Luˇkaꞈ 8:44 - Akha

⁴⁴ Aˬ yawꞈ Yeˬsuˇ-euˬ mehˬ nah miˇ ni caw teh leˇ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ ngeh, aˬ yawꞈ shiˬ doˆ-eu tiˬ poˆ tehꞈ-ehˇ tsiˇ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Aqyawf, Yeqsur-euq narkhan paw lar-awr, Yeqsur-euq paerkhanq paerdanq-anr toeqciv ngae, shiq dov-eu khoer tiqpov taef-aer tsirler-euq mae.

Luˇkaꞈ 8:44 ပူးပေါင်းရင်းမြစ်များ

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 20:34

Aˬ yawꞈ nyaꞈ-ahˇ Yeˬsuˇ gʼawˬ shaˬ haw gaˬ-awˇ, myaˆ nuiˆ-ahˇ toeˬ ciˆ nehˬ ngeh, aˬ yawꞈ nyaꞈ-euˬ myaˆ nuiˆ tiˬ poˆ tehꞈ-ehˇ mawˇ laˇ-awˇ, aˬ yawꞈ-euˬ mehˬ nah caw teh gʼeh-euˬ meh.

Maꞈtehˬ 8:3

Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Maꞈtehˬ 9:20

Kʼoeˇ ngeh, tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ, Yeˬsuˇ-euˬ mehˬ nah miˇ ni caw teh le-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ-euˬ meh.

Maˬkuˆ 6:56

Pu doe ni, meuˬ doe ni, yaˇ kʼahˬ yaˇ lahˬ doe ni, Yeˬsuˇ kʼaˇ iˇ kʼaˇ laˇ doˆ gaˇ, lehˆ lehˆ tsmˇ tsawˇ haˬ uiˬ leˇ duˬ-ahˇ, naˇ-eu tsawˇ haˬ baꞈ taˬ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ-eu gʼaˇ duˬ, aˬ yawꞈ maꞈ shaˇ-euˬ meh. Kʼaˇ toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Luˇkaꞈ 13:13

Zaˬ miˬ zaˬ kʼoeˇ gʼaˬ kʼoeˇ taˆ aˬ yawꞈ aˬ laꞈ cawˬ daˆ nehˬ ngeh, tiˬ poˆ tehꞈ-ehˇ daˇ tsuiꞈ paˇ dawˇ kʼoꞈ laˇ-awˇ, zaˬ miˬ zaˬ kʼoeˇ gʼaˬ Miˬyehˇ-ahˇ ja ceuˬ-euˬ meh.

Luˇkaꞈ 7:38

Aˬ yawꞈ Yeˬsuˇ-euˬ naˇ kʼah aˬ kuiˇ dawˬ peh yawꞈ-awˇ ngoeˇ-eu miˇ neh, Yeˬsuˇ-euˬ aˬ kuiˇ-ahˇ myaˆ biˇ dzaˆ daˆ-euˬ meh. Kʼoeˇ ngeh, aˬ yawꞈ-euˬ uˬ duˬ tsehˇ kahˇ neh Yeˬsuˇ-euˬ aˬ kuiˇ-ahˇ dzaˆ daˆ taˬ-euˬ myaˆ biˇ kʼoeˇ shiˆ gui nehˬ-awˇ, aˬ kuiˇ-ahˇ mehˬ cuˇ cuˇ-awˇ, tsiˇ yaw saw jeˬ shehˆ daˆ nehˬ-euˬ meh.

Luˇkaꞈ 8:43

Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ kʼaˇ jaˆ-eu jeˬ dawˬ tawˆ luꞈ ahˬ dzeh jiˇ-awˇ, jaˆ gʼaˬ yaˇ-eu saˬ laˬ gʼoˬ deuˬ neh bi yaˇ-euˬ kʼawꞈ, tiˬ gʼaˬ-iˬ maˬ yaˇ taˬ nehˬ nya-a.

Luˇkaꞈ 8:45

Kʼoeˇ ngeh, “Ngaˬ-ahˇ toeˬ ciˆ-euˬ aˬ suˇ gʼaˬ-a” lehˇ Yeˬsuˇ ehˇ-eu meh. Tsawˇ haˬ tiˬ gʼaˬ-iˬ Yeˬsuˇ-ahˇ toeˬ ciˆ-euˬ ma lehˇ maˬ ehˇ-a. Beˬtuˆluˆ ehˇ-eu, “Sahˬpaˬ-oˇ, nawˬ-euˬ tiˬ jawˬ tsawˇ haˬ tiˬ teuˇ jawˇ-awˇ, nawˇ jawˇ gaˇ tah uˇ laˇ luꞈ nga tawˇ.”

Yoˇhaˬ 5:13

Naˇ gawˇ taˬ leˇ-euˬ tsawˇ haˬ kʼoeˇ gʼaˬ, Yeˬsuˇ aˬ geu gʼaˬ pyeuꞈ-eu maˬ siˬ nya-a. Aˬ jeˬ miˇ neh ehˇ naˇ, kʼoeˇ gaˇ tsawˇ haˬ gʼawˬ mya ni jawˇ-eu miˇ neh, aˬ cawˬ-euˬ yaw kaˬ-ahˇ Yeˬsuˇ cah byoˆ-euˬ meh.

Gʼaˬkʼehˇ 19:12

Pawˇluˆ neh zmˬ-euˬ paˇ jeh maˬ ehˇ, joꞈ tsiˬ maˬ ehˇ, naˇ-eu tsawˇ haˬ deuˬ jawˇ gaˇ yuˇ gʼeh nehˬ ngeh naˇ gawˇ taˬ leˇ-awˇ, nehꞈ yaw jawꞈ uˇ-eu deuˬ kʼawꞈ nehꞈ doˆ-iˇ-euˬ meh.

Gʼaˬkʼehˇ 5:15

Gʼaˬ kʼehˇ deuˬ-euˬ mˇ myawˬ shaˇ kawˆ-ahˇ aˬ cawˬ ya mawˇ ngeh, naˇ-eu gawˇ-eu tsawˇ haˬ deuˬ-ahˇ gaˇ ma-ahˇ baꞈ doˆ leꞈ-awˇ, gawˬ pu hawˇ-eu yuꞈ zaˇ kʼoeˇ taˆ bi jawˇ-awˇ, Beˬtuˆluˆ oe tsehˆ ngeh, aˬ yawꞈ-euˬ gʼawˇ mawˇ-euˬ naˇ shmˇ bi zaw le-eu gʼaˇ duˬ loꞈ luꞈ-eu meh.

Dawˬmehˬ 22:12

“Nawˬ-euˬ mehˬ tsoeˬ-euˬ mehˬ dzaˬ laꞈ coeˇ oeˬ coeˇ luꞈ-ahˇ, dawˬ sheuˇ ya guꞈ tsoꞈ meh.