, aˇ hu baˬ-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na paˇ gʼoꞈ dehꞈ laˇ-euˬ ngaˇ lehˇ ehˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawfmaf aernaeq-eu, “Tiqpavnav deuq-aq, Bartirsaq mrnaeq-eu Yorhaq nga laer aer-eu mae. Tiqpavnav deuq-aq, Erlirya nga laer aer-awr, tiqpavnav deuq-aq, Arhuba-euq Miqyaer gharduq ngaeqdan-eu tiqghaqnav ghofdaef lar-euq nga” laer khawf aerluf-eu mae.”

Luˇkaꞈ 9:19 ပူးပေါင်းရင်းမြစ်များ

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Maꞈtehˬ 14:2

aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ ehˇ nehˬ-eu, “Tsawˇ haˬ kʼoeˇ gʼaˬ maˇ maˇ ni Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ. Kʼoeˇ miˇ neh, zahˬ leˇ paˬ-ehˇ gʼeh-eu jeˬ mˇ nya-eu baoˬ ahˇ-eu ngaˇ.”

Maꞈtehˬ 3:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇ cuꞈ shawˇ-eu Yoˇhaˬ lehˇ myahˇ-euˬ gʼaˬ, Yuˇdaˆ miˇ kʼahˬ kʼaˇ shuiꞈ deh yaˇ bawˇ tsahˬ bawˇ dahˇ laꞈ kʼoeˇ, heu loꞈ-ehˇ dawˬ mehˬ mehˬ le-euˬ meh.

Maˬkuˆ 6:14

Gaˇ kawˆ kʼoeˇ deuˬ dawˬ tawˆ luꞈ sahˬ paˬ Heˬloˆ ya gaˬ-euˬ meh. Aˬ jeˬ miˇ neh ehˇ naˇ, Yeˬsuˇ-euˬ gaˇ kawˆ yawˬ gaˇ na luꞈ gaˬ doe-iˇ luꞈ-eu meh. “Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ. Kʼoeˇ miˇ neh, zahˬ leˇ paˬ-ehˇ gʼeh-eu gaˇ heu deuˬ mˇ nya-eu baoˬ aˬ yawꞈ jaˆ-eu ngaˇ” lehˇ, tsawˇ haˬ tiˬ paˆ na deuˬ ehˇ-eu meh.

Maˬkuˆ 6:15

Tiˬ paˆ na deuˬ-aˬ, aˬ yawꞈ-ahˇ Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, “Aˇ hu ba Miˬyehˇ gʼaˇ duˬ ngehˬ dah-euˬ tsawˇ haˬ deuˬ-ahˇ duˇ-eu Miˬyehˇ gʼaˇ duˬ ngehˬ dah-eu tsawˇ haˬ ngaˇ” lehˇ ehˇ-eu meh.

Luˇkaꞈ 9:18

Tiˬ poˆ-aˬ, Yeˬsuˇ tiˬ gʼaˬ tehꞈ-ehˇ guiˬ lahˬ shaˇ luꞈngeh, zaˬ lahˇ deuˬ aˬ yawꞈ jawˇ gaˇ laˇ-euˬ meh. Yeˬsuˇ aˬ yawꞈ maꞈ-ahˇ ehˇ-eu, “Aˬ cawˬ ngaˬ-ahˇ aˬ suˇ gʼaˬ nga lehˇ ehˇ luꞈ ta.”

Luˇkaꞈ 9:20

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ toe. Ngaˇ aˬ suˇ gʼaˬ nga lehˇ ehˇ nmˇ.” Beˬtuˆluˆ ehˇ-eu, “Nawˇ-aˬ, Miˬyehˇ neh bi oe-euˬ Ka li meh.”

Yoˇhaˬ 1:21

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”

Yoˇhaˬ 1:25

Aˬ yawꞈ maꞈ Yoˇhaˬ-ahˇ naˇ haˬ-eu, “Nawˇ-aˬ, Ka li kʼawꞈ maˬ ngeuˇ, Eˇliˇyaˆ kʼawꞈ maꞈ ngeuˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ maˬ ngeuˇ lehˇ ehˇ-eu jeˬ maˇ-iˬ, aˬ jeˬ miˇ neh aˬ cawˬ-ahˇ iˇ cuꞈ shawˇ nehˬ te.”

Yoˇhaˬ 7:40

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, tsawˇ haˬ aˇ maꞈ laꞈ kʼoeˇ tiˬ paˆ na deuˬ ehˇ-eu, “Tsawˇ haˬ teu gʼaˬ aˬ diˇ aˬ maˇ Miˬyehˇ gʼaˇ duˬ ngeh dah-eu tsawˇ naˬ ngaˇ.”

Yoˇhaˬ 9:17

Kʼoeˇ naˇ, Paˬliˬsehˇ kʼoeˇ deuˬ tsawˇ haˬ kʼoeˇ gʼaˬ-ahˇ heu loꞈ-ehˇ paˇ naˇ haˬ-euˬ meh. “Nawˬ-euˬ myaˆ nuiˆ mawˇ laˇ ni aˬ yawꞈ neh jahˇ nehˬ laꞈ-euˬ meh lehˇ nawˇ ehˇ-eu-aˬ, aˬ yawꞈ-ahˇ nawˇ aˬ joˆ-ehˇ noeˬ-eu nya.” Tsawˇ haˬ kʼoeˇ gʼaˬ ehˇ-eu, “Aˬ yawꞈ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh.”