Luˇkaꞈ 8:43 - Akha

⁴³ Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ kʼaˇ jaˆ-eu jeˬ dawˬ tawˆ luꞈ ahˬ dzeh jiˇ-awˇ, jaˆ gʼaˬ yaˇ-eu saˬ laˬ gʼoˬ deuˬ neh bi yaˇ-euˬ kʼawꞈ, tiˬ gʼaˬ-iˬ maˬ yaˇ taˬ nehˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoerngae, 12 khof byanni shiq dovdov-aer narluf-eu zaqmiq aqbur tiq ghaq jawr-eu mae. Aqyawf yawdaef daef-eu gharduq kharjav-eu jeq zmq-awr nargawr lavsav-eu tsawrhaq deuq nae bi lavsav-euq khawf, aqyawf-anr tiqghaq-iq maq lavtaq nya-a.

Luˇkaꞈ 8:43 ပူးပေါင်းရင်းမြစ်များ

2 Laˬsaˬbaˬ 16:12

Aˬsaˬ sahˬ paˬ geuꞈ-eu smˬ tseˇ gʼoeˬ kʼoꞈ tiˬ kʼoꞈ-ahˇ aˬ kuiˇ naˇ-eu naˇ gawˇ baˬ da neh aˬ yawꞈ kuiˇ kuˆ kuˆ-iˇ-euˬ meh. Ehˇ kʼawꞈ, kʼoeˇ ngeh keuˆ ni Sahˬpaˬ Miˬyehˇ-ahˇ aˬ yawꞈ laꞈ jeuˬ maˬ shaˇ-ehˇ, naˇ gawˇ laˆ saˆ-eu saˬ laˬ gʼoˬ deuˬ-ahˇ tehꞈ-ehˇ gʼoe-euˬ meh.

Yawˇbaˆ 13:4

Naw maꞈ-aˬ, yawˬ ha maˬ siˬ maˬ nya-eu jeˬ-ahˇ jaˬ myawꞈ myawꞈ-eu laꞈ kʼoeˇ dehˬ kaˬ-awˇ, naˇ gawˇ maˬ laˆ taˬ nya-eu jaˆ gʼaˬ yaˇ-eu tsawˇ haˬ-ahˇ duˇ-eu meh.

Jaceuq 108:12

Muiˇ-eu deuˬ-ahˇ nga maꞈ guiˇ deuˆ gaˇ caw ba nehˬ laꞈ. Tsawˇ haˬ zaˬ caw ba-eu gaˇ dahˇ maˬ tsoeˬ-a.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Maˬkuˆ 12:44

Aˬ jeˬ miˇ neh ehˇ naˇ, nui deuˬ-aˬ, gʼawˬ mya ni jaˆ-eu laꞈ kʼoeˇ yuˇ doˆ-awˇ damˬ-euˬ meh. Ehˇ kʼawꞈ, aˬ yawꞈ-aˬ, shaˬ dui dui-eu laꞈ kʼoeˇ, aˬ yawꞈ yaw dehꞈ dehꞈ-eu gʼaˇ duˬ maˬ dzeˇ ni, kʼaˇ ahˇ-eu dawˬ tawˆ luꞈ damˬ jiˇ-euˬ meh.”

Maˬkuˆ 9:18

Nehꞈ kʼoeˇ mawˇ aˬ yawꞈ-ahˇ kʼaˇ uˇ-iˇ ngeh, miˇ tsa ciˬ tahˬ ciˬ tuˆ nehˬ-eu meh. Kʼoeˇ naˇ, kʼaˬ meh-ahˇ buiˇ meuꞈ doˆ le-awˇ, seuˬ teuꞈ teuꞈ-ehˇ, gʼawˇ mawˇ gʼahˇ cawˬ ni pyeuꞈ-iˇ-eu meh. Nehꞈ kʼoeˇ mawˇ teh doˆ nehˬ laꞈ lehˇ, nawˬ-euˬ zaˬ lahˇ deuˬ-ahˇ ngaˇ shaˇ-euˬ kʼawꞈ, aˬ yawꞈ maꞈ maˬ teh doˆ nehˬ laꞈ nya-a.”

Luˇkaꞈ 13:11

Tseˇ yehꞈ kʼoꞈ byah ni nehꞈ uˇ-awˇ naˇ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ daˇ tsuiꞈ kʼoꞈ-iˇ-awˇ, maˬ mˇ dawˇ nya ni pyeuꞈ-iˇ-euˬ meh.

