Luˇkaꞈ 6:41 - Akha

⁴¹ “Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, nawˬ-euˬ mehˇ nmˇ-euˬ myaˆ nuiˆ-ahˇ tsmˬ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te. Yawˬ ha-euˬ myaˆ nuiˆ-ahˇ diˬ tm tsmˬ luꞈ-eu maˬ mawˇ nya gaˇ, ‘Nawˬ-eu myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ “Aqjeq mirnae, nawq-euq myavnuiv-euq lafkhoer, pyaqdmq anr-eu gar maq sharsawx-aer, nawq-euq aqyuif aqnyir-euq myavnuiv-euq lafkhoer anr-eu myavpawf-anr hawluf-eu le?

Luˇkaꞈ 6:41 ပူးပေါင်းရင်းမြစ်များ

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

1 Laˬsaˬbaˬ 21:6

Sahˬ paˬ neh bi mˇ-euˬ gaˇ kʼoeˇ hmˬ-ahˇ Yoˇbaˬ nui ma maˬ tsaˬ-eu baˬ da neh, Leˬbiˇ tsawˇ jeuˬ hawˇ-eu Beˬyaˬmiˬ tsawˇ jeuˬ-ahˇ aˬ yawꞈ tsawˇ seˬ maˬ gʼoˆ ni byehˇ yaꞈ-euˬ meh.

Jaceuq 36:2

Yawˬhaˇyawˬha noeˬhuiˬtaˬ-awˇ, yawˬha iˬbaˇmaˬmawˇnya-ehˇ, iˬbaˇ-ahˇ guˆ-eu maˬnoeˬ-a.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Yeˬsaˬgeˬlaˇ 18:28

Aˬ yawꞈ yawˬ ha-euˬ yaw lehˬ noeˬ siˬ-awˇ, iˬ baˇ maˬ mˇ ni byehˇ-euˬ meh. Kʼoeˇ miˇ neh, aˬ yawꞈ maˬ ya shiˇ-ehˇ, yaw dehꞈ ya dehꞈ daˆ leꞈ tehꞈ-a.

Maꞈtehˬ 7:1

“Aˬ cawˬ-ahˇ yaw lehˬ taˬ poˆ. Aˬ cawˬ-ahˇ yaw lehˬ maˬ poˆ naˇ, naw maꞈ-ahˇ kʼawꞈ Miˬyehˇ yaw lehˬ maˬ poˆ-aˇ.

Maˬkuˆ 8:7

Aˬ yawꞈ maꞈ ngaˬ shaˬ shaˬ zaˬ heu myaˆ mawˇ paˇ ahˇ-eu meh. Kʼoeˇ-euˬ gʼaˇ duˬ, Miˬyehˇ-euˬ guiˬ lahˬ-ahˇ Yeˬsuˇ paˇ ja ceuˬ-awˇ, aˬ yawꞈ-euˬ zaˬ lahˇ deuˬ-ahˇ kʼehˇ-awˇ, tsawˇ haˬ aˇ maꞈ-ahˇ ngaˬ shaˬ kʼoeˇ paˇ bi biˇ nehˬ-euˬ meh.

Luˇkaꞈ 6:40

Dzaw zaˬ-aˬ, mehˬ zaˬ naˆ maˬ tseˇ huiˬ dzehˬ mahˇ dzehˬ ta loˇ. Ehˇ kʼawꞈ, dawˬ tawˆ luꞈ dzaw luiˆ jiˇ-euˬ dzaw zaˬ tiˬ gʼaˬ-aˬ, yawˬ ha-ahˇ mehˬ-euˬ saˬ laˬ gʼaˬ naˆ ni huiˬ keuˆ leˇ nya-eu meh.

Luˇkaꞈ 6:42

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ. Nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. Kʼoeˇ sahˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ jahˇ-awˇ pehˆ doˆ nehˬ paˬ nga lehˇ, nawˬ-ahˇ mawˇ duˬ laˇ tehꞈ-a.

Yoˇhaˬ 8:7

Aˬ yawꞈ maꞈ kʼoeˇ gaˇ yawꞈ-awˇ aˬ yawꞈ-ahˇ maˬ naˬ leˇ ni naˇ haˬ-eu miˇ neh, aˬ yawꞈ tuˇ laˇ-awˇ, “Naw maꞈ laꞈ kʼoeˇ iˬ baˇ maˬ mˇ haw-euˬ gʼaˬ aˬ yawꞈ-ahˇ kʼaˬ lo biˬ dawꞈ dawꞈ-awˬ” lehˇ ehˇ nehˬ-euˬ meh.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

Yaˬkoˆ 1:24

Aˬ yawꞈ yaw muiˬ paˬ-ehˇ haw duˬ gʼaˬ-awˇ doˆ-iˇ ngeh, yawˬ ha-euˬ pyawˬ naˬ aˇ gʼehˇ-ahˇ tiˬ poˆ tehꞈ-ehˇ ngehˇ shaw-euˬ meh.