Luˇkaꞈ 8:30 - Akha

³⁰ “Nawˬ-euˬ tsawˇ myahˇ aˬ joˆ-ehˇ myahˇ teˬ” lehˇ Yeˬsuˇ naˇ haˬ ngeh, “Ngaˬ-euˬ tsawˇ myahˇ ‘Yehˇ yehˇ maꞈ’ lehˇ myahˇ-euˬ ma” lehˇ aˬ yawꞈ ehˇ-eu meh. Nehꞈ gʼawˬ mya ni aˬ yawꞈ laꞈ kʼoeˇ uˇ luꞈ-eu miˇ neh, aˬ yawꞈ kʼoeˇ loꞈ-ehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoerngae, Yeqsur, aqyawf-anr narhaq-eu, “Nawq-euq tsawrmyanr aqjox-aer kur-eu le?” Naef khoermawr aer-eu, “Ngar-aq, Guirmaf laer kur-eu ma.” Khoer-aq, aqyawf-euq lafkhoer naef ghawqmya’ni ur-eu mirnae mae.

Luˇkaꞈ 8:30 ပူးပေါင်းရင်းမြစ်များ

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Maˬkuˆ 16:9

(Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, Yeˬsuˇ shiˇ-euˬ paˇ gʼoꞈ dehꞈ laˇ ngeh, aˬ yawꞈ neh nehꞈ shiꞈ mawˇ teh doˆ nehˬ-euˬ gʼaˬ pyeuꞈ-eu Maˬliˇ Maˬgaˬdaˬlaˇ jawˇ gaˇ jeˬ huˬ doˆ le-euˬ meh. (Zaˬ miˬ zaˬ kʼoeˇ smˇ gʼaˬ Beˬtuˆluˆ hawˇ-eu aˬ yawꞈ-euˬ cawˬ deuˬ jawˇ gaˇ iˇ-awˇ, aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, yaw nymˇ nymˇ-ehˇ dzawˇ poˆ nehˬ-euˬ meh.

Maˬkuˆ 5:9

Yeˬsuˇ ehˇ-eu, “Nawˬ-euˬ tsawˇ myahˇ aˬ joˆ-ehˇ myahˇ teˬ.” Aˬ yawꞈ ehˇ-eu, “Nga maꞈ yaw myaˬ miˇ neh, ‘Yehˇyehˇmaꞈ’ lehˇ myahˇ-euˬ ma.”

Luˇkaꞈ 8:2

Zaˬ miˬ zaˬ tiˬ deuˬ kʼawꞈ, aˬ yawꞈ nehˬ-ehˇ iˇ-euˬ meh. Zaˬ miˬ zaˬ kʼoeˇ deuˬ-aˬ, Yeˬsuˇ neh nehꞈ bi teh doˆ-euˬ deuˬ hawˇ-eu, naˇ gawˇ gʼawˬ mya jeˬ bi laˆ taˬ-euˬ deuˬ pyeuꞈ-eu meh. Aˬ yawꞈ maꞈ-aˬ, nehꞈ shiꞈ mawˇ uˇ-eu bi teh doˆ-euˬ gʼaˬ pyeuꞈ-eu Maˬgaˬdaˬlaˇ lehˇ kuˇ-euˬ Maˬliˇ tiˬ gʼaˬ,

Luˇkaꞈ 8:29

Nehꞈ yaw jawꞈ kʼoeˇ mawˇ-ahˇ tsawˇ haˬ kʼoeˇ gʼaˬ laꞈ kʼoeˇ neh doˆ-iˇ-eu gʼaˇ duˬ Yeˬsuˇ dawˬ biꞈ-euˬ miˇ neh, aˬ yawꞈ kʼoeˇ loꞈ-ehˇ ehˇ-eu meh. Aˬ yawꞈ-ahˇ shmˇ caˆ neh kuiˇ cuꞈ laꞈ cuꞈ cuꞈ-awˇ paꞈ tawꞈ taˬ-euˬ kʼawꞈ, nehꞈ kʼoeˇ mawˇ aˬ yawꞈ laꞈ kʼoeˇ tiˬ kʼehˬ maˬ taˬ ni uˇ le ngeh, shmˇ caˆ kʼoeˇ deuˬ teuˆ tsehˆ jiˇ-awˇ, nehꞈ kʼoeˇ mawˇ neh bawˇ tsahˬ bawˇ dahˇ paw bi teh byoˆ gʼeh-eu meh.