Ngaˬ-euˬ aˇ kʼoꞈ yehꞈ tseˇ byah laˇ gʼaˬ-awˇ, tiˬ jeˬ-ahˇ-iˬ byawˬ gʼa mawꞈ-eu nui ma maˬ paˇ ahˇ miˇ-a. Dzaˬ-eu dawˇ-eu jeˬ kʼawꞈ, dzaˇ kuiˇ dzaˇ myehˇ maˬ paˇ siˬ laˇ miˇ-a. Aˬ cawˬ caˇ dawˬ caˇ-eu teˇ saˇ kʼawꞈ, maˬ paˇ gaˬ duˬ laˇ miˇ-a. Kʼoeˇ miˇ neh, nawˬ nehˬ-ehˇ le-eu ehˇ-eu-aˬ, maˇ maˇ ni nawˬ-ahˇ laˆ bahˬ leˇ gaˇ duˇ-eu tehꞈ miˇ-a.
Luˇkaꞈ 7:25 - Akha25 Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-awˇ yaw kuiˇ tehꞈ-ehˇ dzaˬ-eu tsawˇ haˬ deuˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq25 Aqdir aernar-aq, nawmaf aqjeq-anr haw-ir-eu laer dov-ir-euq le? Jurgafni ghae-eu maeqtsoeq dmluf-eu tsawrhaq-anr haw-ir-euq le lor? Hawsher-eq, jurgafni ghae-eu maeqtsoeq dmdm-aer, dzarkuir dzarmyaer dzaqdzaq-aer sarsuqni daef-eu tsawrhaq-aq, sanqpaq yawhuiq ghaq-euq nymr-anr jawr-eu mae. အခန်းကိုကြည့်ပါ။ |
Luˇkaꞈ 7:25
16 ပူးပေါင်းရင်းမြစ်များ
Sawˇlaˬmoˬ-euˬ hawˬ jeh kʼoeˇ taˆ laˆ saˆ taˬ-euˬ dzaˬ dzaˬ dawˇ dawˇ deuˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ-eu nymˇ deuˬ-ahˇ maˬ ehˇ, sahˬ paˬ-euˬ hawˇ nymˇ-ahˇ gaˇ mˇ-eu deuˬ hawˇ-eu aˬ yawꞈ maꞈ dm luꞈ-eu dm gʼaˬ dm lmˇ deuˬ-ahˇ maˬ ehˇ, aˬ yawꞈ dzaˬ ngeh dawˇ ngeh hawˬ lahˬ dzaˇ lahˬ lahˬ-eu zaˬ kʼaˆ deuˬ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ neh lawˇ-euˬ shehˇ-euˬ jeˬ-ahˇ maˬ ehˇ, Sheˬba sahˬ paˬ ma ya mawˇ ngeh, saꞈ maˬ gʼawˇ doˆ coeˇ-ehˇ tsoˆ leˇ gaˇ keuˆ ni zahˬ leˇ dui dui-euˬ meh.
“Sahˬ paˬ miˬ zaˬ Baˬshaˬtiˇ-ahˇ sahˬ paˬ miˬ zaˬ ya kʼoˆ-eu shuiˇ uˬ kʼoˆ bi kʼoˆ-awˇ sheuˬ uˇ laꞈ-awˬ” lehˇ aˬ ha shiꞈ gʼaˬ-ahˇ sahˬ paˬ dawˬ biꞈ-euˬ meh. Sahˬ paˬ miˬ zaˬ kʼoeˇ gʼaˬ seuˆ dzeuꞈ aˇ gʼehˇ muiˬ dui dui-eu miˇ neh, aˬ yawꞈ-euˬ miˬ zaˬ aˇ gʼehˇ aˇ naˆ ni muiˬ-eu gaˇ kawˆ yaw huiˬ yaw mahˇ deuˬ hawˇ-eu aˬ yawꞈ-euˬ daˬ yah deuˬ bi haw mawˇ-eu gʼaˇ duˬ kʼoeˇ loꞈ-ehˇ bi sheuˬ uˇ laꞈ-eu lehˇ gʼeh-eu meh.
Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh.
Iˇsaˬtaˆ-aˬ, aˬ yawꞈ maˬ dzaˬ maˬ dawˇ ni lah-euˬ smˬ nah tiˬ nah keuˆ laˇ ngeh, sahˬ paˬ miˬ zaˬ dm-eu mehˬ tsoeˬ dm-awˇ, dzoeˬ dzaˬ nuiˇ mahˬ jaˆ-eu lawˆ-euˬ mehˬ shi, laꞈ kʼoeˇ lawˆ-ahˇ le-awˇ yawꞈ leˇ-euˬ meh. Sahˬ paˬ-aˬ, laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ laˆ gʼoˆ paw pyawˇ-ehˇ nuiˇ luꞈ-eu meh.
Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.
Yoˇhaˬ-euˬ zaˬ lahˇ kʼoeˇ nyiˬ gʼaˬ gʼoꞈ dzeuˇ ngeh, Yeˬsuˇ tsawˇ haˬ aˇ maꞈ kʼoeˇ deuˬ-ahˇ Yoˇhaˬ-euˬ gaˇ kawˆ heu loꞈ-ehˇ ehˇ nehˬ-euˬ meh. “Bawˇ tsahˬ bawˇ dahˇ-ahˇ Yoˇhaˬ jawˇ gaˇ naw maꞈ iˇ ngeh, aˬ jeˬ-ahˇ ya mawˇ ni noeˬ tmˬ-awˇ iˇ teˬ. Aˇ toꞈ aˇ bawˬ-ahˇ jaˬ lehˇ baw nyeh gaˇ haw-iˇ teˬ loˇ.
Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ haw-iˇ-euˬ yaw duˬ baw meh. Naw maꞈ neh haw-iˇ-euˬ kʼoeˇ gʼaˬ-aˬ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ naˆ maˬ tseˇ huiˬ dzehˬ-eu gʼaˬ meh.
ကြော်ငြာတွေ