Luˇkaꞈ 6:25 - Akha

²⁵ “Naw maꞈ nymˬ-mˇ ya dzaˬ ya dawˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ kʼoeˇ taˆ mehꞈ-eu shuꞈ-eu jeˬ keuˆ le tehꞈ-a. “Naw maꞈ nymˬ-mˇ uiˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ myaˆ biˇ ya doˆ-awˇ, tsawˇ ngoeˇ ya ngoeˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ “Nawmaf dzaqdaev dawrdaev luf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf ya’maef yashuf taef-a. Nymq-mr nawmaf uirluf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf tsawrngoer ngoer-awr, yawkhav-aer ya’ngoer taef-a.

Luˇkaꞈ 6:25 ပူးပေါင်းရင်းမြစ်များ

Jaceuq 49:19

yaw shehꞈ-ahˇ tiˬ jawˇ-iˬ maˬ ya mawˇ-eu miˇ kʼahˬ-ahˇ, shiˇ dzeuˇ-euˬ deuˬ jawˇ gaˇ aˬ yawꞈ ya iˇ byoˆ meh.

Dawqdaq 14:13

Kʼaˇ uiˇ ngeh laˬ kʼaˬ cehˇ-eu maˬ ngeuˇ-a. Nui cehˇ mehˬ nah myaˆ biˇ caw-eu meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Dawˬ tsoˆ 2:2

Uiˇ-eu jeˬ-aˬ, aˬ dzawˬ-euˬ gaˇ pyeuꞈ-awˇ, byawˬ-eu mo-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a.

Dawˬ tsoˆ 7:3

Laˬ kʼaˬ cehˇ-awˇ uiˇ-eu maˬ tseˇ, noeˬ shaˬ-eu jeˬ poeˬ dzehˬ-eu meh. Noeˬshaˬ-eu jeˬ myaˆpyawˬ nyoeˬkʼawꞈ, nui ma bi gahˇ dzehˬ laˇ-eu meh.

Dawˬ tsoˆ 7:6

Aˬ dzawˬ aˇ gah uiˇ-eu teˇ saˇ, guiˬ ba uˬ moˆ tsawˬ bu laꞈ kʼoeˇ , toeˆ toeˆ taˆ taˆ-ehˇ mahˇ luꞈ-eu, aˬ gah puiˆ dzaˬ-eu teˇ saˇ meh.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 13:28

Aˬbyaˬhaˬ, Iˇtsaˆ, Yaˬkoˆ hawˇ-eu Miˬyehˇ gʼaˇ duˬ ngehˬ dah-euˬ tsawˇ haˬ dawˬ tawˆ luꞈ, Miˬyehˇ Miˇkʼahˬ laꞈ kʼoeˇ jawˇ luꞈ gaˇ naw maꞈ ya mawˇ-awˇ, naw maꞈ-ahˇ laꞈ nyiˇ teh dzeh nehˬ laꞈ ngeh, naw maꞈ ngoeˇ ngoeˇ-ehˇ, nui ma pehˇ-eu laꞈ kʼoeˇ seuˬ teuꞈ teuꞈ-ehˇ ya shaˬ tehꞈ-a.

Luˇkaꞈ 6:24

“Ehˇ kʼawꞈ, naw maꞈ nymˬ-mˇ smˇ muiˬ muiˬ-eu deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ nui kʼahˇ jaˆ-eu jeˬ naw maꞈ za dzeuˇ jiˇ-euˬ meh.

Luˇkaꞈ 6:26

“Tsawˇ haˬ dawˬ tawˆ luꞈ naw maꞈ-ahˇ ja ceuˬ laˇ ngeh, naw maꞈ ya noeˬ shaˬ dui dui meh. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ kʼawꞈ, aˬ yawꞈ maꞈ-euˬ aˬ poeˬ aˬ bawˇ deuˬ neh kʼoeˇ loꞈ-ehˇ ja ceuˬ nehˬ-euˬ meh.

Luˇkaꞈ 8:53

Kʼoeˇ ngeh, aˬ yawꞈ maꞈ dawˬ tawˆ luꞈ, aˬ yawꞈ-ahˇ uiˇ-eu meh. Aˬ jeˬ miˇ neh ehˇ naˇ, aˬ yawꞈ shiˇ tsehˆ taˬ-euˬ aˬ yawꞈ maꞈ siˬ duˬ-eu meh.

Eˇpeˇsu 5:4

Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yaˬkoˆ 4:9

Noeˬ shaˬ dui dui-awˇ ngoeˇ dui dui-awˬ. Naw maꞈ uiˇ-euˬ jeˬ-ahˇ ngoeˇ-eu jeˬ bi pyeuꞈ-iˇ-awˇ, laˬ kʼaˬ cehˇ-euˬ jeˬ-ahˇ noeˬ shaˬ-eu jeˬ bi pyeuꞈ-iˇ-awˬ.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.

1 Saˬmeuˬlaˆ 2:5

Yaw beh ya dzaˬ ya dawˇ-euˬ deuˬ, nymˬ-mˇ gʼaˬ mahˇ ya mahˇ dzaˬ-awˇ, yaw beh mehꞈ-euˬ shuꞈ-euˬ tsawˇ haˬ, nymˬ-mˇ maˬ paˇ dzaˬ jiˇ coeˇ meh. Maˬ baw aˬ ma zaˬ maˬ jawˇ-euˬ, nymˬ-mˇ zaˬ shiꞈ gʼaˬ jawˇ le-awˇ, zaˬ myaˬ dui dui-euˬ aˬ ma gʼaˬ, zaˬ tiˬ gʼaˬ-iˬ maˬ paˇ jawˇ meh.