Luˇkaꞈ 6:22 - Akha

²² “Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Tsawrhaq-euq Zaqyo-euq baqda’nae aqcawq, nawmaf-anr byae-awr nawmaf-anr sawxdzae naeqlaf-eu uqtaf, nawmaf-anr yaeqbawq saerlu-aer aerlar-awr, nawmaf-euq tsawrmyanr-anr yawdoer laer sawxdzae naeflaf ngae, nawmaf guiqlanqhuiq taef-a.

Luˇkaꞈ 6:22 ပူးပေါင်းရင်းမြစ်များ

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 10:39

Yawˬ ha-euˬ saꞈ laˇ dehꞈ-eu jeˬ za nya ni leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ-ahˇ smˬ-iˇ-awˇ, ngaˬ-euˬ gʼaˇ duˬ yawˬ ha-euˬ saꞈ laˇ dehꞈ-eu jeˬ smˬ-iˇ-euˬ tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ za tehꞈ-a.

Luˇkaꞈ 20:15

Kʼoeˇ naˇ, aˬ yawꞈ maꞈ aˬ yawꞈ-ahˇ aˬ gaꞈ yaˇ kmˇ laꞈ nyiˇ biˬ doˆ-awˇ sehꞈ-euˬ meh. “Kʼoeˇ ngeh jawˇ, aˬ gaꞈ yaˇ kmˇ-euˬ yaw sahˇ kʼoeˇ gʼaˬ aˬ yawꞈ maꞈ-ahˇ aˬ joˆ-ehˇ jahˇ nehˬ nmˇ.

Luˇkaꞈ 21:17

Naw maꞈ ngaˬ-euˬ tsawˇ myahˇ-ahˇ gʼoe-eu miˇ neh, tsawˇ haˬ dawˬ tawˆ luꞈ naw maꞈ-ahˇ bye tehꞈ-a..

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Yoˇhaˬ 12:42

Yuˇdaˆ tsawˇ haˬ aˬ yuiꞈ aˬ tsu deuˬ laꞈ kʼoeˇ kʼawꞈ, Yeˬsuˇ-ahˇ jah-eu gʼawˬ mya ni jawˇ-eu meh. Ehˇ kʼawꞈ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni Paˬliˬsehˇ deuˬ teh dzeh laˇ gaˇ guˆ-eu miˇneh, bya cehˆ ni maˬ ehˇ doˆ peuˬ-a.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Yoˇhaˬ 9:34

Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 24:5

Tsawˇ haˬ heu gʼaˬ-aˬ, guˆ laˇ paˬ-ehˇ gʼeh-eu haiˬ dui dui-eu tsawˇ haˬ tiˬ gʼaˬ pyeuꞈ-eu nga maꞈ ya mawˇ-euˬ ma. Miˇ tsaˬ kʼoeˇ taˆ kʼaˇ jawˇ-eu Yuˇdaˆ tsawˇ haˬ deuˬ suˬ saˬ laˇ ni gʼaˬ biꞈ-eu Naˬzaˬlehˇ aˇ muˇ -euˬ aˬ yuiꞈ tiˬ gʼaˬ pyeuꞈ-eu meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

1 Beˬtuˆluˆ 3:14

Ehˇ kʼawꞈ, yaw muiˬ jeˬ mˇ-eu baˬ da neh kʼehˬ-eu kʼaˆ-eu jeˬ-ahˇ naw maꞈ ya daˬ-eu ngeuˇ naˇ, guiˬ lahˬ aˇ naˆ ni huiˬ-eu nga. Naw maꞈ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ taˬ guˆ. Taˬ noeˬ shaˬ.