Luˇkaꞈ 6:42 - Akha

⁴² Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ. Nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. Kʼoeˇ sahˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ jahˇ-awˇ pehˆ doˆ nehˬ paˬ nga lehˇ, nawˬ-ahˇ mawˇ duˬ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Nawr, yawqha-euq myavnuiv-euq lafkhoer pyaqdmq anrluf-eu khawf, maq hawmawrni, aqjeq mirnae nawq-euq aqyuif aqnyir-anr, ‘Maernmr-or, ngar, nawq-euq myavnuiv-euq lafkhoer anr-eu myavpawf paevdovnaeq nyar’ laer aernya-eu le? Yawmuiq janrgeuf-eu tsawrhaq-or! Nawq-euq myavnuiv-anr anr-eu pyaqdmq jeqhu ngawqdov-awq. Khoernar-aq, nawq-euq aqyuif aqnyir-euq myavnuiv-euq lafkhoer anr-eu myavpawf aqjox-aer ya paevdov-eu nga laer nawq-anr mawrduqlar taef-a.

Luˇkaꞈ 6:42 ပူးပေါင်းရင်းမြစ်များ

Dawqdaq 18:17

Aˬ cawˬ laˇ-awˇ maˬ pyehˇ duˬ kʼoeˇ keuˆ ni, yawˬ ja miˇ yawˬ kawˆ tsaˬ-eu meh.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Maꞈtehˬ 7:3

Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, yawˬ ha-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te.

Maꞈtehˬ 7:4

Yawˬ ha-euˬ myaˆ nuiˆ-ahˇ diˬ tm tsmˬ luꞈ ngeh, ‘Nawˬ-euˬ myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Luˇkaꞈ 13:15

Sahˬpaˬ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, naw maꞈ Jawˇ nah ngeh nah yawˬ ha-euˬ jeˬ zaˬ jeˬ kuˆ-ahˇ paꞈ taˬ-euˬ mawˇ neˇ hawˇ-eu mahˬ tahˬ laˆ puiˇ-awˇ, iˇ cuꞈ maˬ tsahˇ dawˇ-iˇ loˇ.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 6:41

“Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, nawˬ-euˬ mehˇ nmˇ-euˬ myaˆ nuiˆ-ahˇ tsmˬ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te. Yawˬ ha-euˬ myaˆ nuiˆ-ahˇ diˬ tm tsmˬ luꞈ-eu maˬ mawˇ nya gaˇ, ‘Nawˬ-eu myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Luˇkaꞈ 6:43

“Aˇ bawˇ yaw muiˬ-ahˇ aˇ siˬ yaw doeˇ maˬ siˬ le nya-a. Kʼoeˇ gaˇ duˇ ni, aˇ bawˇ yaw doeˇ-ahˇ aˇ siˬ yaw muiˬ maˬ siˬ le nya-a.

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 8:21

Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

2 Gawˇliˬtu 5:18

Heu deuˬ dawˬ tawˆ luꞈ Miˬyehˇ neh mˇ-euˬ jeˬ pyeuꞈ-eu meh. Ka li-ahˇ gʼoe-eu laꞈ kʼoeˇ aˬ dui aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ mˇ-awˇ, aˬ cawˬ aˬ yawꞈ-ahˇ tsaˬ leˇ tsahˇ leˇ ni mˇ-eu gʼaˇ duˬ aˬ dui-ahˇ aˬ yawꞈ gaˇ biꞈ nehˬ laꞈ-euˬ meh.

2 Tiˆmoˇseˬ 2:21

Tsawˇ haˬ tiˬ gʼaˬ na, yaw haiˬ jeˬ kʼoeˇ deuˬ dawˬ tawˆ luꞈ-ahˇ yawˬ haˇ yawˬ ha shawˇ dzeh jiˇ naˇ, huiˬ-eu gaˇ gʼaˇ duˬ aˬ yawꞈ-ahˇ zmˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, yaw sahˇ gʼaˬ-ahˇ gʼawˇ mawˇ aˬ nehˬ taˬ-euˬ gaˇ dahˇ tsoeˬ-eu jeˬ pyeuꞈ-awˇ, yaw muiˬ jeˬ mˇ-eu gʼaˇ duˬ bi zmˬ-eu lehˇ lehˬ hmˬ dah taˬ-euˬ jeˬ pyeuꞈ-eu meh.

2 Beˬtuˆluˆ 1:9

Ehˇ kʼawꞈ, heu deuˬ maˬ ahˇ-eu tsawˇ haˬ-aˬ, myaˆ nuiˆ maˬ haw mawˇ nya-ehˇ, dzeuˇ laˇ ngeh aˬ yawꞈ neh mˇ yaꞈ-euˬ iˬ baˇ deuˬ-ahˇ tsiˬ shawˇ nehˬ gʼaˬ-euˬ gaˇ kawˆ ngehˇ jiˇ tehꞈ-a.