Luˇkaꞈ 8:32 - Akha

³² Aˬ yawꞈ maꞈ jawˇ-eu dawˬ peh gawˬ jawˬ baˬ gʼa-ahˇ, myaˬ dui dui-eu aˬ zaꞈ tiˬ maꞈ gaˆ luꞈ-eu meh. Aˬ zaꞈ kʼoeˇ maꞈ-euˬ laꞈ kʼoeˇ bi uˇ-iˇ laꞈ lehˇ, nehꞈ kʼoeˇ deuˬ Yeˬsuˇ-ahˇ shaˇ ngeh, aˬ yawꞈ maꞈ-ahˇ aˬ zaꞈ kʼoeˇ deuˬ laꞈ kʼoeˇ bi uˇ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Khoerngae, gawqjawq khoerjawq-anr aqzaf ghawqmya’ni gavdzaq luf-eu mae. Aqzaf-euq lafkhoer biur-ir naeqlaf-awq laer naef, Yeqsur-anr shar-eu mirnae, Yeqsur, aqyawf maf-anr pyaeq-awr biur-ir-euq mae.

Luˇkaꞈ 8:32 ပူးပေါင်းရင်းမြစ်များ

1 Sahˬpaˬ 22:22

Nawˇ aˬ joˆ-ehˇ mehˇ shuiˇ shuiˇ-eu gʼeh te lehˇ Sahˬpaˬ Miˬyehˇ naˇ haˬ ngeh, ‘Ngaˇ iˇ-awˇ, Aˬhaˆ-ahˇ Miˬyehˇ gʼaˇ duˬ kʼaˇ ngehˬ dah nehˬ-eu deuˬ jaˬ myawꞈ myawꞈ ni jahˇ-iˇ ma’ lehˇ, yaw sahˇ kʼoeˇ sahˇ ehˇ kʼoꞈ nehˬ-euˬ meh. Sahˬpaˬ Miˬyehˇ gʼeh, ‘Iˇ-awˇ mehˇ shuiˇ shuiˇ haw-iˇ-awˬ. Shuiˇ tawˆ nya-eu baw le’ lehˇ ehˇ-eu meh.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Yawˇbaˆ 1:12

Saˬdaˬ-ahˇ Sahˬpaˬ Miˬyehˇ ehˇ nehˬ-eu, “Muiˬ tehꞈ-a. Aˬ yawꞈ kʼaˇ jaˆ-eu yawˬ jeˬ na luꞈ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma. Ehˇ kʼawꞈ, Yawˇbaˆ-euˬ gʼawˇ mawˇ-ahˇ laˆ tahˬ laˆ naˇ-eu jeˬ nawˇ maˬ ya mˇ-a.” Kʼoeˇ naˇ, Saˬdaˬ gʼoˆ doˆ-iˇ-euˬ meh.

Yawˇbaˆ 2:6

Kʼoeˇ ngeh, Saˬdaˬ-ahˇ Sahˬpaˬ Miˬyehˇ ehˇ nehˬ-eu, “Muiˬ tehꞈ-a. Nymˬ-mˇ aˬ yawꞈ-euˬ gʼawˇ mawˇ nawˬ-euˬ aˬ laꞈ laꞈ kʼoeˇ jaˆ luꞈ-eu miˇ neh, nawˇ jahˇ mawꞈ-eu loꞈ-ehˇ jahˇ nya tehꞈ-a. Ehˇ kʼawꞈ, aˬ yawꞈ-ahˇ nawˇ maˬ ya laˆ sehꞈ ni yahˇ-awˬ.”

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Uˬ duˬ 11:7

Aˬzaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, naw maꞈ gʼaˇ duˬ maˬ shawˇ-a.

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Luˇkaꞈ 8:31

Nehꞈ kʼoeˇ deuˬ Yeˬsuˇ-ahˇ shaˇ-eu, “Naꞈ dui dui-eu shiˬ buiˇ lah ma -ahˇ taˬ bi uˇ-iˇ nehˬ laꞈ.” lehˇ, nehꞈ kʼoeˇ deuˬ Yeˬsuˇ-ahˇ shaˇ-eu meh.

Luˇkaꞈ 8:33

Nehꞈ kʼoeˇ deuˬ tsawˇ haˬ kʼoeˇ gʼaˬ-euˬ laꞈ kʼoeˇ neh doˆ-iˇ-awˇ, aˬ zaꞈ kʼoeˇ deuˬ laꞈ kʼoeˇ uˇ-iˇ-euˬ meh. Kʼoeˇ ngeh, aˬ zaꞈ kʼoeˇ maꞈ maꞈ lah-ehˇ, gawˬ jawˬ baˬ gʼa gʼa pyaꞈ-ahˇ sehˇ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

Panmaeq 20:7

Tiˬ heˇ kʼoꞈ aˇ yamˬ dzeuˇ ngeh, nehꞈ Saˬdaˬ-ahˇ paꞈ taˬ-euˬ pyehˬ nehˬ tehꞈ-a.