Luˇkaꞈ 13:16

Toˆ-ehˇ ngeuˇ naˇ, nehꞈ Saˬdaˬ neh tseˇ yehꞈ kʼoꞈ keuˆ ni bi paꞈ tawꞈ taˬ-euˬ Aˬbyaˬhaˬ-euˬ aˬ buˇ heu gʼaˬ-ahˇ, Jawˇ nah ngeh nah puiˇ pyehˬ-awˇ bi buˬ-iˇ-eu maˬ tsaˬ-a loˇ.”

Luˇkaꞈ 8:27

Aˬ yawꞈ lawˬ laꞈ kʼoeˇ neh lawˇ dzeˇ-ahˇ doˆ leˇ-eu nehˬ-ehˇ, meuˬ kʼoeˇ meuˬ-ahˇ jawˇ-eu nehꞈ uˇ-eu tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ mehˬ tsoeˬ maˬ dm-ehˇ, iˇ kahˇ-ahˇ maˬ jawˇ ni, lmˬ bymˇ lo kʼahˬ-ahˇ tehꞈ-ehˇ jawˇ luꞈ-eu myahˇ dui dui laˇ-euˬ meh.

Luˇkaꞈ 8:42

Aˬ jeˬ miˇ neh ehˇ naˇ, tseˇ nyiꞈ kʼoꞈ kʼawˆ laˇ-euˬ aˬ yawꞈ-euˬ aˬ buˇ shiˇ leˇ luꞈ-eu meh. Aˬ yawꞈ-aˬ, aˬ buˇ kʼoeˇ buˇ jawˇ-eu tehꞈ meh. Yeˬsuˇ kʼoeˇ gaˇ iˇ luꞈ ngeh, tsawˇ haˬ aˇ maꞈ aˬ yawꞈ jawˇ gaˇ tah uˇ laˇ luꞈ-eu meh.

Luˇkaꞈ 8:44

Aˬ yawꞈ Yeˬsuˇ-euˬ mehˬ nah miˇ ni caw teh leˇ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ ngeh, aˬ yawꞈ shiˬ doˆ-eu tiˬ poˆ tehꞈ-ehˇ tsiˇ leˇ-euˬ meh.

Yoˇhaˬ 9:1

Yeˬsuˇ iˇ luꞈ ngeh, dehꞈ le ngeh neh myaˆ behꞈ behꞈ-eu tsawˇ haˬ tiˬ gʼaˬ-ahˇ ya mawˇ-euˬ meh.

Yoˇhaˬ 9:21

Ehˇ kʼawꞈ, nymˬ-mˇ aˬ yawꞈ aˬ joˆ-ehˇ jahˇ-awˇ myaˆ nuiˆ paˇ mawˇ laˇ-euˬ gaˇ kawˆ hawˇ-eu, aˬ suˇ gʼaˬ neh myaˆ nuiˆ laˆ dahˇ nehˬ-euˬ gaˇ kawˆ nga nyaꞈ maˬ siˬ nya nya. Aˬ yawꞈ-ahˇ naˇ haˬ-awˬ. Aˬ yawꞈ huiˬ laˇ-euˬ meh. Aˬ yawˇ yawꞈ ja mehˬ nehˬ laꞈ nya tehꞈ-a.”

Gʼaˬkʼehˇ 3:2

Haw muiˬ dui dui-eu Lahˇ kʼehˬ lehˇ kuˇ-eu lahˇ kʼehˬ kʼoeˇ kʼehˬ-ahˇ, dehꞈ le ngeh neh aˬ kuiˇ yaw cawˆ tiˬ gʼaˬ jawˇ-eu meh. Uˬ duˬ tahˬ nymˇ nymˇ ma-ahˇ kʼaˇ laˇ-eu tsawˇ haˬ deuˬ-ahˇ pyuˇ bi shaˇ-eu gʼaˇ duˬ, yawˬ nah na luꞈ aˬ yawꞈ-ahˇ lahˇ kʼehˬ kʼoeˇ kʼehˬ-ahˇ baꞈ taˬ laˇ-eu meh.

Gʼaˬkʼehˇ 4:22

Zahˬ leˇ paˬ-ehˇ gʼeh-eu jeˬ laꞈ kʼoeˇ naˇ gawˇ taˬ leˇ-euˬ tsawˇ haˬ kʼoeˇ gʼaˬ-aˬ, aˇ kʼoꞈ oeˬ tseˇ dzehˬ-iˇ-euˬ meh.