Luˇkaꞈ 8:47 - Akha

⁴⁷ Gaˇ kawˆ kʼoeˇ maˬ paˇ zaꞈ taˬ nya ngaˇ lehˇ zaˬ miˬ zaˬ kʼoeˇ gʼaˬ-ahˇ siˬ duˬ leˇ ngeh, yaw dzuˬ dzuˬ-eu laꞈ kʼoeˇ laˇ-awˇ, Yeˬsuˇ-euˬ aˬ kuiˇ dawˬ peh awˆ byaˆ-euˬ meh. Kʼoeˇ naˇ, aˬ jeˬ miˇ neh Yeˬsuˇ-ahˇ aˬ yawꞈ toeˬ ciˆ-euˬ gaˇ kawˆ hawˇ-eu, aˬ yawꞈ-euˬ naˇ gawˇ tiˬ poˆ tehꞈ-ehˇ taˬ leˇ-euˬ gaˇ kawˆ, tsawˇ haˬ kʼoeˇ myaˆ ni gʼeh-eu mehˬ shi ehˇ doˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Maqpar jawrzaf nya-eu ngar-a laer zaqmiq aqbur khoerghaq-anr siqler ngae, yawdzuq gan’gan-aer lar-awr Yeqsur-euq aqkuir-euq dawqpae awbyav-awr, aqjeq mirnae Yeqsur-anr toeqciv-euq hawr-eu, tiqpov taef-aer aqjox-aer taqler-euq garkawv, tsawrhaq dawqtawv luf-euq maeqshi Yeqsur-anr aernaeq-euq mae.

Luˇkaꞈ 8:47 ပူးပေါင်းရင်းမြစ်များ

Jaceuq 2:11

Guˆ-eu nui ma ahˇ-eu laꞈ kʼoeˇ, SahˬpaˬMiˬyehˇ-euˬgaˇmˇ-awˬ. Guˆ-awˇ yaw dzuˬdzuˬ-eu laꞈkʼoeˇ, aˬkuiˇ uˬmoˆ awˆbyaˆ leˇ-awˬ. Yawꞈ-euˬ nui pehˇ ga keuˆ le naˇ, ja pyuˬni ya shiˇjiˇtehꞈ-a. Yawꞈ-ahˇ tahˬshaˇleˇ-eu deuˬ-aˬ, guiˬlahˬhuiˬ-eu tsawˇhaˬmeh.

Jaceuq 38:9

Ngaˇnui kʼahˇjaˆluꞈ-eu jeˬ-ahˇ, SahˬpaˬMiˬyehˇnawˇsiˬnya meh. Shaˬzahˬmˇ-awˇmahˇ-eu teˇsaˇ, nawˬ-euˬnaˬbawˇya gaˬluꞈmeh.

Jaceuq 66:16

Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Hawˇseˬ 5:3

Iˇsaˬleˬlaˆ aˬ joˇ gʼeh-eu, dawˬ tawˆ luꞈ ngaˇ siˬ nya jiˇ ma. Aˬ yawꞈ ngaˬ-ahˇ maˬ zaꞈ nya-a. Aˬyawꞈ ngaˬ-ahˇ saˇ jaˇ puiˬ-awˇ, aˬ yawꞈ-euˬ tsawˇ haˬ deuˬ ngaˬ-ahˇ, uˬ duˬ tahˬ laˇ-eu maˬ geuˇ-a.”

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Maꞈtehˬ 28:8

Kʼoeˇ ngeh, aˬ yawꞈ nyaꞈ guˆ kʼawꞈ guˆ, laˬ kʼaˬ kʼawꞈ cehˇ-eu laꞈ kʼoeˇ, nyi naˬ nyi naˬ-ehˇ maˬ jawˇ ni, aˬ yawꞈ-euˬ zaˬ lahˇ deuˬ-ahˇ dzawˇ nehˬ-iˇ-eu gʼaˇ duˬ cehˆ coeˬ coeˬ kʼoꞈ gʼeh-euˬ meh.

Maˬkuˆ 5:33

Zaˬ miˬ zaˬ kʼoeˇ gʼaˬ aˬ yawꞈ-euˬ gʼawˇ mawˇ aˬ joˆ-ehˇ pyeuꞈ laˇ-euˬ siˬ leˇ-euˬ loꞈ-ehˇ, guˆ-awˇ yaw dzuˬ dzuˬ-eu laꞈ kʼoeˇ doˆ laˇ-awˇ, Yeˬsuˇ-euˬ aˬ kuiˇ dawˬ pah ga byaˆ-awˇ, gaˇ kawˆ dawˬ tawˆ luꞈ dawˇ coe ni ehˇ doˆ nehˬ-euˬ meh.

Luˇkaꞈ 8:46

Ehˇ kʼawꞈ, Yeˬsuˇ ehˇ-eu, “Tsawˇ haˬ tiˬ gʼaˬ ngaˬ-ahˇ toeˬ ciˆ-euˬ meh. Aˬ jeˬ miˇ neh ehˇ naˇ, ngaˬ-euˬ laꞈ kʼoeˇ ahˇ-eu baoˬ doˆ-iˇ-euˬ ngaˬ-ahˇ siˬ laˇ nya.”

Luˇkaꞈ 8:48

“Aˬ buˇ-oˇ, nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ” lehˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Gʼaˬkʼehˇ 16:29

Kʼoeˇ ngeh, tawˬ-ahˇ haw-eu kʼoeˇ gʼaˬ miˬ dzaˬ keuˬ leꞈ-awˬ lehˇ guˇ-awˇ, tawˬ laꞈ kʼoeˇ cehˆ uˇ gʼeh-awˇ, guˆ-awˇ yaw dzuˬ dzuˬ-eu laꞈ kʼoeˇ Pawˇluˆ hawˇ-eu Siˬlaˆ aˬ nyaꞈ-euˬ aˬ kuiˇ dawˬ peh pawˬ tsuiꞈ pawˬ dmˬ ga dmˬ-euˬ meh.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

2 Gawˇliˬtu 7:15

Aˬ yawꞈ neh naw maꞈ-ahˇ mehˬ nehˬ tsoˆ nehˬ-euˬ jeˬ-ahˇ naw maꞈ naˇ haˬ geuꞈ mawꞈ-eu nui ma ahˇ-awˇ, Miˬyehˇ mehˬ shi naw maꞈ guˆ-awˇ yaw dzuˬ dzuˬ-eu laꞈ kʼoeˇ aˬ yawꞈ-ahˇ ha geuꞈ nehˬ-euˬ gaˇ aˬ yawꞈ paˇ noeˬ mawˇ leˇ ngeh, aˬ yawꞈ-euˬ nui ma laꞈ kʼoeˇ naw maꞈ-ahˇ gaˬ-eu jeˬ bi lehˬ lehˬ laˇ-euˬ meh.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.