Luˇkaꞈ 8:27 - Akha

²⁷ Aˬ yawꞈ lawˬ laꞈ kʼoeˇ neh lawˇ dzeˇ-ahˇ doˆ leˇ-eu nehˬ-ehˇ, meuˬ kʼoeˇ meuˬ-ahˇ jawˇ-eu nehꞈ uˇ-eu tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ mehˬ tsoeˬ maˬ dm-ehˇ, iˇ kahˇ-ahˇ maˬ jawˇ ni, lmˬ bymˇ lo kʼahˬ-ahˇ tehꞈ-ehˇ jawˇ luꞈ-eu myahˇ dui dui laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Yeqsur lawrdzer davler ngae, khoermeuq-anr jawr-euq naef ur-eu tiq ghaq, aqyawf-anr tanqpuq le-euq mae. Tsawrhaq khoerghaq maeqtsoeq maqdm-aer irkanr khawf maqjawrni, lmqbymr-anr taef-aer jawrluf-eu myanrlar-euq mae.

Luˇkaꞈ 8:27 ပူးပေါင်းရင်းမြစ်များ

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Bawˇtsahˬ 19:16

Aˬ cawˬ neh bi sehꞈ-awˇ laꞈ nyiˇ paw shiˇ taˬ-euˬ tsawˇ haˬ-ahˇ maˬ ehˇ, tsawˇ haˬ-euˬ shaˬ yoeˬ-ahˇ maˬ ehˇ, lmˬ bymˇ-ahˇ maˬ ehˇ, kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maˬkuˆ 5:15

Aˬ yawꞈ maꞈ Yeˬsuˇ jawˇ gaˇ laˇ keuˆ ngeh, yaw beh nehꞈ yaw jawꞈ uˇ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ nuiˇ luꞈ gaˇ ya mawˇ-awˇ, guˆ dui dui-iˇ-euˬ meh.

Luˇkaꞈ 8:26

Yeˬsuˇ hawˇ-eu aˬ yawꞈ-euˬ zaˬ lahˇ deuˬ, Gaˬliˬlehˇ miˇ kʼahˬ-euˬ nui baˬ paw jaˆ-eu Geˬlaˬsaˬ miˇ kʼahˬ -ahˇ lawˬ dziˬ-awˇ iˇ-euˬ meh.

Luˇkaꞈ 8:28

Tsawˇ haˬ kʼoeˇ gʼaˬ Yeˬsuˇ-ahˇ ya mawˇ ngeh, guˇ guˇ-ehˇ Yeˬsuˇ-euˬ mehˬ shi ga byaˆ-awˇ, “Huiˬ dui Mahˇ dui dui-eu Miˬyehˇ-euˬ Zaˬmaˇ pyeuꞈ-eu Yeˬsuˇ-oˇ, nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ taˬ kʼaˆ nehˬ laꞈ lehˇ nawˬ-ahˇ shaˇ-eu ma” lehˇ, guˇ guˇ-ehˇ ehˇ-eu meh.

1 Saˬmeuˬlaˆ 19:24

Saˬmeuˬlaˆ mehˬ shi aˬ yawꞈ mehˬ tsoeˬ lehˆ dzeh-awˇ, gaˇ nyeh nyeh nyeh-ehˇ guˇ-eu laꞈ kʼoeˇ, tiˬ nah tiˬ miˇ neˇ myawˆ ni ga-euˬ meh. Kʼoeˇ ngeh neh naˇ, “Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ ehˇ-eu dawˬ daˬ jaˆ laˇ-euˬ meh.