Luˇkaꞈ 6:20 - Akha

²⁰ Yeˬsuˇ aˬ yawꞈ-euˬ zaˬ lahˇ deuˬ-ahˇ haw-awˇ ehˇ-eu, “Naw maꞈ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬjeˬ miˇ neh ehˇ naˇ, Miˬyehˇ Miˇkʼahˬ naw maꞈ-ahˇ oꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoernar-aq, Yeqsur, aqyawf-euq myavnuiv zaqlanr deuq-anr hawhaw-aer heulof-aer aer-eu mae: “Nawmaf irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, Miqyaer uvlanr-eu jeq nawmaf-anr of-eu mae.

Luˇkaꞈ 6:20 ပူးပေါင်းရင်းမြစ်များ

Jaceuq 37:16

Yaw haiˬdeuˬ-euˬpyuˇshuiˇduˬgahˬ, tsawˇmuiˬdeuˬshaˬ-eu maˬtawˬ-a.

Dawqdaq 16:19

Yaw haiˬ deuˬ nehˬ-ehˇ kʼaˆ dzaˇ biˇ dzaˬ-eu naˆ maˬ tseˇ, tsawˇ shaˬ deuˬ nehˬ-ehˇ nahˬ yu ni dehꞈ-eu muiˬ dzehˬ meh.

Dawqdaq 19:1

Dawˬ ngehˬ bahˬ-eu aˬ dzawˬ aˇ gah-aˬ, maˬ lehˬ maˬ ca-eu tsawˇ shaˬ maˬ tawˬ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.

Zaˬkaˬliˇ 11:11

Kʼoeˇ miˇ neh, dawˬ ma saˇ jaˇ kʼoeˇ hmˬ kʼoeˇ ngeh nah cawˆ-iˇ-euˬ meh. Yawˇ gaꞈ-eu tsawˇ haˬ kʼoeˇ deuˬ ngaˇ mˇ gaˇ haw tsoˆ taˬ-awˇ, ngaˬ neh mˇ-euˬ jeˬ laꞈ kʼoeˇ Sahˬpaˬ Miˬyehˇ dawˬ ngehˬ luꞈ-eu nga lehˇ haw siˬ-euˬ meh.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 5:1

Yeˬsuˇ tsawˇ haˬ aˇ maꞈ maꞈ ma-ahˇ ya mawˇ ngeh, gawˬ jawˬ uˬ du daˆ leˇ-awˇ nuiˇ-awˇ, aˬ yawꞈ-euˬ zaˬ lahˇ deuˬ aˬ yawꞈ-euˬ dawˬ peh uiˬ laˇ-euˬ meh.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 13:28

Aˬbyaˬhaˬ, Iˇtsaˆ, Yaˬkoˆ hawˇ-eu Miˬyehˇ gʼaˇ duˬ ngehˬ dah-euˬ tsawˇ haˬ dawˬ tawˆ luꞈ, Miˬyehˇ Miˇkʼahˬ laꞈ kʼoeˇ jawˇ luꞈ gaˇ naw maꞈ ya mawˇ-awˇ, naw maꞈ-ahˇ laꞈ nyiˇ teh dzeh nehˬ laꞈ ngeh, naw maꞈ ngoeˇ ngoeˇ-ehˇ, nui ma pehˇ-eu laꞈ kʼoeˇ seuˬ teuꞈ teuꞈ-ehˇ ya shaˬ tehꞈ-a.

Luˇkaꞈ 14:15

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ nehˬ-ehˇ hawˬ jawˬ jawˬ luꞈ-eu tsawˇ haˬ tiˬ gʼaˬ aˬ yawꞈ-ahˇ ehˇ-eu, “Miˬyehˇ Miˇkʼahˬ laꞈ kʼoeˇ hawˬ jawˬ ya jawˬ-eu tsawˇ haˬ deuˬ guiˬ lahˬ aˇ naˆ ni huiˬ-eu nga.”

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

2 Gawˇliˬtu 8:2

Shaˬ-eu zahˬ-eu gʼawˬ mya jeˬ lawˬ haw gaˇ aˬ yawꞈ maꞈ ya daˬ-euˬ kʼawꞈ, maˬ ehˇ jiˇ coeˇ ni laꞈ kʼaˬ cehˇ-eu meh. Kʼoeˇ miˇ neh aˬ yawꞈ maꞈ yaw shaˬ shaˬ dui dui kʼawꞈ, damˬ nehˬ-eu paw tiˬ pawꞈ-iˬ gʼaˬ byehˆ maˬ byehˆ-a.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.

2 Teˇsaˬloˇni 1:5

Miˬyehˇ-aˬ, dawˇ coe ni yaˇ kʼaˬ daˇ-awˇ, naw maꞈ kʼoeˇ loꞈ-ehˇ ya daˬ-eu ba da neh aˬ yawꞈ-euˬ miˇ kʼahˬ-ahˇ geuˇ-eu tsawˇ haˬ pyeuꞈ laˇ-eu gaˇ kawˆ, naw maꞈ daˬ luꞈ-eu kʼoeˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Miˬyehˇ Miˇkʼahˬ-ahˇ geuˇ-eu tsawˇ ha pyeuꞈ laˇ ni naw maꞈ daˬ luꞈ-eu meh.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 2:9

Nawˇ aˇ naˆ ni shaˬ zahˬ mˇ luꞈ-eu gaˇ kawˆ hawˇ-eu, aˇ naˆ ni iˇ shaˬ shaˬ-eu gaˇ kawˆ ngaˇ siˬ nya ma. Ehˇ kʼawꞈ, maˇ maˇ ni ehˇ leꞈ naˇ, nawˇ smˇ muiˬ muiˬ-eu meh. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ kʼoeˇ deuˬ neh nawˬ-ahˇ aˇ naˆ ni ja bu ja doeˇ-euˬ gaˇ kawˆ ngaˇ siˬ nya ma. Aˬ yawꞈ maꞈ-aˬ, nehꞈ Saˬdaˬ-ahˇ taꞈ-eu aˇ muˇ tiˬ muˇ meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.