Luˇkaꞈ 7:33 - Akha

³³ Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Bartirsaq mrnaeq-eu Yorhaq oe ngae, kaqmur maqdzaq, aqgaf dzaruir maqdawr-eu mirnae, nawmaf, ‘Aqyawf-aq, naef ur-eu tsawrhaq nga’ laer nawmaf aer-eu mae.

Luˇkaꞈ 7:33 ပူးပေါင်းရင်းမြစ်များ

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 3:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇ cuꞈ shawˇ-eu Yoˇhaˬ lehˇ myahˇ-euˬ gʼaˬ, Yuˇdaˆ miˇ kʼahˬ kʼaˇ shuiꞈ deh yaˇ bawˇ tsahˬ bawˇ dahˇ laꞈ kʼoeˇ, heu loꞈ-ehˇ dawˬ mehˬ mehˬ le-euˬ meh.

Maꞈtehˬ 3:4

Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Maˬkuˆ 1:6

Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Luˇkaꞈ 7:32

Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh. ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Luˇkaꞈ 7:34

Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Yoˇhaˬ 10:20

Aˬ yawꞈ maꞈ myaˬ tiˬ paˆ ehˇ-eu, “Tsawˇ haˬ teu gʼaˬ nehꞈ uˇ-awˇ uˬ tsehˆ-euˬ ngaˇ. Aˬ jeˬ miˇ neh aˬ yawꞈ ehˇ gaˇ naw maꞈ naˇ haˬ te.”

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Gʼaˬkʼehˇ 2:13

Ehˇ kʼawꞈ, tiˬ paˆ na deuˬ-aˬ, jah-eu tsawˇ haˬ kʼoeˇ deuˬ-ahˇ cehꞈ lehꞈ ka-eu laꞈ kʼoeˇ, “Aˬ gaꞈ dzaˇ uiˇ yaw shuiꞈ dawˇ yehꞈ-euˬ miˇ neh gʼeh-eu nga” lehˇ ja uiˇ niˇ gʼa-eu meh.