Luˇkaꞈ 7:40 - Akha

⁴⁰ Yeˬsuˇ Paˬliˬsehˇ kʼoeˇ gʼaˬ-ahˇ ehˇ nehˬ-eu, “Siˇmoˬ-oˇ, ngaˇ nawˬ-ahˇ tiˬ jeˬ ehˇ nehˬ mawꞈ nya.” Aˬ yawꞈ ehˇ-eu, “Ehˇ-awˬ saˬ laˬ-oˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Khoerngae, Yeqsur, aqyawf-anr aernaeq-eu, “Sirmoq-or! Ngar, nawq-anr tiq dawq aernaeqmawf nya.” Sirmoq aer-eu, “Saqlaq-or! Aer-awq.”

Luˇkaꞈ 7:40 ပူးပေါင်းရင်းမြစ်များ

1 Sahˬpaˬ 2:14

Kʼoeˇ naˇ, “Ngaˇ nawˬ-ahˇ tiˬ jeˬ naˇ haˬ mawꞈ nya” lehˇ aˬ yawꞈ ehˇ ngeh, “Aˬ jeˬ naˇ haˬ mawꞈ-eu nya” lehˇ Baˬsheˬba ehˇ kʼoꞈ nehˬ-euˬ meh.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Maꞈtehˬ 26:49

Yuˇdaˆ-aˬ, Yeˬsuˇ jawˇ gaˇ dawˇ coe ni iˇ-awˇ, “Saˬ laˬ-oˇ, nawˬ-ahˇ nui saˇ oꞈ luꞈ-uˇ” lehˇ ehˇ-awˇ, mehˬ cuˇ cuˇ nehˬ-euˬ meh.

Maꞈtehˬ 7:22

Yaˇ kʼaˬ daˇ-eu aˇ nah keuˆ le ngeh, ‘Sahˬ paˬ-oˇ, Sahˬ paˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ Miˬyehˇ-euˬ dawˬ mehˬ-euˬ maˬ ngeuˇ-a loˇ. Nawˬ-euˬ tsawˇ myahˇ-ahˇ gʼoe-eu laꞈ kʼoeˇ nehꞈ teh doˆ-awˇ, zahˬ leˇ paˬ-ehˇ gʼeh-eu jeˬ kʼawꞈ mˇ-euˬ maˬ ngeuˇ-a loˇ’ lehˇ, tsawˇ haˬ gʼawˬ mya gʼaˬ ehˇ tehꞈ-a.

Luˇkaꞈ 18:18

Myaˆ pyawˬ naˇ mehˇ jaˆ-eu aˬ yuiꞈ aˬ tsu tiˬ gʼaˬ Yeˬsuˇ-ahˇ naˇ haˬ-eu, “Muiˬ-eu saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ geu jeˬ ya mˇ ta.”

Luˇkaꞈ 5:22

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ aˬ jeˬ miˇ neh teu loꞈ-ehˇ shaˇ noeˬ luꞈ te.

Luˇkaꞈ 5:31

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jawˇ saˇ doˆ luꞈ-eu deuˬ naˇ gawˇ laˆ saˆ-eu gʼaˬ-ahˇ maˬ loˬ-a. Jawˇ saˇ maˬ doˆ-eu deuˬ tehꞈ-ehˇ naˇ gawˇ laˆ saˆ-eu gʼaˬ-ahˇ loˬ-eu meh.

Luˇkaꞈ 6:8

Yeˬsuˇ aˬ yawꞈ maꞈ-euˬ nui noeˬ haw mawˇ-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Heu gaˇ yawꞈ laˇ-awˬ” lehˇ ehˇ nehˬ ngeh, tsawˇ haˬ kʼoeˇ gʼaˬ kʼoeˇ gaˇ yawꞈ leˇ-euˬ meh.

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

Luˇkaꞈ 7:41

Yeˬsuˇ ehˇ-eu, “Pyuˇ paˇ nehˬ-eu tsawˇ haˬ tiˬ gʼaˬ-ahˇ dziˇ dzoˆ daˆ-eu tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, ngaˬ yaˇ byaˆ daˆ-awˇ, tiˬ gʼaˬ-aˬ, ngaˬ tseˇ byaˆ daˆ-eu meh.

Yoˇhaˬ 13:13

Naw maꞈ ngaˬ-ahˇ ‘Saˬ laˬ-oˇ’, ‘Sahˬpaˬ-oˇ’ lehˇ kuˇ-eu meh. Naw maꞈ kʼoeˇ loꞈ-ehˇ kuˇ-eu tsaˬ meh. Aˬ jeˬ miˇ neh ehˇ naˇ, ngaˇ-aˬ, naw maꞈ kuˇ-eu loꞈ-ehˇ naw maꞈ-euˬ saˬ laˬ hawˇ-eu Sahˬpaˬ pyeuꞈ-eu ma.

Yoˇhaˬ 16:19

Aˬ yawꞈ maꞈ aˬ yawꞈ-ahˇ aˬ joˆ-ehˇ naˇ haˬ mawꞈ-eu Yeˬsuˇ siˬ nya-eu miˇ neh, heu loꞈ-ehˇ ehˇ kʼoꞈ nehˬ-euˬ meh. “Tiˬ kʼehˬ gʼeh naˇ naw maꞈ ngaˬ-ahˇ maˬ paˇ ya mawˇ-ehˇ, tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a lehˇ ngaˇ ehˇ-eu ma. Ngaˇ aˬ jeˬ-ahˇ ehˇ mawꞈ-eu nga lehˇ naw maꞈ yaw kaˬ ja naˇ haˬ luꞈ-eu maˬ ngeuˇ loˇ.

Yoˇhaˬ 16:30

Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Yoˇhaˬ 3:2

Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”