Luˇkaꞈ 6:23 - Akha

²³ Kʼoeˇ loꞈ-ehˇ gʼeh-eu jeˬ naw maꞈ kʼoeˇ taˆ keuˆ le ngeh, laˬ kʼaˬ cehˇ cehˇ-ehˇ tsawˬ-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Miˬyehˇ gʼaˇ duˬ ngehˬ dah-euˬ tsawˇ haˬ deuˬ-ahˇ kʼawꞈ, aˬ yawꞈ maꞈ-euˬ aˬ poeˬ aˬ bawˇ deuˬ neh kʼoeˇ loꞈ-ehˇ jahˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ “Khoerngae nan-anr, nawmaf tsawqtsawq-aer laqkhaq caer-awq. Aqjeq mirnae aernar-aq, mq-euq khoertav nawmaf-euq mrpoeq lafsawq huiq duidui-eu mae. Aqyawf maf-euq aqpoeq deuq khawf, Miqyaer gharduq ngaeqdan-eu tsawrhaq-anr khoerlof-aer janrnaeq-euq mae.

Luˇkaꞈ 6:23 ပူးပေါင်းရင်းမြစ်များ

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

1 Sahˬpaˬ 18:4

Sahˬpaˬ Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ-euˬ tsawˇ haˬ tiˬ yaˇ gʼaˬ-ahˇ Awˇbaˬdiˇ sheuˬ-awˇ, ngaˬ tseˇ gʼaˬ byah-eu aˇ muˇ nyiˬ muˇ biˇ-awˇ, lo kʼahˬ-ahˇ sheuˬ zaꞈ taˬ-awˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ meh.)

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:14

Eˇliˇyaˆ ehˇ-eu, “Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ-ahˇ tehꞈ-ehˇ ngaˇ aˬ myah luꞈ mˇ-euˬ ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ jiˇ-euˬ meh. Ngaˇ tiˬ gʼaˬ tehꞈ-ehˇ dzeˇ laˇ taˬ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 22:27

Ngaˇ tiˬ jeˬ-iˬ maˬ ca ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ tawˬ-ahˇ nyehꞈ ahˇ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-eu laꞈ kʼoeˇ bi jawˇ tawˬ-awˬ lehˇ ehˇ nehˬ lawˬ.”

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

2 Sahˬpaˬ 6:31

“Iˬ nah Eˇliˇshehˇ-euˬ uˬ duˬ ngaˇ maˬ deuˆ tsehˆ nya naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ ehˇ-eu meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Luˇkaꞈ 1:41

Maˬliˇ dawˬ cawˬ puˬ nehˬ gaˇ Eˇliˇsaˬbehˆ ya gaˬ ngeh, aˬ yawꞈ-euˬ uˬ maˆ laꞈ kʼoeˇ pi luꞈ-eu zaˬ kʼoeˇ gʼaˬ luˆ laˇ-awˇ, Eˇliˇsaˬbehˆ -ahˇ Muiˬ-eu Shawˇ-eu Yaw sahˇ Miˬyehˇ uˇ le-euˬ meh.

Luˇkaꞈ 1:44

Nawˇ dawˬ cawˬ puˬ-eu teˇ saˇ ngaˬ-euˬ naˬ bawˇ-ahˇ gaˬ keuˆ laˇ-euˬ nehˬ-ehˇ, uˬ maˆ laꞈ kʼoeˇ pi luꞈ-eu ngaˬ-euˬ zaˬ laˬ kʼaˬ cehˇ-eu tsawˬ tsawˬ-ehˇ teuˆ-eu miˇ-a.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Gʼaˬkʼehˇ 14:10

“Tuˇ-awˇ dawˇ coe ni yawꞈ-awˬ” lehˇ, teˇ saˇ yaw kʼaˆ kʼaˆ-ehˇ ehˇ nehˬ-euˬ meh. Tsawˇ haˬ kʼoeˇ gʼaˬ tsawˬ tuˇ laˇ-awˇ, gaˇ ma cah-euˬ meh.

Gʼaˬkʼehˇ 3:8

Aˬ yawꞈ tsawˬ diˇ laˇ-awˇ, gawˬ yawꞈ yawꞈ-awˇ gaˇ ma cah-euˬ meh. Kʼoeˇ naˇ, aˬ yawꞈ tsawˬ tsawˬ-ehˇ cah-awˇ, Miˬ-ehˇ-ahˇ ja ceuˬ-eu laꞈ kʼoeˇ, aˬ yawꞈ nyaꞈ nehˬ-ehˇ Uˬ duˬtahˬ nymˇ nymˇ ma-ahˇ le-euˬ meh

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

Lormav 5:3

Shaˬ-eu zahˬ-eu jeˬ-ahˇ ya daˬ-eu jeˬ jaˆ-eu miˇ neh kʼawꞈ, aˬ dui nui ma huiˬ kʼaˇ za-eu ma. Aˬ jeˬ miˇ neh ehˇ naˇ, kʼoeˇ baˬ da neh aˬ dui daˬ coeˇ oˇ coeˇ laˇ tehꞈ-a lehˇ siˬ nya ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

2 Tiˆmoˇseˬ 2:12

Aˬ dui daˬ dzeuˇ oˇ dzeuˇ coeˇ naˇ, aˬ yawꞈ nehˬ-ehˇ ya dzoeˬ tehꞈ-a. Aˬ dui aˬ yawꞈ-ahˇ byehˇ dzeh naˇ, aˬ yawꞈ aˬ dui-ahˇ byehˇ tehꞈ-a.

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

Yaˬkoˆ 1:2

Aˬ yuiꞈ aˬ nyiˇ Ka li zaˬ deuˬ-oˇ, lawˬ haw-eu gʼawˬ mya jeˬ-ahˇ ya tahˬ puˬ ngeh, yaw muiˬ jeˬ keuˆ le-euˬ loꞈ-ehˇ laˬ kʼaˬ cehˇ-awˬ.

1 Beˬtuˆluˆ 4:13

Ka li ya shaˬ ya zahˬ gaˇ duˇ ni naw maꞈ kʼawꞈ ya shaˬ ya zahˬ-eu miˇ neh laˬ kʼaˬ cehˇ-awˬ. Aˬ jeˬ miˇ neh ehˇ naˇ, aˬ yawꞈ yaw shehꞈ kʼahˬ sehˇ laꞈ kʼoeˇ zaꞈ le ngeh, naw maꞈ laꞈ kʼaˬ ya cehˇ tehꞈ-a.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Panmaeq 2:26

Aˇ saˬ saˬ ngeh keuˆ ni ngaˬ-euˬ nui kʼahˇ mˇ-eu gʼaˬ leˇ-euˬ tsawˇ haˬ-ahˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu baoˬ ngaˇ biꞈ ma.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.