Luˇkaꞈ 8:40 - Akha

⁴⁰ Yeˬsuˇ lah nui baˬ-ahˇ gʼoꞈ keuˆ-iˇ ngeh, tsawˇ haˬ aˇ maꞈ aˬ yawꞈ-ahˇ laˬ kʼaˬ tiˬ cehˇ ha-euˬ meh. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ dawˬ luꞈ gaˇ tsaˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Yeqsur ghofkeuvler ngae, tsawrhaq armaf maflanni, aqyawf-anr dawqluf-eu mirnae, aqyawf-anr ha-euq mae.

Luˇkaꞈ 8:40 ပူးပေါင်းရင်းမြစ်များ

Dawqdaq 8:34

Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Maꞈtehˬ 9:1

Kʼoeˇ naˇ, Yeˬsuˇ lawˬ kʼoeˇ laˇ-ahˇ paˇ dziˬ-awˇ, aˬ yawꞈ jawˇ-eu meuˬ-ahˇ gʼoꞈ tsehˆ-iˇ-euˬ meh.

Maˬkuˆ 12:37

Daˬbiˇ-euˬ mawˇ do kʼawꞈ, aˬ yawꞈ-ahˇ Sahˬ paˬ lehˇ kuˇ-euˬ meh. Toˆ-ehˇ ngeuˇ naˇ, Ka li-aˬ, Daˬbiˇ-euˬ zaˬ aˬ joˆ-ehˇ pyeuꞈ nya ta.” Yeˬsuˇ neh mehˬ nehˬ tsoˆ nehˬ-euˬ dawˬ-ahˇ, tsawˇ haˬ aˇ maꞈ maꞈ ma laˬ kʼaˬ tiˬ cehˇ naˇ haˬ luꞈ-eu meh.

Maˬkuˆ 5:21

Lah nui baˬ paw Yeˬsuˇ paˇ gʼoꞈ tsehˆ-iˇ-euˬ meh. Lah lah dzeˇ, aˬ yawꞈ-euˬ dawˬ peh tsawˇ haˬ aˇ maꞈ maꞈ ma uiˬ le-euˬ meh.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Luˇkaꞈ 19:48

Ehˇ kʼawꞈ, aˬ yawꞈ maꞈ tiˬ jeˬ-iˬ maˬ gʼeh nya-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ aˬ yawꞈ-euˬ dawˬ-ahˇ naˇ haˬ mawꞈ dui dui-awˇ, tiˬ dawˬ-iˬ maˬ bi ga ka yaꞈ mawꞈ-a.

Luˇkaꞈ 19:6

Kʼoeˇ ngeh, aˬ yawꞈ yaw kawˇ-ehˇ zaꞈ ka le-awˇ, Yeˬsuˇ-ahˇ laˬ kʼaˬ tiˬ cehˇ ha-euˬ meh.

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Luˇkaꞈ 8:39

“Iˇ kahˇ-ahˇ gʼoꞈ-iˇ-awˇ, Miˬyehˇ neh nawˬ-ahˇ aˬ joˆ-ehˇ jahˇ nehˬ laꞈ-euˬ gaˇ kawˆ ja mehˬ-iˇ-awˬ.” Kʼoeˇ ngeh, tsawˇ haˬ kʼoeˇ gʼaˬ gʼoꞈ-iˇ-awˇ, aˬ yawꞈ gʼaˇ duˬ Yeˬsuˇ neh aˇ naˆ ni mˇ nehˬ-euˬ gaˇ kawˆ, meuˬ doe-iˇ ni dzawˇ gaˬ-euˬ meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”