Luˇkaꞈ 7:35 - Akha

³⁵ Ehˇ kʼawꞈ, Miˬyehˇ-euˬ zaˬ siˬ tsawˇ gahˇ-ahˇ kʼaˇ ha geuꞈ-eu tsawˇ haˬ deuˬ baˬ da neh, zaˬ siˬ tsawˇ gahˇ kʼoeˇ tsaˬ-eu gaˇ kawˆ bya cehˆ ni doˆ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aerkhawf, zaqsiq tsawrganr-aq, dawr-awr tsaq-eu ngar-a laer, aqyawf-euq zaq dawqtawvluf mrdov laf-eu gar nae siqlar taef-a.”

Luˇkaꞈ 7:35 ပူးပေါင်းရင်းမြစ်များ

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Luˇkaꞈ 7:29

Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh.

Luˇkaꞈ 7:34

Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Luˇkaꞈ 7:36

Paˬliˬsehˇ tiˬ gʼaˬ Yeˬsu-ahˇ hawˬ bi dzaˬ-eu gʼaˇ duˬ kuˇ-eu miˇ neh, Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ iˇ-awˇ hawˬ jawˬ jawˬ-euˬ meh.