Luˇkaꞈ 6:35 - Akha

³⁵ Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Luˇkaꞈ 6:35 ပူးပေါင်းရင်းမြစ်များ

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Jaceuq 145:9

Aˬ yawꞈ-aˬ, yawˬ gʼaˬ na luꞈ kʼoeˇ taˆ muiˬ-awˇ, aˬ yawꞈ neh kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ, gʼawˬ shaˬ gaˬ-eu nui ma jaˆ-eu meh.

Jaceuq 37:26

Aˬyawꞈ aˬcawˬ-ahˇcaw ba-awˇ, yawꞈngehꞈ-ehˇbiꞈnehˬ-eu miˇneh, zaˬdeuˬkʼoeˇtaˆguiˬlahˬjaˆmeh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 22:9

Tsawˇ tsiˇ maˬ tsiˇ ni shaˬ zaˬ zahˬ zaˬ-ahˇ bi dzaˬ bi dawˇ-awˬ. Nawˇ guiˬ lahˬ za tehꞈ-a.

Maꞈtehˬ 5:9

“Tsaˬ leˇ dzoeˇ leˇ ni mˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ-euˬ zaˬ lehˇ kuˇ tehꞈ-a.

Maˬkuˆ 5:7

Kʼoeˇ naˇ, yaw kʼaˆ-ehˇ guˇ-awˇ ehˇ-eu, “Dawˬ tawˆ kʼoeˇ taˆ Huiˬ dui dui-eu Miˬyehˇ-euˬ Zaˬmaˇ-oˇ. Nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ nehˬ laꞈ lehˇ, Miˬyehˇ mehˬ shi nawˬ-ahˇ ngaˇ shaˇ-eu ma.”

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

Luˇkaꞈ 6:36

Naw maꞈ-euˬ Aˬda gʼawˬ shaˬ gaˬ-eu nui ma ahˇ-eu loꞈ-ehˇ, naw maꞈ kʼawꞈ ahˇ-awˬ.

Yoˇhaˬ 13:35

Naw maꞈ tiˬ gʼaˬ tiˇ gʼaˬ gaˬ-eu jeˬ ahˇ naˇ, naw maꞈ ngaˬ-euˬ zaˬ lahˇ ngaˇ lehˇ tsawˇ haˬ dawˬ tawˆ luꞈ siˬ nya tehꞈ-a.”

Yoˇhaˬ 15:8

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,