Luˇkaꞈ 6:43 - Akha

⁴³ “Aˇ bawˇ yaw muiˬ-ahˇ aˇ siˬ yaw doeˇ maˬ siˬ le nya-a. Kʼoeˇ gaˇ duˇ ni, aˇ bawˇ yaw doeˇ-ahˇ aˇ siˬ yaw muiˬ maˬ siˬ le nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ “Arbawr yawmuiq-anr arsiq yawdoer maq siqle nya-aer, arbawr yawdoer-anr khawf arsiq yawmuiq maq siqle nya-a.

Luˇkaꞈ 6:43 ပူးပေါင်းရင်းမြစ်များ

Iˇsaˬyaˇ 5:4

Aˬ gaꞈ yaˇ kmˇ laꞈ kʼoeˇ mˇ paˬ-ehˇ gʼeh-eu jeˬ, ngaˇ maˬ mˇ ni byehˇ-euˬ aˬ jeˬ jaˆ ta. Aˬ gaꞈ aˇ siˬ yaw muiˬ bi siˬ le-eu lehˇ bo saˆ ngeh, aˬ jeˬ miˇ neh yaw cehˇ tehꞈ-ehˇ siˬ le ta.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Maꞈtehˬ 12:33

“Aˇ siˬ yaw muiˬ geuꞈ mawꞈ naˇ, aˇ bawˇ-ahˇ ya laˆ saˆ nehˬ meh. Aˇ bawˇ yaw doeˇ-ahˇ aˇ siˬ yaw muiˬ maˬ siˬ le-a. Aˇ siˬ-ahˇ haw-awˇ, aˇ bawˇ-ahˇ siˬ duˬ nya-eu meh.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Luˇkaꞈ 6:42

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ. Nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. Kʼoeˇ sahˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ jahˇ-awˇ pehˆ doˆ nehˬ paˬ nga lehˇ, nawˬ-ahˇ mawˇ duˬ laˇ tehꞈ-a.