Luˇkaꞈ 8:22 - Akha

²² Tiˬ nah-aˬ, Yeˬsuˇ aˬ yawꞈ-euˬ zaˬ lahˇ deuˬ nehˬ-ehˇ lawˬ-ahˇ dziˬ-awˇ, “Lah nui baˬ-ahˇ tsehˆ-iˇ kaˇ-euˇ” lehˇ ehˇ-awˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Tiqnan-aq, Yeqsur, zaqlanr deuq naeq-aer lawq-anr urler-awr aer-eu, “Aqduimaf lan-euq khoerpaw baq-anr tsaev-ir kar-eur.” Khoernar-aq, aqyawfmaf irghae-euq mae.

Luˇkaꞈ 8:22 ပူးပေါင်းရင်းမြစ်များ

Maꞈtehˬ 14:22

Kʼoeˇ naˇ, Yeˬsuˇ tsawˇ haˬ aˇ maꞈ maꞈ ma-ahˇ bi gʼoꞈ-iˇ-awˇ, zaˬ lahˇ deuˬ-ahˇ lawˬ laꞈ kʼoeˇ bi uˇ-iˇ-awˇ, aˬ yawꞈ-euˬ mehˬ hu lah nui baˬ paw bi iˇ tsehˆ tawˬ-euˬ meh.

Maꞈtehˬ 8:18

Yeˬsuˇ jawˇ-eu tiˬ jawˬ tsawˇ haˬ aˇ maꞈ maꞈ ma uiˬ laˇ taˬ-eu gaˇ Yeˬsuˇ ya mawˇ ngeh, “Lah-euˬ nui baˬ paw tsehˆ-iˇ kaˇ-euˇ” lehˇ, aˬ yawꞈ-euˬ zaˬ lahˇ deuˬ-ahˇ aˬ yawꞈ ehˇ nehˬ-euˬ meh.

Maˬkuˆ 5:21

Lah nui baˬ paw Yeˬsuˇ paˇ gʼoꞈ tsehˆ-iˇ-euˬ meh. Lah lah dzeˇ, aˬ yawꞈ-euˬ dawˬ peh tsawˇ haˬ aˇ maꞈ maꞈ ma uiˬ le-euˬ meh.

Maˬkuˆ 6:45

Yeˬsuˇ tsawˇ haˬ aˇ maꞈ-ahˇ bi gʼoꞈ-iˇ luꞈ ngeh, aˬ yawꞈ-euˬ zaˬ lahˇ deuˬ-ahˇ tiˬ poˆ tehˬ-ehˇ lawˬ laꞈ kʼoeˇ bi uˇ-iˇ-awˇ, lah nui baˬ-ahˇ jaˆ-eu Behˬdzeˇdaˬ meuˬ-ahˇ bi iˇ tawˬ-euˬ meh.

Maˬkuˆ 8:13

Kʼoeˇ naˇ , aˬ yawꞈ maꞈ jawˇ gaˇ neh aˬ yawꞈ luˆ-iˇ-awˇ, lawˬ laꞈ kʼoeˇ uˇ-iˇ-awˇ, lah nui baˬ paw iˇ gʼeh-euˬ meh.

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Luˇkaꞈ 8:23

Aˬ yawꞈ maꞈ lawˬ dziˬ-awˇ iˇ luꞈ ngeh, Yeˬsuˇ yuꞈ kʼaˆ-euˬ meh. Ja pyuˬ ni, lah kʼoeˇ taˆ jaˬ lehˇ lehˇ ma baw gʼeh leꞈ-awˇ, lawˬ laꞈ kʼoeˇ iˇ cuꞈ dahˬ byah laˇ luꞈ-eu miˇ neh, aˬ yawꞈ maꞈ ga nuiꞈ-iˇ paˬ-ehˇ pyeuꞈ laˇ taˬ-euˬ meh.

Luˇkaꞈ 8:33

Nehꞈ kʼoeˇ deuˬ tsawˇ haˬ kʼoeˇ gʼaˬ-euˬ laꞈ kʼoeˇ neh doˆ-iˇ-awˇ, aˬ zaꞈ kʼoeˇ deuˬ laꞈ kʼoeˇ uˇ-iˇ-euˬ meh. Kʼoeˇ ngeh, aˬ zaꞈ kʼoeˇ maꞈ maꞈ lah-ehˇ, gawˬ jawˬ baˬ gʼa gʼa pyaꞈ-ahˇ sehˇ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Yoˇhaˬ 6:1

Kʼoeˇ naˇ, Gaˬliˬlehˇ lah-euˬ nui baˬ-ahˇ Yeˬsuˇ tsehˆ-iˇ-euˬ meh. (Gaˬliˬlehˇ lah-ahˇ Deˬbeˬliˇ lah lehˇ kʼawꞈ kuˇ-eu meh.)

Gʼaˬkʼehˇ 27:2

Aˬshaˆ miˇ kʼahˬ saˇ baoˬ naˬ duˬ jaˆ-eu meuˬ deuˬ-ahˇ iˇ-eu lehˇ lehˬ hmˬ dah taˬ-euˬ, Aˬdaˬmuˇdiˇ meuˬ-ahˇ neh oe-euˬ saˇ baoˬ tiˬ laˇ-ahˇ nga maꞈ dziˬ leˇ-awˇ iˇ gʼeh-euˬ ma. Maˬgeˬdawˇniˆ miˇ kʼahˬ Teˇsaˬloˇni meuˬ-ahˇ jawˇ-eu Aˬliˬdaˬguˇ lehˇ myahˇ-euˬ gʼaˬ kʼawꞈ, nga maꞈ nehˬ-ehˇ tiˬ kawˆ loꞈ-ehˇ iˇ-euˬ ma.