Luˇkaꞈ 8:37 - Akha

³⁷ Miˇ kʼahˬ kʼoeˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ guˆ dui dui-awˇ, Yeˬsuˇ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ neh doˆ-iˇ nehˬ laꞈ lehˇ shaˇ-eu meh. Kʼoeˇ ngeh, Yeˬsuˇ lawˬ dziˬ-awˇ doˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Gaqdaqlar mirkhanq-euq jawqlaw jawrlawr jawr-eu tsawrhaq dawqtawvluf guv duidui-eu mirnae, aqyawfmaf jawr-eu gar nae dov-ir naeqlaf laer Yeqsur-anr shar-euq mae. Khoermirnae, Yeqsur, lawq-anr ur-ir-awr ghofler-euq mae.

Luˇkaꞈ 8:37 ပူးပေါင်းရင်းမြစ်များ

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

Maꞈtehˬ 8:34

Kʼoeˇ ngeh meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ Yeˬsuˇ jawˇ gaˇ doˆ le-awˇ, Yeˬsuˇ-ahˇ aˬ yawꞈ maꞈ ya mawˇ ngeh, “Nga maꞈ-eu miˇ kʼahˬ laꞈ kʼoeˇ neh doˆ-iˇ nehˬ laꞈ” lehˇ shaˇ-euˬ meh.

Maˬkuˆ 5:17

Kʼoeˬ naˇ, aˬ yawꞈ maꞈ jawˇ-eu miˇ kʼahˬ-ahˇ neh doˆ-iˇ nehˬ laꞈ lehˇ, aˬ yawꞈ maꞈ Yeˬsuˇ-ahˇ shaˇ-euˬ meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Luˇkaꞈ 8:28

Tsawˇ haˬ kʼoeˇ gʼaˬ Yeˬsuˇ-ahˇ ya mawˇ ngeh, guˇ guˇ-ehˇ Yeˬsuˇ-euˬ mehˬ shi ga byaˆ-awˇ, “Huiˬ dui Mahˇ dui dui-eu Miˬyehˇ-euˬ Zaˬmaˇ pyeuꞈ-eu Yeˬsuˇ-oˇ, nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ taˬ kʼaˆ nehˬ laꞈ lehˇ nawˬ-ahˇ shaˇ-eu ma” lehˇ, guˇ guˇ-ehˇ ehˇ-eu meh.

Luˇkaꞈ 8:36

Kʼaˇ pyeuꞈ laˇ-euˬ jeˬ-ahˇ ya mawˇ-euˬ tsawˇ haˬ deuˬ neh, nehꞈ uˇ-eu tsawˇ haˬ kʼoeˇ gʼaˬ-ahˇ aˬ joˆ-ehˇ laˆ taˬ nehˬ-euˬ gaˇ kawˆ kʼoeˇ, aˬ yawꞈ maꞈ-ahˇ dzawˇ mehˬ nehˬ-euˬ meh.

Luˇkaꞈ 8:38

Nehꞈ teh doˆ nehˬ-euˬ tsawˇ haˬ kʼoeˇ gʼaˬ Yeˬsuˇ-ahˇ ehˇ-eu, “Ngaˬ-ahˇ nawˬ nehˬ-ehˇ bi oe laꞈ.” Ehˇ kʼawꞈ, Yeˬsuˇ aˬ yawꞈ-ahˇ heu loꞈ-ehˇ ehˇ nehˬ-awˇ bi gʼoꞈ-iˇ-euˬ meh.

Luˇkaꞈ 9:5

Naw maꞈ-ahˇ maˬ kʼaˇ ha geuꞈ nehˬ laꞈ-eu meuˬ deuˬ-ahˇ neh naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Luˇkaꞈ 9:56

Kʼoeˇ naˇ, yawˬ pu yawˬ-ahˇ aˬ yawꞈ maꞈ le-euˬ meh.

Gʼaˬkʼehˇ 16:39

Kʼoeˇ miˇ neh, aˬ yawꞈ maꞈ iˇ-awˇ, aˬ yawꞈ maꞈ lehˬ-iˇ-euˬ gaˇ kawˆ ja mehˬ-awˇ aˬ yawꞈ nyaꞈ-ahˇ tahˬ shaˇ-euˬ meh. Kʼoeˇ naˇ, aˬ yawꞈ nyaꞈ-ahˇ pyehˬ nehˬ-awˇ, meuˬ kʼoeˇ meuˬ-ahˇ neh doˆ-iˇ nehˬ laꞈ lehˇ shaˇ-euˬ meh.

Dawˬmehˬ 5:25

Ehˇ kʼawꞈ, guˆ laˇ paˬ-ehˇ gʼeh-eu miˬ dzaˬ kʼoeˇ laˆ cawˆ laˇ gaˇ guˆ-eu miˇ neh, nyiˬ poˆ maˬ paˇ naˇ haˬ peuˬ miˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ gaˇ tiˬ poˆ paˇ ya gaˬ lawˬ naˇ, maˇ maˇ ni ya shiˇ-eu miˇ-a.

1 Saˬmeuˬlaˆ 6:20

Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”