Luˇkaꞈ 7:50 - Akha

⁵⁰ Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁰ Khoernar-aq, Yeqsur, zaqmiq aqbur khoerghaq-anr aernaeq-eu, “Nawr jan-eu jeq, nawq-anr bibuq-ir-euq mae. Nuisar of-eu lafkhoer ghof-ir-awq.”

Luˇkaꞈ 7:50 ပူးပေါင်းရင်းမြစ်များ

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Maꞈtehˬ 9:22

Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Maˬkuˆ 10:52

Yeˬsuˇ ehˇ-eu, “Gʼoꞈ-iˇ-awˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh.” Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Luˇkaꞈ 17:19

Kʼoeˇ naˇ, tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ gʼoꞈ-iˇ-awˬ. Nawˇ jah-eu jeˬ nawˬ-ahˇ bi taˬ leˇ-euˬ meh.”

Luˇkaꞈ 18:42

Yeˬsuˇ aˬ yawꞈ-ahˇ ehˇ nehˬ-eu, “Myaˇ nuiˆ mawˇ laˇ-awˬ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh.”

Luˇkaꞈ 7:9

Kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ aˇ maꞈ jawˇ paw ciˬ pyawˇ-awˇ ehˇ nehˬ-eu, “Ngaˇ naw maꞈ-ahˇ ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.”

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Luˇkaꞈ 8:42

Aˬ jeˬ miˇ neh ehˇ naˇ, tseˇ nyiꞈ kʼoꞈ kʼawˆ laˇ-euˬ aˬ yawꞈ-euˬ aˬ buˇ shiˇ leˇ luꞈ-eu meh. Aˬ yawꞈ-aˬ, aˬ buˇ kʼoeˇ buˇ jawˇ-eu tehꞈ meh. Yeˬsuˇ kʼoeˇ gaˇ iˇ luꞈ ngeh, tsawˇ haˬ aˇ maꞈ aˬ yawꞈ jawˇ gaˇ tah uˇ laˇ luꞈ-eu meh.

Luˇkaꞈ 8:48

“Aˬ buˇ-oˇ, nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ” lehˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

1 Saˬmeuˬlaˆ 1:17

Eˇliˆ ehˇ-eu, “Nui ma coꞈ ngehˇ ni taˬ-awˇ, gʼoꞈ-iˇ-awˬ. Nawˬ neh kʼaˇ shaˇ-euˬ jeˬ Iˇsaˬleˬlaˆ tsawˇ jeuˬ-euˬ Miˬyehˇ nawˬ-ahˇ biꞈ laꞈ luꞈ-uˇ.”