Luˇkaꞈ 6:21 - Akha

²¹ “Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Nymq-mr nawmaf maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, nawmaf yadzaq ya dawrdaev taef-a. Nymq-mr tsawrngoer ngoerluf-eu nawmaf-aq, guiqlanq huiq-eu mae. Aqjeq mirnae aernar-aq, nawmaf ya’uir taef-a.

Luˇkaꞈ 6:21 ပူးပေါင်းရင်းမြစ်များ

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˇ dahˬ 21:6

Saˬlaˇ ehˇ-eu, “Ngaˬ-euˬ kʼoeˇ taˆ, laˬ kʼaˬ cehˇ-eu jeˬ hawˇ-eu uiˇ yoeˇ laˇ paˬ-ehˇ gʼeh-eu jeˬ Miˬyehˇ bi keuˆ le-euˬ meh. Gaˇ kawˆ heu kʼaˇ ya gaˬ-eu tsawˇ haˬ dawˬ tawˆ luꞈ, ngaˬ nehˬ-ehˇ tiˬ kawˆ loꞈ-ehˇ caw uiˇ tehꞈ-a.”

Jaceuq 107:9

Iˇ cuꞈ mehꞈ-eu tsawˇ haˬ-ahˇ aˬ yawꞈ bi dawˇ dehˆ-awˇ, mehꞈ-eu shuꞈ-eu deuˬ-ahˇ muiˬ-eu guiˬ lahˬ tiˬ byah ni shehˬ nehˬ lawˇ nehˬ-euˬ meh.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 143:6

Ngaˬ-euˬ aˬ laꞈ cawˬ diˇ-awˇ nawˬ-ahˇ guiˬ lahˬ shaˇ luꞈ-eu ma. Miˇ tsaˬ yaw gui iˇ cuꞈ mehꞈ-eu loꞈ-ehˇ, nawˬ-ahˇ ngaˇ mehꞈ luꞈ-eu ma.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 28:7

SahˬpaˬMiˬyehˇngaˬ-euˬgʼaˇduˬ, gʼaˬhawˇ-eu dehˬdaˬduˬpyeuꞈ-awˇ, aˬyawꞈ-ahˇngaˇgʼoe-eu laꞈkʼoeˇ, ngaˬ-euˬnui ma ziꞈdah jaˆma. Yawꞈcaw ba gaˇnui kʼahˇshiˇ-awˇ, laˬkʼaˬcehˇ-eu caˇdawˬcaˇ-awˇ, aˬyawꞈ-ahˇ ngaˇja ceuˬ-eu ma.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Iˇsaˬyaˇ 66:10

Yeˬluˇsaˬlehˬ meuˬ-ahˇ kʼaˇ gaˬ-eu tsawˇ haˬ deuˬ, Yeˬluˇsaˬlehˬ meuˬ nehˬ-ehˇ laˬ kʼaˬ caw cehˇ-awˇ, aˬ yawꞈ gʼaˇ duˬ nui kʼahˇ shiˇ-awˬ. Yeˬluˇsaˬlehˬ gʼaˇ duˬ tsawˇ ngoeˇ ngoeˇ-euˬ deuˬ, nymˬ-mˇ aˬ yawꞈ nehˬ-ehˇ laˬ kʼaˬ cehˇ-awˬ.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Yeˬsaˬgeˬlaˇ 7:16

Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 6:20

Yeˬsuˇ aˬ yawꞈ-euˬ zaˬ lahˇ deuˬ-ahˇ haw-awˇ ehˇ-eu, “Naw maꞈ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬjeˬ miˇ neh ehˇ naˇ, Miˬyehˇ Miˇkʼahˬ naw maꞈ-ahˇ oꞈ-eu meh.

Luˇkaꞈ 6:22

“Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Luˇkaꞈ 6:25

“Naw maꞈ nymˬ-mˇ ya dzaˬ ya dawˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ kʼoeˇ taˆ mehꞈ-eu shuꞈ-eu jeˬ keuˆ le tehꞈ-a. “Naw maꞈ nymˬ-mˇ uiˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ myaˆ biˇ ya doˆ-awˇ, tsawˇ ngoeˇ ya ngoeˇ tehꞈ-a.

Yoˇhaˬ 11:35

Yeˬsuˇ myaˆ biˇ doˆ le-euˬ meh.

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

2 Gawˇliˬtu 11:27

Gaˇ mˇ dui dui-awˇ shaˬ dui dui-eu laꞈ kʼoeˇ, uˬ ciꞈ maˬ yuꞈ ni gʼawˬ mya poˆ leh jeh haw-euˬ ma. Hawˬ mehꞈ-eu, iˇ cuꞈ mehꞈ-eu, dzaˬ dzaˬ dawˇ dawˇ maˬ jaˆ-ehˇ ya dzahˬ-eu, dm gʼaˬ dm lmˇ maˬ jaˆ-ehˇ yaw gaˆ gaˆ-eu, heu deuˬ-ahˇ daˬ dzeuˇ yaꞈ-euˬ ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.

Panmaeq 7:16

Aˬ yawꞈ maꞈ hawˬ hawˇ-eu iˇ cuꞈ mehꞈ-eu maˬ paˇ baw-ehˇ, nahˇ tsaˇ hawˇ-eu lahˇ dui dui-eu jeˬ-ahˇ maˬ paˇ ya daˬ meh.