Luˇkaꞈ 8:54 - Akha

⁵⁴ Ehˇ kʼawꞈ, aˬ buˇ kʼoeˇ buˇ-euˬ aˬ laꞈ-ahˇ aˬ yawꞈ nyehꞈ tehˬ-awˇ, “Aˬ buˇ-oˇ, tuˇ-awˬ” lehˇ, teˇ saˇ yaw kʼaˆ kʼaˆ-ehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁴ Khoerngae, aqyawf, aqyawfmaf dawqtawv luf-anr bidov-ir-awr, Yeqsur, aqyawf-euq aqlaf-anr nyaeftaeq-awr aer-eu, “Aqburzaq-or! Turlar-awq!”

Luˇkaꞈ 8:54 ပူးပေါင်းရင်းမြစ်များ

Yeˬlaˬmiˇ 31:32

Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.

Maꞈtehˬ 9:25

Tsawˇ haˬ kʼoeˇ deuˬ-ahˇ laꞈ nyiˇ bi doˆ-iˇ jiˇ ngeh jawˇ, aˬ buˇ kʼoeˇ gʼaˬ-euˬ kuˆ lawˆ-ahˇ aˬ yawꞈ uˇ leˇ-awˇ, aˬ laꞈ-ahˇ nyehꞈ tehˬ nehˬ ngeh, aˬ buˇ kʼoeˇ gʼaˬ tuˇ laˇ-euˬ meh.

Maˬkuˆ 1:31

Yeˬsuˇ aˬ yawꞈ jawˇ gaˇ iˇ-awˇ, aˬ laꞈ-ahˇ nyehꞈ tehˬ-awˇ gʼeu tuˇ nehˬ-euˬ meh. Kʼoeˇ ngeh, aˬ yawꞈ pyaˬ-eu taˬ leˇ-awˇ, aˬ yawꞈ maꞈ-ahˇ dzaˬ dzaˬ dawˇ dawˇ lehˬ hmˬ laˆ saˆ nehˬ-euˬ meh.

Maˬkuˆ 8:23

Myaˆ behꞈ kʼoeˇ gʼaˬ-euˬ aˬ laꞈ-ahˇ Yeˬsuˇ tsahˇ-awˇ, pu pu dzeˇ sheuˬ doˆ gʼeh-euˬ meh. Myaˆ nuiˆ-ahˇ duˬ kʼaˬ kʼa shehˬ nehˬ-awˇ, uˬ duˬ-ahˇ aˬ laꞈ baꞈ daˆ-awˇ, “Tiˬ jeˬ paˬ maˬ mawˇ laˇ nya loˇ” lehˇ naˇ haˬ-euˬ meh.

Maˬkuˆ 9:27

Ehˇ kʼawꞈ, Yeˬsuˇ aˬ li kʼoeˇ li-euˬ aˬ laꞈ-ahˇ nyehꞈ tehˬ-awˇ tsahˇ tuˇ nehˬ ngeh, tuˇ laˇ-euˬ meh.

Luˇkaꞈ 8:51

Nymˇ kʼoeˇ nymˇ-ahˇ aˬ yawꞈ iˇ keuˆ ngeh, nui deuˬ maˬ bi uˇ leˇ ni, Beˬtuˆluˆ, Yoˇhaˬ, Yaˬkoˆ aˬ ha smˇ gʼaˬ hawˇ-eu, aˬ buˇ kʼoeˇ buˇ-euˬ aˬ da aˬ ma-ahˇ tehꞈ-ehˇ sheuˬ-awˇ uˇ leˇ-euˬ meh.

Luˇkaꞈ 8:53

Kʼoeˇ ngeh, aˬ yawꞈ maꞈ dawˬ tawˆ luꞈ, aˬ yawꞈ-ahˇ uiˇ-eu meh. Aˬ jeˬ miˇ neh ehˇ naˇ, aˬ yawꞈ shiˇ tsehˆ taˬ-euˬ aˬ yawꞈ maꞈ siˬ duˬ-eu meh.

Luˇkaꞈ 8:55

Aˬ buˇ kʼoeˇ buˇ paˇ dehꞈ kʼoꞈ laˇ-awˇ, ja pyuˬ ni tuˇ laˇ-euˬ meh. Aˬ yawꞈ-ahˇ tiˬ jeˬ paˬ bi dzaˬ-eu gʼaˇ duˬ, aˬ yawꞈ maꞈ-ahˇ Yeˬsuˇ dawˬ biꞈ-euˬ meh.

Yoˇhaˬ 11:43

Aˬ yawꞈ kʼoeˇ loꞈ-ehˇ ehˇ gʼaˬ ngeh, “Laˬzaˬluˇ-oˇ, doˆ le-awˬ” lehˇ yaw kʼaˆ-ehˇ guˇ-euˬ meh.

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.

Lormav 4:17

“Ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ gʼaˬ bi pyeuꞈ laˇ ma” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh. Dawˬ ma saˇ jaˇ kʼoeˇ-aˬ, Aˬyaˬhaˬ jah-eu Miˬyehˇ-euˬ mehˬ shi yaw muiˬ meh. Shiˇ-euˬ tsawˇ haˬ-ahˇ bi gʼoꞈ dehꞈ laˇ nya-awˇ, maˬ jaˆ haw maˬ mawˇ haw-euˬ jeˬ-ahˇ dawˬ biꞈ-awˇ bi jaˆ laˇ nya-eu Miˬyehˇ-ahˇ Aˬbyaˬhaˬ jah-euˬ meh.